المواجهات بح الي يزعل بكيفه قفلنا خلاص :)

[яαḟḟαέĻl๐]

مراحب

في البدايه فكرة المواجهات حلوه وكان فيها حماس ..

كانت الفكره كلن يطلع اسرار الثاني

تكون مثل مواجهتي مع جوان ..

لو قالت جوان شي يستفزني احاول اتجنبه مالي داعي اكبر الموضوع ويمكن هي نفس الشي ..


وانتهت المواجهه من اروع مايكون وصافيه لبن ..

نزلت مواجهة برب دخان و نبضك وصار فيها شد شوي وكلمت برب دخان يهدي الوضع وزعل ولا كمل المسابقه ...

ونزلت بعدها مواجه كارينو و عذب ومن اروع مايكون حركات وذوق ومبسوطين وانتهت بسلام ..


ونزلت مواجهة جيفنشي و نسيتك بهدوء وصار فيها شد وانحذفت ..

ومثلها مواجهة انركي و اختناق ..

-------------------------------------------

اغلب المواجهات سببت مشاكل ...

فلذالك بلاها المواجهات وكنت قايل الكلام بعد مواجهة جيفنشي ونسيتك لكن ارغمتونا نكمل ..

المهم اعتذر لكم بسبب الغاء فكرة المواجهات ونرجع لفكرة كرسي الأعترافات افضل ..


----------------------------------------

بنسبه للمواجهه الاخيرة ..

الحمد لله مافيه شي شخصي لكن الي اشوفه كلن يسب اهل ديرة الثاني بطريقه غير مباشرة وهشي ماارضاه ..

والنعم ببريدة واهلها والنعم بعنيزه واهلها ..

ونصيحة لكم كلكم ولكل متعصب لقبيله او ديره ..

عمره ماصار العز بقبيله او بديره ..


لو انك من نسل الرسول ومرمي بالسجن محد فزع معك

فما ضر عبد اللطيف جميل انه مو سعودي فخلى التنابز لنا و اخذ العز و الفلوس له ..

انا من القصيم لكن مو انا الي اتعب نفسي على شان ديره بالحرقه القصيم و الديار كلها الزم ماعلي اهلي وبس



فاستغرب هالغيره العجيبه على الديار وكانها الديره الي ربتهم مو اهلهم !


المهم مابي اي نقاش في الموضوع ..

الزم ماعلي مصلحة المنتدى و اعضاء المنتدى

العجيب ماتصير سالفه الا يحطوني بالوسط

فلا انا ارضيت فلان ولا ارضيت فلان ..

ايه

سلام عليكم

<< لا احد يرد من المراقبين تكفون

..