يــوميآت άł -ƒάђè

[άł -ƒάђè]

ترى العنوان طالع من قلب لاني مرتين كتبت يومياتي ويايتعلق الموقع ولا يتعطل المودم يعني حالت امي حاله حتى ماصير ذكي واكتب الكلام بالوورد او المفكرة هذي تسمى (دلاخة)

وفيه يوميات خاق عليها مررة مررة والود ودي اقراها اكثر من مرة من روعتها وتنسيقها وتحس انك تشوف كاتبها قدامك وبصراحة بثني عليها وبقول لـ اختي (دنــو ، برومسيس ، احساس شاعر، رومانتك )

لا توقفوون إلى الآمام لكم ، تدرون ليه قلت تحطيم لاني مستحيل اوصل لمثل روعة مواضيعهم لذالك اسمي هالشيء (تحطيم)

اما اني كل ماجمعت صور شخصية احطها في اليوميات احصل كل مواقع التحميل ما تتقبلها وحتى موقعنا هذا مركز تحميل تشكيلي يقول جودة الصورة عالية ، طيب وش ذنبي اذا جوالي الكاميرا
حقته 8.1 ميقا بكسل اروح ابيعة واشتري 1 ميقا بكسل حقت الدمعه هذا تسمي (حظ مفقود)

خلصنا من تفسير العنوان اليوميات

..............

اعرفكم بنفسي

/عبدالله

طالب كلية بالمستوى الثالث

21 سنه و 5 شهور

احسن شيء فيني اسمع كل كلمة وافكر فيها الف مرة
اشين شيء فيني ان الكلمة هذي افهمها وارميها وراي

ماعرف اقول (لا) إطلاقاً
ماقول لا بس تحملوا ..

مثـآل:

عبدالله تقوم بكرا توديني للسوق .. امم طيب
اي وقت ,, 8 العشاء ,,
اوكيه بشوف .
طيب قل ايه ولا لا
اوكيه ايه..
حلوو وعشاك علي..

بكرا 8 العشاء رررررن بالجوال ما ارد
ماعرف اقول لا
بس اسحب

الشاطر الي يفهمها وهي طايرة مايتعب معي

واكثر احد يعرف لي
جدتي الله يخليها لعين ترجيها
غصصصب توديني والحين وبسرعة واترك الي بيدك((النت))

واكثر وحده تتعب معي

امي
مجرد ما اقول لا طوالي لابوي وترى عبدالله يقول مشغول
طيب الفعيني وقولي لي غصب..

يجيك ابوي مسوي دور المنقذ

لييييه ماوديت اهلك

اممم طيب الحين اوديهم ..
لا قم الحين >>ماعرف فيس معصب >>اقول في نفسي ليه ما اختصرت ووديتهم انت

هذا انا /عبوود

على فكرة يمنع منعاً باتاً استغلالي في هذي الطريقة

هذي مقدمه بس

بـــ//ــرب

[άł -ƒάђè]

هواياتي/

كــرة القــدم... اعشق الوسط الأيمن مطلوب في عده حواري (السلي، المنار ، الروابي، الروضة)
مو غرور بس متميز فيها...

اهوى الرياضة ككل بشكل عام واحب الأندية اللياقية كثير..
لذلك كونت عندي نادي لياقي صغير في البيت..



هذي اقضي سابقا قبل خلع الكتف يوميا ساعتين..
من 10 بعد التراويح حتى 12 ليلاً في هذا المكان..

هواياتي الثانية هي الصـيد(القنـص)

اعشق القنص لحد الجنون الطير احب مطاردته وحتى لو ما احصل كثير

من عشقي له اسافر في فجر رمضان عشانه
وارجع مع ارتفاع حرارة الجو 8-9 صباحاً

افضل منتزة سعـد الوطني (عن الرياض 105 كيلو)

اروح لها قبل آذان الفجر و أوصل هناك قبل الشروق

اجواء رائعـة جـداً برادات وصوت الطيور يطربك مع وجود مجموعة من الصيادين
مع لحظة الشروق نبدا بحمل البنادق ، لنشبع العشق للصيد..







هذا انـآ كان يوم ملئ جداً بالطيور
هنا في هذي الصورة الساعة السابعة صباحاً نهار 11 من رمضان عام 1430 هـ


ومع تتالي الأيام ويمر رمضان سريع جداً وها نحن قد دخلنا العشرون من رمضان ومع اقتراب توديعه
اسال الله ان يتقبل منا صيامه وقيامه

مع عشقي لهذه الهواية

جاء يوم 16 عشر من رمضان ورحت مع ابوي ( يهوى الصيد ايضاً )

في شعيب يبعد عن الرياض حوالي 90 كيلو

وحيث كان الطير قليل جداً (( صرنا ندور المتعلق فوق الشجرة))

صدت لي طير وتعلق لكن صيدة تعبت طردي وراه من شجرة لي شجرة

قلت مالي الا اتسلق الشجرة شوي بس واحاول احرك الغصن بعصا كانت معي

صعدت حوالي مترين ونص

وسقطت من اعلى هالمكان وتعلقت يدي اليسرى بالغصن وجسمي يلعب هوبا
تالمت والله لا يعيد ذا الآلم بعد ماطحت على الآرض

جلست ساعيين فيني عبرة لو الي بجنبي يقول آآ كان صحت

رحت للمستشفى اقرب شيء / مستشفى متواضع جداً ربطوا يدي وظربوني بإبره بمكان ارفض بتاتا البته الإفصاح عنه >>

سيدا لمستشفى الملك فهد الطبية إشاعة --> عملية تخدير كامل--->مغذي ---> تعديل مسار الكتف.. انتهى
كان كتفي صايرن مثل يد باباي رجل البحار ياخذ له عشر لفات ماشاء الله ، والبركة بالسبانخ

وهذي النتيجة



احلى شيء الصورة صغيره

عاد الآن محبوس في البيت
لا كورة
ولا تمارين
ولا طلعات
ولا صيد
بس نت --> مصحف --> نوم--> ملحق

والسيارة جالسن اصور معها

هذي حالتي ...

عاد اليوم يكفي

برب

[άł -ƒάђè]

باك//

جمــعة مبـآركة عليــكم
ليلة القدر خير من الف شهر
21-23-25-27-29
احرصوا على الأيام هذي احداها ليلة القدر
الله يجعلنا ممن لحق عليها واخذ اجرها آمين

.......
اتفقنا اليوم اننـآ نـطلع مع انتهاء من صلاة التراويح لكشـتة

راح تكون مصورة وسيتم طرحها هنا

ادعس يااولد والله خشتك صغنووون مواالت بس اعجبتني يومياتك حسيتك تلقائي وكيذا يعني

من الي قيمني ذا ترى ماينكتب اسمه عندي..
ماقلت شرايك في صورتي
بنت معجبة
بس تتغلى ..
ممنوع الغزل>>ماعرف من

[άł -ƒάђè]

وعـدنا للكشتة انتهى بسحبه اليمه مني بدون ماقصد
ناايم نوم اف بس منه

[άł -ƒάђè]

مسـآءكم خــير

اليـوم صـآرت لي قصــة متعبة شوي ، قمت اليوم الفجر اتسحر من النوم وبعدها ماجاني النوم قلت اروح لم السرابيت بالإستراحة واجلس معهم خابرن انهم مايتفرقون الا 7-8 الصباح ، ورحت وجلست لين جت 7 الصبح بعدها طلعت انا وولد خالتي على الملك فهد الطبية باخذ موعد (كسور) ، ورحنا وصار الدوام يبدا من عشر الصباح ، قلنا نروح للفيصلية وندور دخلنا بعد حيل وهجهجة وباللعنة ((ممنوع)) ، بعدها طفشنا منها كل شيء مسكر قلنا نروح للبرج الي في المملكة ، الله يقطعهم عليهم حراسات كان الملك داخل فيها ..

جت الآن تقريبا 10 الصبح ورحنا واخذت موعد وطلعنا الحين فينا نوم وعجزانين نروح لبيوتنا مشووار

قلنا خل نشوف مسجد قريب كذا مكيف ناخذ لنا ساعة نووم (غفوة)

وشفنا ماشاء الله ودخلنا القسم النسائي وشغلنا المكيف لعلنا نمنا 11 وماصحينا الا 2 الظهر
اذان وإقامة وصلاة مادرينا عنها الله لا يغضب علينا ..

مير نركب السيارة وانا امغطها نوومه لين وصلنا لبيتنا

عاد اللــيلة مســآفر

دعــوآتكم

بــرب

وعدنـآ الأثنين