(قصيدة شعر وقصتهاااااا)

[زمان العجايب]

اتمنى أنها تحوز على رضاكم



بيت اشهر من علم على نار ويذكر دائما مع شراهة وكثرة شرب القهوه ولا يعلم كثير من القراء انها محاوره بين حنيف بن

سعيدان المطيري وناصر بن ابراهيم العبدالكريم وهو من اهل حرمه وكان صديقاً حميماً لحنيف المطيري .. وكثيراً ماجرت

بينهما محاورات ساخنة و تدخل ضمن إطار المداعبات الاخوية... وفي يوم من الايام حل حنيف ضيفاً على ناصر

العبدالكريم.. وبينما هما يتجاذبان أطراف الحديث ويشربان القهوة .. دخل عليهما بعض الأهالي حرمه وسكانها .. ويزيد

الاقبال على شرب القهوة ولا سيما حنيف الضيف الذي لا يزال يشرب القهوة و يرتشف الفنجال تلو الفنجال وتعد الدله تلو

الدله مما جعل ابن عبدالكريم يقطع الحديث بهذا البيت الموجه الى حنيف قائلاً :


خمسة عشر فنجال لحنيف صبيت = لو أن بطنه قربة قد ملاها


فرد حنيف :


لاتحسبني من دلالك تقهويت = ماينقه الشراب من كثر ماها


فقال ناصر :


ياحنيف أنا في حمستي ماتدنيت = الدله الصفرا نكثر مناها


فرد حنيف :


وراك ماسويتها يوم سويت = مثل العميم اللي يزين سواها

ناصر ليا مني على البيت سجيت = يرخص حلاله ماحسب مشتراها

وأبن عقيل اللي يهلي ليا جيت = مشرع البيبان للي نصاها


فقال ناصر :


سبيتها يوم أنت للضلع لزيت = ضيافتك ياحنيف هذا جزاها

ودلال ربعك يوم بالزين ماريت = هم ربعنا قبلك طوال(ن) خطاها


فرد حنيف :


مانيتي ذمت هل الجود والصيت = الملعبه حنا نقوم سناها

ياموصي الحرمه على صكة البيت = تقول ماهو فيه وأنته وراها

علم الردى يظهر ولو به تهقويت = علم(ن) وكاد ويشهدون قصراها

ياخيبة أمك يوم قالت تمنيت = ياخيبة أمك ياقطيعة رجاها



هذه المحاوره كامله للشاعرين ناصر العبدالكريم وحنيف المطيري وهم كما اسلفنا اصدقاء ولكن جاءت هذه المحاورة المازحه

[الحب مثل النوم سلطان]

ياسلااام يازمان والله كلام يسلي الخاطر


تسلم يدياتك خيتو وصح لسان الشعار

[عبد العزيز الحربي]

وينكم يالربع مالكم طريااااااااااا يالله شدو الهمه وواحد يعطينااااااااااا قصه وقصيده

[al-harbi]

سقــــــــا صوب الحيا مزن تهامه
هذه القصيدة قالها الشاعر محمد بن لعبون في محبوبته مي ( وهذا اسم مستعار استعاض به عن اسمها الحقيقي ) وقد استحوذت مي على قلب بن لعبون ، وتفردت بذلك ،، فنجد كثير من قصائده قد اشتملت على هذا الاسم ،،،،،، وقد رثاها بعد موتها عندما كانت عائدة من الحج بهذه القصيدة :




سقى صوب الحيا مزن تهـــامى *** على قبر بتلعات الحــــــــجازي
يعط بها البختري والخــــــزامى *** وترتع فيه طفلات الــجوازي
وغنى راعبيات الحـــــــــــــماما *** على ذيك المشاريف النوازي
صلاة الله مني والســــــــــــلاما *** على من فيه بالغفــــــران فازي
عفيف الجيب ما داس الملامــــا *** ولا وقف على طرق المخازي
عذولي به عنود ما يرامــــــــــا *** ثقيل من ثفيلات المــــــــرازي
أبو زرق على خده علامــــــــا *** تحلاها كما نقش بــــــــغازي
عليه قلوب عشاقه ترامـــــــــى *** تكسر مثل تكسير القــــــزازي
ألا يا ويل من جفنه على مـــــــا *** مضى له من لذيذ النوم قازي
تكدر ما صفا يا ما ويامــــــــــا *** صفا لي من تدانيها المجازي
ومن قلبه إلى هب الولامــــــــا *** يجرونه على مثل الخـــــرازي
ليالي مشربي صفو المدامــــــــا *** وثوب الغي منقوش الــطرازي
مضى بوصلها خمـــسة عواما *** وعشر كنهن حزاة حـــــازي
بفقدي له ووجدي والــــــغراما *** تعلمت النياحة والتعــــــازي
وصرت بوحشـــة من ريم راما *** ومن فرقاه مثل الخاز بازي
عذولي في هواها بالملامـــــــا *** يعزيني وانا ما نيب عازي
وكل البيض عقبه لو تســــــاما *** فلا والله تسوى اليوم غازي
سلينا لا حلال ولا حـــــــــراما *** عليهن الطلاق بلا جوازي
حياة الشوق فيها والهيامــــــــــا *** وجعد فوق منبوز العجازي
وخد تم به بدر التمامــــــــــــــا *** وقد منه يهتز اهــــــــــــتزازي
فلا ابي عقبها لا زاد ولا مـــــا *** وجزت من الهوى والغي جازي
وخضت بحور ليعات تطــامى *** خلاف الخل ما ادري وين ابا ازي
نكيف الهم في قلبي ترامـــــى *** وجيش البين بالغزوان غازي
أريده وانكسر كسر السلامى *** بسيف جرّده ما هوب هــازي
على بخت الدهر ليته تــعامى *** وخلاها وليته ما يـــــــــوازي
وليتي ما حكيت بها ويامـــــا *** بكيت لها وفي قلــــبي حــــزازي
اظل هايم دوم دوامــــــــــــا *** همومي فيه تنـــــحاز انحــــــيازي
أباح الله يا من بالملامــــــــا *** يسلم يـــوم تــــرزاه الـــروازي
اسلَّم له ولا رد الســــــــلاما *** عزيز من عـــــــــزيزات عـــــزازي
وصلاة الله مني والســـلاما *** على قبر بتلعــــــات الحجــــــــازي

[عبد العزيز الحربي]

بيض الله وجهك يالحربي على هالقصيده اللي يطربلها الواحد وده يعد قراءتها اكثر من مره دمت اخوي ودام ابداعك



تحياتي لك