منتديات  
 

قديم 12-10-2008   #1 (permalink)
عضو ألماسي
 
♣ تسجيليْ » Dec 2008
♣ عضويتيْ » 45039
♣ مشارگاتيْ » 637
♣ نقآطيْ » 792
فراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to behold
افتراضي رواية هوى قلبي رواية سعودية رومنسية جريئة كاملة

قصة هوى قلبي , رواية هوى قلبي لتحميل , اجزاء هوى قلبي , الرواية السعودية هوى قلبي , روية هوى قلبي كاملة برابط مباشر , رواية رومنسية , رواية حزينة , روايات , قصص


رواية هوى قلبي

------------------------------------------------------------
لتحميل رواية خوى قلبي على الرابط في الأسفل ولكن يجب الرد على الموضوع

محتوى مخفي


الجزء الثاني

محتوى مخفي


------------------------------------------------------------


## هــــــــــــوى قلبــــــي##

بقلمي... أنــــــــثـــــــى الخيال




في البدايه ..مقدمه بسيطه

((....بيت أبو عبدالله...))
بو عبدالله متوفي بحادث من 5سنين
أم عبدالله\
مشاعل\عبدالله\البندري\نادين
.........................
(( بيت بو راشد))أخو أبو عبدالله
بوراشد \ أم راشد\نواف\ ريان\لوجين
وطبعا راشد اللي كان مع أبو عبدالله بالسياره وتوفى بالحادث
00000000000000000000000000000
(( بيت بو بندر ))أخو بو عبدالله وبو راشد
بو بندر \ ام بندر \بندر\تركي\المزون\أسيل\نور
00000000000000000000000000000
((بيت أبو مسفر)) طبعا يكون بو مسفر ولد خال بو عبدالله وزوجاتهم خوات
بومسفر\أم مسفر\مسفر\مشعل\سلطان\الجود
000000000000000000000000000000
((بيت بو متعب)) أخو بو عبدالله
بو متعب\متعب\ذوق \ريوف+رشوف<<<<توأم
ذوق توها متزوجه وقاعده تدرس للتخصص ببريطانيا
أم متعب متطلقه من 5 سنين
00000000000000000000000
((العمه سمر))
متزوجه ولد خالتها وساكنه بالكويت وطبعا الله ما عطاها عيال ف زوجها متزوج عليها وهي طيبه وكل البنات والشباب يحبونها
000000000000000000000000000
((بيت بو محمد))
بو محمد يشتغل بالسفاره السعوديه ببريطانيا وهو خارج المملكه وزوجته تتنقل بينه وبين أولاده
أم محمد\محمد\راكان\العنود\والبيبي الصغيره ليان
.........................................
((بيت بو زايد))
بوزايد\ام زايد\زايد\زياد\فارس\إياد
طبعا زايد متزوج (شجون) بس هم بأمريكا أخر سنه لزايد ياخذ الماجستير.. وعندهم (شهد+رغد<<<<توأم يجننون)
0000000000000000000000000000
والباقي بالقصه بتعرفونهم والبعض نذكرت أساميهم بس كذا يعني مالهم داعي



&&&&&&&الفصـــــــــــــــــــــــــل الأول &&&&&&&&&&

من بين دموعها وألمها حست بالحنين مافي حد تغليه كثره تحبه وماتقدر تنساه (ريان بينها وبين نفسها أه ياتركي حسافه تفرقو قلبين)
ام راشد:ريان شفيك سرحانه؟
ريان:هلا يمه لا ..لا ولاشي وتداركت دمعتها
أم راشد: يمه ريان تعبانه؟
ريان: لا يمه بس وحشني نواف متى بيرجع من بريطانيه وبدت تبكي وأمها فتحت مناحه تذكرت ولدها الغالي
(ريان في بالها أه لو تدرين يمه إني أبكي على ولد أخوك اللي جرحني)
دق التلفون قامت ريان خذت نفس وأمسحت دمعاتها وردت
ريان: ألو (الصوت مبحوح)
البندري: خشنة صوتها وتكلمت -إحم الإخت ريان موجوده؟
خافت ريان: مين معي؟
البندري : يالله تحي ذا الصوت معك بندر حياتي
**لحظة صمت وخوف يتخلل قلب ريان مين ممكن يكون**
البندري : إهمسي بس همس لو جنبك أحد أدق ثاني مو مشكله
** ريان خافت تصك وأمها تشك وخافت تتكلم**
ريان : غلطان لو سمحت
البندري:ههههههههه ريون يالخبه شرايك فيني أصير ولد
ريان : الله يلعنك يالزفت إنت و وجهك
البندري: هههههههههههههههههههههههههه
ريان : يالحيوانه بغيت أموت إيش يقربولك اليهود؟
البندري: مدري بس يمكن راضعين سوا يووو وع تخيلي راضعه من يهوديه
ريان: بجد خبله
ملاحظه((ريان والبندري كلمة الصداقه ما توفي اللي بينهم شعارهم دائما *مني وعد ومنها عهد نبقى إلين الموت ماننسى بعض* ريان تكون بنت عم البندري لكن علاقتهم قويه جدا الكل يظرب فيهم المثل يخافون على بعض ويحبون بعض كأنهم توأم كل وحده تحس بالثانيه قبل ما تحكي ال 2 حلوات وكل وحده يميزها شي ريان طول وجسم ولاأروع نعومه بكل شي هي بيضاء البشره هههه شعرها بني غامق شلال لنص ظهرها ناااعم وحرير بالمره عيونها تطيح الطير لونهم رائع جدا عسلي مايل للأخضر الزيتوني أنفها حاد وخدودها بيضه مشربه بالحمار وثمها صغير وردي مايل للحمار جذاابه بمعنى الكلمه ضحكتها فيها سحر غريب تلمع عيونها لمعه الطيبه الجرح الحنان أما البندري ملامح بدويه وخليجيه بس الحق يقال أيه من الجمال شعرها أسود ليل لخصرها بياضها حلو لاهي سمره ولاهي ب بيضه طويله وجسمها ملفوف شوي عيونها تذبح كبار ومن الله مكحلين رموشها طوال وكثاف أنفها كما السيف و فمها فيه نفخه بسيطه الكل يفكرها عامله بوتكس (نفخ الشفايف) بس هي كذا من ربي والأحلى من كذا الغميزات اللي تحلي ضحكتها))
البندري: وحشتيني
ريان: وين وحشتك وأمس صاكه بوجهي السماعه
البندري: سلطان ولد خالتي كان معي على الخط بالإنتظار قلت مو لازم أقولك باي هههههه (سكتت شوي) تدرين ريان ودي أرتمي بحضنك أحس إني حيل مشتاقه لك أبي أقولك أشياء كثير وينه اللي عطيته كل قلبي وكل حبي وكل إحساسي ليه سواها فيني وعدني و ما وفا يا ريان وعدني وخان *بدت تبكي*
ريان بخوف: بنووو حياتي لا تبكي اللي فيني كافيني ليه سلطان شقالك؟المشكله إنه عارف باللي بقلبك وعارف بحبك لأخوه ويوصلك أخباره بنووو هو باعك إنت بيعيه خلاص
البندري : كنت شاهده على قصتي معاه حضرتي ليالي الغرام ولا لاء؟سمعتي وعوده ولا لاء؟إنت أكثر وحده عارفه الحال
**أخاف الأشواق لا طولت تذبحني
وأموت من سبته في ذمة اشواقي
ماهمني الناس تخسرني وتربحني
أهم شي مشعل لا يدمن فراقي**

__ في نفس الوقت وببريطانيا___
نواف أخو ريان:فيصل حنيت لتراب السعوديه حنيت لارضي وأرض بو متعب وأرض أحبابي كلهم
فيصل *صديق نواف من الطفوله*: هانت نواف كلها سنه وشهر ونرجع بشهاداتنا رافعين راس أهلنا وراسنا وإسم السعوديه فيها
نواف: بس والله مشتاق
قاطعه فيصل : نوافو لا تسوي مثل كل يوم شفيك شعندها الوطنيه قايمه فيك وعلى فكره إنت مو مشتاق للسعوديه كلها إنت مشتاق للي بالسعوديه
طالعه نواف:نعم نعم مين قصدك
فيصل بخبث: أمك وأبوك شفيك لا تناظرني كذا
نواف إرتاح : فكرت شي ثاني
قام فيصل لعند الباب عشان يمديه يهرب: نويف بقولك شي قريته بالمجله قبل إسبوع وقولي إذا حلو ولا لاء *هو كذاب لقى ورقه من أوراق نواف كاتب فيها كلام*
نواف:وجع إنشاءالله نويف براسك بس أسمعك قول.... طيب شفيك واقف وتتبسم
______ بالسعوديه________
مزون: ماما متى بنجتمع مع أهلنا ؟
أم بندر : قريب على إيش مستعجله
مزون طالعت أمها: لا بس اسأل *لفت وجها بغرور* إذا دق جوالي لحد يتليقف ويرفعه
أم بندر: الله يعيني عليك
بو بندر: ياأهل البيت
أم بندر:حياك
بو بندر: وين البنات و بندر وتركي
أم بندر: نور مشت بيت زوجها تغدت وراحت ومزون راحت تسبح و بندر مدري عنه وأسيل نايمه وتركي بدرس الرياضه وعلى فكره إتصلت إختك اليوم عشان حفلة ولدها وبنت أخوك وداع عزوبيه قبل الزواج يوم الخميس الجاي تودينا إنت ولا أخلي بندر أو تركي
رواية هوى قلبي رواية سعودية رومنسية جريئة كاملة
بو هجرس: لا لا الاولاد ما ابيهم يختلطون بالبنات وإنت عارفه عيون أولادك محترمين واجد (يتمصخر) وما يناظرون ولا يكلمون أحد
وراح لغرفته وهو يتحلطم و يهذر
**هو للحقيقه أولاده يطالعون بس يبقون شباب وحتى سوالفهم مع البنات عاديه بس بو بندر كثر ما لعب وسوى بدنياه شايف الناس مثله طبعا كلن يرى الناس بعين طبعه**
دخل تركي:السلام عليكم
ام بندر: وعليكم السلام - إنت ما تستحي على وجهك قول إنك طالع قول شي
تركي:أوكي بحاول مره ثانيه أقول *صفط امه وراح*
دخل تركي غرفته و حاول ينام بس تذكر ريان وشلون جرحها وتذكر كيف إن كل البنات حوله وهو كل ما عجبته وحده حول عليها وإعتذر من اللي قبلها بس ليش هو كذا ليش؟ غمض عيونه وتذكر ريان وهي تقوله جمله أثرت فيه مع إن كثير بنات قالوله اشياء تجرح بس محد هزه غيرها يمكن لانها بنت عمته وحبته بصراحه وبصدق.. تذكر يوم فراقهم وكيف سمع رجفة صوتها وهي تقول
(( لو جات من غيرك ترى كان هانت... أما تجي منك ياهـــي قويه ..كذبت فيك إحساسي وناس قالت.. ما كنت أصدق حبي لك خطيه))
قرر تركي يكلم البندري بنت عمه هي أعز من إخواته على قلبه كل شباب العيله يشكونلها ويسولفون معها لانها مسويه فيها واحد من الشباب تخفف عليهم بحنان انثوي تبكي عليهم تسأل عنهم ودايم تقول أنا لي إخوان كثير وهي البنت دجه بالمره
مسك التلفون وإتصل على *أغلى القلوب*

البندري:ياحياالله بهالرقم وراعيه وحشتني
تركي: حس براحه من سمع صوتها -هلا بالغاليه هلا بإختي الحبيبه
البندري: أخبارك ترووووكي
تركي : أنا *بضيق طبعاً* بخير
البندري بخوف: تركي والله تقولي أقسم برب البيت تقولي إشفيك تركي فيك شي الله يخليك ياخوي قولي فيك شي
تركي: لا حبيبتي لا والله لا بس شوي متضايق
البندري: مالت عليك قلت بتموت ههههههههه بسم الله عليك ليه متضايق
تركي : البندري أنا شنو بحياتك؟
البندري خافت: ها .. إنت ..تركي ليه هالسؤال إنت تدري إنك أخوي اللي ماجابته أمي غالي على قلبي وأعزك معزه الله يعلم فيها
تركي: وأنا بعد ..طيب بسألك سؤال
قاطعته البندري: شفيك اليوم
تركي : بقولك واللي فيها فيها إسمعي يالغلا رياااااااان بنت عمتي شخبارها؟ بجد هي حاقده علي؟
البندري: شوف تركي صحيح إنت غالي بقلبي بس ريان دمعتها أغلى منك بكيتها ياتركي ايام وأيام وجاي تسال الحين كنت تشوف نظراتها كيف تتبعك وتسوي فيها مو مهتم كنت تشوفها كيف تضحكلك وتسوي نفسك ما شفت إيش اللي يدق بضلوعك ما يتحرك ما ينبض حجر يا تركي قلبك حجر
تركي:البندري انا كنت أحبها وما كذبت عليها ابدا
البندري:ماكذبت؟ياكبرها عند ربي صحصح معي ياحلووو يا تركي اكبر غلط إنك تكون معها ومع غيرها تعال اوصفلي احساسك لو إنت بمكانها وسمعت اللي تحبها تكلم غيرك لا وتتغزل فيه بتسكت والله ما بتسكت حس ياتركي فيها وهي تسمعك تكلم الريم على قولتك وتتغزل فيها كانت صدمتها كبيره لا وإيش الصدفه بعيد ميلادك ..ريون جايه تعايدك وإنت ماسك التلفون من بنت لبنت إنت ما بعمرك حبيتها وإعرف شي واحد ...أكبر خساره خسرتها يوم خسرت قلب ريان
تركي: كيفها هي شكاكه لازم توثق فيني بس والله اسف
البندري عصبت : تذبحون القتيل وتمشون بجنازته تتأسف على إيش إنت مثل الزفت مشعل وصكت بوجهه
تركي : أنا شسويت توها تقول انا غالي عليها بس طلعت تغليها اكثر مني اووووووووووف انا ماابي اخسر صداقتها كله بسبب ريان الزفت كله بسببها

_______نرجع لبريطانيا__________
نواف: قول شقريت ولا إنجلع
فيصل : أوكي إسمع
نواف: إخلص علينا
فيصل: إحم إحم **رحلت ولا بقى باقي وذاك اللي يسمونه وداع ٍ حطم أعماقي ..... هالجمله لك يالمزون ابيك تعرفين قيمتك عندي ااااه يالمزون محد أجبرني
قاطعه نواف: فصوووووووووول وحذف عليه المخده
فيصل قط الورقه وفتح الباب وطلع وهو ميت ضحك عليه وعلى شكله
نواف:الله يلعن بليسك يافصول وي *ماكمل الكلمه لان عينه ع الورقه يرفعها ويقرا ويتذكر ايام المزون ولا يخليها مكانها* راح لها من دون شعور رفعها وكمل لمكان ما وصل فيصل
ااااه يالمزون محد أجبرني على غربتي غيرك ليه كل اللي صار حبيتي لك ثاني شمتي عذالي ما كنت أظن بيوم هالشي ذا يرضيك صغرتي بعيني كثير قلتيلي أحبك ولين ما علقتيني فيك قلتيلي بس كنت ابي أسلي عمري معك وإنت ما تناسبني ليه ليه كلمتيني عن بدر وعن حبه ..أناما سامحت عمري يوم بكيتك وقلتلك وانا اودعكم لسفري
مكتفي بمر الحقيقه بعد مايفوت الأوان قلتلك لاتندفع له قلت حبي صاينه وينه اللي صان حبك ماأشوفه يوم بان قلبك اللي هو قلبك لاتحسب إنك ظامنه
لاتعذر بحتياجك كلنا ناقص حنان كلنا طفل يتمنى أي شخص يحضنه نبني الدنيا وحنا نوقف بنفس المكان للأسف ينقص وفانا مع مرور الأزمنه
اااه يالمزون بكيتك بس إنت قتلتيني ومع هذا اتمنى تكونين من نصيبي......أحبك
ضم الورقه لصدره وغمض عيونه يعيش بذاك الإحساس وهو يغني
**يا دهري لا تحملني البلاوي أنا المجروح مالاقي المداوي تراني ع السفر ما كنت ناوي حكم حكم القدر غصبا عليا قبل ما أعوفكم ياأهلي كأني اشوف بغربتي حزني وأني إذا إنتو صفيتو بعيد عني أموت أحسن ولا هذي الأذيه**

______بالسعوديه____
البندري وهي تكتب بدفترها الصغير دفتر حزنها وألمها

ابكتب من بيوت الشعـر حـزن(ن) يشتهـي حرفـي أبرسـم داخـل أحلامـي صـور تحكـي معاناتـي
أبصـرخ داخـل الوجـدان أبنـدب حظـيَ التّرفـي بقطَع حفنـةَ أوراق(ن) تضـم احسـاس مـن ذاتـي
تعبت أشكي الم حزني تعبـتَ أغـضّ مـن طرفـي عرفـت انـي إذا سامحـت تجـدد كـل مأسـاتـي
كرهت الحب والاحساس وصار الكـره مـن عرفـي أبرفـع للحـزن والـخـوف والآهــات رايـاتـي
ولكني رفيعـة راس أمـوت ومـا خضـع طرفـي عزيزة نفـس مـن يجهـل صفاتـي ينظـر الآتـي
قويـة بـاس ماعمـري وطيـت بـدرب منحرفـي وانا اللي لانظـرت الكـون تهـز الكـون نظراتـي
أبوي اللي من الطيبة غرف مـن حوضهـا غرفـي وأخويـة لانطـق باسمـي تهـز الأرض هـزاتـي
ولكنـي برغـم ذلـك أسيـر بــدرب منعـرفـي مثل كل البشـر أخطـي ...كثيـرة حيـل غلطاتـي

*تجمعت دموعها* بدت تقول بنفسها لا يا بنوو لا يالبندري لا اللي راح راح هو ما يبيني حتى أنا ما أبيه بس انا أحبه بدت تتذكر أيامهم ولحظاتهم سوا تذكرت كيف بدت قصتهم
((جود إخت مشعل عزمت البندري يوم الخميس ع الغدا والعشاء لا وبعد والسهره والنوم طبعا بعد ما إستأذنت من خالتها أم عبدالله وطبعا وافقت والبندري كانت ميته وناسه وأخيرا رح تشوف مشعل كيف ياكل كيف يتصرف كيف يتكلم يوم كامل هي بس كانت تراقبه بقعداتهم العائليه
البندري:الوو جودووو إسمعي ربع ساعه وبجي
الجود:ربع ساعه بعينك يالخايسه كذا تعتذرين عن الغدا ماإتفقنا كذا
البندري : طيب قلتلك بدخل بيتكم الساعه 4 وجيت بالضبط لا وأبشرك باقي ربع ساعه على موعد الإتفاق
الجود:أظن تعرفين غرفتي ماني بنازله
البندري: يوووو إذا كذا ضيافتك إنجلعي برجع بيتنا بس بيني وبينك فكره حلوه
إدخلت البندري البيت وطبعا إفتحت البوابه الرئيسيه للبيت مشت و وصلت لنص الصاله تبي تطلع للدرج إسمعت صوت جوال يرن وكانت نغمة *الأماكن* توها بتطلع الدرجه الثالثه سمعت صوت حبيبها صوت اول حب بحياتها صوت غرامها مشعل نزلت وبخطوات خفيفه قربت للصوت كان واقف عند مرايات المغاسل الفخمه يسكر أزراره ويعدل نفسه ويضحك ويسولف مع المتصل بس اللي جمدها بمكانها الكلام اللي قاله إسمعت اللي إنقال وهي تقول لاياربي لا مو مشعل يارب يطلع سلطان بس مشعل لا
إسمعت أخر جمله منه وهو يقول
إسمع حمووودوو طالعلك ألحين إستناني شوي
سحبت رجلينها سحب وبدت تطلع على الدرج وكل درجه تحس بالموت فيها ليه حبته ليه عشقته ليه قدمته على كل واحد حبها ليه ... وليه... وليه وصلت لغرفة جود إفتحت الباب وقامت جود ركض
جوود:هلا والله تو ما نورت غرفتي ولا اقولك إطلعي صارت 4 و دقيقه هههه
البندري:........
شهقت جود:البندري حياتي شصار
البندري:,,,,,,,,,,,,,
جود :البندري الله يخليك قوليلي
البندري:جوود أبي ريان الحين *وبدت تبكي* جود وربي أحبه ,جود أنا ما أعشق غيره جووود قلبي بيده أه يا جود
ضمتها جود وخذتها تقعدها: البندري قولي إيش صار لاتقولين فارس أحلامك مات البندري لك سنه وإنت توعديني إنك بيوم بتقولين من تحبين ليه ماتبين تقولين لي أنا ماني بثقه؟ أسراري كلها عندك فضفضيلي يالغلا قولي
البندري: جود أحبك بس اللي ذبح هذا *تأشر على قلبها* مشعل أأأأأأأأأأأأأه من مشعل أحبه أعشق أخوك يالجود وأموت بثرى أقدامه *وبدت تبكي*
الجود مصدومه: مشعل؟أخوي أنا؟
البندري:إي مايحبني يالجود مايحبني
جود:هو قالك ؟والله هو ديم يقول سلمي على بنات خالتي وسلمي على خالتي والبندري ليه يخصك بالسلام
البندري : *بضحكة إستهزاء* لاني اضحك واسولف معاه وأضحكه وأسليه أعشقه وربي أعشقه *رجعت تصيح*
الجود:مين قالك مايحبك؟البندري إنت دايم قويه ليه الحين لا؟
البندري قالتلها السالفه بس ماقالت الكلام اللي هزها قالت وقال مايحبني وطلع لمحمد
الجود:إيش قاله قاله أنا ماأحب البندري بنت خالتي؟
البندري:لا كان يكلم محمد ولد عمي أول شي قاله موعد الإختبار حقهم وبما إنهم هندسه لازم يشدون حيلهم بس ما أدري شقاله محمد قام قاله مشعل حموود وربي وحشتني
محمد:؟؟؟؟
مشعل:إيه إيه أحبها عندك مانع من هي صغيره وأنا ألعبها وأدافع عنها أموت فيها
محمد:؟؟؟؟؟؟
مشعل:وربي مالك دخل إي هي عيوني وقلبي و 4 سنين إنتطالع بالعيون هههه
محمد:؟؟؟؟؟؟؟؟؟؟؟
مشعل:صاحي إنت اقولها هي ردت كثير ومستحيل ترضى فيني
محمد:؟؟؟؟؟؟؟؟؟؟؟
مشعل : صح والله فكرتك روعه تخيل بطاقه زواجي مشعل & مشاعل
محمد:؟؟؟؟؟؟؟؟؟
مشعل: أقول لا يكثر وبطلعلك الحين
محمد:؟؟؟؟؟؟؟؟؟؟؟؟
مشعل وهو معصب: لا إنت أحق فيها ولاشي أقسم برب البيت لو تقرب جنب هوى حبي لأذبحك والله شفت رشاشي اللي ارقص فيه بفضيه براسك
محمد:؟؟؟؟؟؟؟؟
مشعل:إسمع حمووودوو طالعلك ألحين إستناني شوي
الجود مصدومه والبندري *رجعت تبكي* لااااااااا يالجود بموووت حبيبي يحب إختي اللي أموت فيها مشعل اللي حلمت فيه يبي إختي مشاعل أأأأأأأه يالجود -دنيا رديه مابقى حد ما خان ... حتى مشعل اللي عشقته ذبحني- جوود أحبه
وقعدو على هالحال لين المغرب هدت شوي البندري وراحو يطالعون فلم (عمر&سلمى) ساعتين مرت على جود كأي ساعتين بس البندري كانت تموت فيهم خلص الفلم وجات خالة البندري وهي تحب البندري بجنون وصارت تسولف معها والبندري تحاول تتناسى الموضوع خلاص حبيبها من اليوم لأختها باي لحضه ممكن يتقدم لإختها وهي مستحيل تقول لإختها شي بس ضحكت بينها وبين نفسها وهي تقول ااه يابنووو قلتي للكل (فارس أحلامي ما بقول إسمه وانا أبيه هو يخطي الخطوى الأولى وبذيك اللحظه بوقف قدام الكل وبقول هذا حبيبي ) إمسحت دمعه إخذلت عينها ونزلت وقالت خلاص يابنوو يبي إختك إنسيه أه ياريان تعالي شوفي شصار فيني *طبعا ريان الوحيده اللي تدري عن حب البندري لمشعل*
إقعدو ع النت و سولفو وإستهبلو وكل هذا والبندري بس تساير جود وجود حاسه بس تبي تفرحها مسكينه
نزلوو الساعه 12 لصاله الصغيره و هم مقررين يرقصون عشان كل وحده تنسى همها
حطوو ال ستيريو وبدو يستهبلون
وقفت البندري جنب الشباك الكبير اللي يكشف البركه الكبيره تشوف كيف الماي صافي وينعش القلب وهي كذا كان قلبها صافي مافيه أحد إلا يوم دخله مشعل غير كل حياتها صار الماي الصافي الراكد كله مد وجزر وأمواج , سندت البندري راسها على الشباك وعيونها على الماي ودموعها تنزل
وطت صوت الأغاني الجود وقالت أنا بروح أجيب حركات الليل ((يعني الببسي والبطاطس والشوكلت..)) وطلعت
**في هالأثناء دخل مشعل وطبعا جود على طول راحت المطبخ إتطلع الأغراض ف هو إستغرب من صوت الميوزك والإضائه الصفرا الهاديه واللي خلاه يروح إن الجود ماتحب تقعد لحالها بذي الصاله بالتحديد لانها تخاف منها فكر إن أمه معها وهو رايح شاف ريموت الكنترول للستريو على الطاوله أخذه ودخل ما طالع كل الغرفه بس اللي همه الكنبه شافها فاضيه طفى الستيريو وسمع أعذب صوت بحياته كانت معطته ظهرها وهو منصدم وتغني ((عدت على خير ياقلبي ونسيناهم ومافي داعي ياقلبي تعيد ذكراهم اللي نسو عشرة أيامك وخانوها ننساهم أحنا مدام أحنا عرفناهم..ياقلبي لو مر بك ذكرى محبتهم فضل جمر بعدهم عن ورد جنتهم واللي رخصو عزتك إرخص معزتهم يتحملون اللي خانونا خطاياهم))......إسكتت شوي ...ورجعت تبكي... أااه يالجود لا لاتقولين لي إنسيه جوود أنا أحبه وربي أعشقه إذا هو بايعني بكيفه بس انا امووت فيه جوووود وربي أعشقه والله أعشقه ورجعت تصيح
مشعل جمد كل عرق فيه تحبه..تعشقه ...من يكون؟...أكيد جود إتعرفه...وشد على قبضة يده وصار يقرب منها ما بقى بينه وبينها إلا 4 خطوات
دخلت جوود وشهقت :هئئئئئئئئئ مشعل شتسوي هنا وراحت جنبه
البندري على طول لفت إتطالع ..مشعل ! وهنا؟ ياترى سمع ولا لا؟
مشعل بعصبيه: البندري مين حبيبك؟
جود والبندري جمدووو ... البندري كانت بحاله يورثى لها


يتبع


رواية هوى قلبي

v,hdm i,n rgfd v,hdm su,]dm v,lksdm [vdzm ;hlgm




2009 - 2010 - 2011 - 2012 - 2013


فراغ عاطفي غير متواجد حالياً   رد مع اقتباس
قديم 12-31-2008   #2 (permalink)
عضو جديد
 
♣ تسجيليْ » Dec 2008
♣ عضويتيْ » 47169
♣ مشارگاتيْ » 1
♣ نقآطيْ » 10
اموله غيرر is on a distinguished road
افتراضي رد: رواية هوى قلبي رواية سعودية رومنسية جريئة كاملة

مشكووووووووووووووووور



اموله غيرر غير متواجد حالياً   رد مع اقتباس
قديم 02-24-2009   #3 (permalink)
عضو جديد
 
الصورة الرمزية مملكة البراءة
 
♣ تسجيليْ » Feb 2009
♣ عضويتيْ » 53954
♣ مگآنيْ » آآهـل جـــــدة آآهل الرخآآء والشددة
♣ مشارگاتيْ » 5
♣ أهتم بـ » شآآآآعرة لكني مانيب شآآعرة
♣ نقآطيْ » 10
مملكة البراءة is on a distinguished road
MY SMS :»

لآآآآآتشكيليـ لآآآآآبكيلكـ

افتراضي رد: رواية هوى قلبي رواية سعودية رومنسية جريئة كاملة

بليز كمليها



مملكة البراءة غير متواجد حالياً   رد مع اقتباس
قديم 02-24-2009   #4 (permalink)
نسيتك بهدوء :$
 
الصورة الرمزية ڼسيتـﮗ بهډۉئے ツ
 
♣ تسجيليْ » Sep 2008
♣ عضويتيْ » 35706
♣ مشارگاتيْ » 9,875
انثى
♣ نقآطيْ » 77101
ڼسيتـﮗ بهډۉئے ツ has a reputation beyond reputeڼسيتـﮗ بهډۉئے ツ has a reputation beyond reputeڼسيتـﮗ بهډۉئے ツ has a reputation beyond reputeڼسيتـﮗ بهډۉئے ツ has a reputation beyond reputeڼسيتـﮗ بهډۉئے ツ has a reputation beyond reputeڼسيتـﮗ بهډۉئے ツ has a reputation beyond reputeڼسيتـﮗ بهډۉئے ツ has a reputation beyond reputeڼسيتـﮗ بهډۉئے ツ has a reputation beyond reputeڼسيتـﮗ بهډۉئے ツ has a reputation beyond reputeڼسيتـﮗ بهډۉئے ツ has a reputation beyond reputeڼسيتـﮗ بهډۉئے ツ has a reputation beyond repute
My MMS :»

MMS

افتراضي رد: رواية هوى قلبي رواية سعودية رومنسية جريئة كاملة


&&&&&&&& الفصــــــــــــــــــــل الثانــــــــــــــــــي&&&&&&&&

جود والبندري جمدوووو مكانهم ...البندري بحاله يورثى لها ما يعرفها غير رب العالمين قلبها ينبض حب وخوف من نظراته وعشق وندم إنها حبته وإعجاب وكل إحساس بالدنيا حسته
البندري بدت تبكي و جود تنزل دموعها حست بحال البندري
مشعل بعصبيه: تعشقينه يالبندري؟ من عشيقك يالبندري ميييييين قوليلي مين؟
البندري وهي خايفه وبصوت مبحوح من البكى: م...ح...د....مافي أحد
الجود واقفه وتمسح دموعها تقوله ولا ماتقوله ؟؟؟
مشعل:لاتختبرين صبري يالبندري أقسم بالله مافي طلعه من هنا إلا وإنت قايله قولي يالبندري مين حبيبك ..مين عشيقك.. مين اللي بايعك لا تبكين
مشعل بصراخ:قلت لاااااااااااا تبكين
مسك إيدها ورص عليها وهو يقول من حبيبك؟ البندري تحاول تكتم شهقاتها لان شكله يخوف وهو معصب و يدها تألمها بس ما قدرت قالت بصوت باكي مشعل تألمني مشــعــ (راح صوتها ) ماقدرت تكمل إسمه ودموعها تنزل
جود تبكي:كافي يا مشعل حرام عليك البندري تعشقك وتموت فيك
مشعل ترك يد البندري وهو بقمة الصدمه مستحيييييييييييييل هو..؟ البندري تحبه هوووو
البندري بسرعه: طلبتك يا جود لاااا الله يخليك لاااااااااااا لااااااتقولين لاااااااا تكذب عليك يا مشعل صدقني تكذب
جود: تمسح دموعها -لا وربي بحكي إعذريني يا لبندري بقوله *بصراخ* خليه يحس خله يدري مين يحبه ويعشقه ويفكر فيه ومين لا مشعل البندري تحبك من سنه الله أعلم لو مو أكثر تقول سنه إعجاب وسنه حب بس أنا أقول 3 سنين حب صح ولا لا يالبندري قولي دافعي عن حبك ليه تنصحينا حنا وإنت ناسيه عمرك ليه يالبندري ليه قوليله
البندري منزله راسها:الله يسامحك ياجود -إرفعت راسها- ويسامحك يامشعل عرفت بحبك لإختي مشاعل الله يوفقكم ومن اليوم إعتبر اللي سمعته حلم *إمسكت شهقاتها* مشعل..ماعاد لك بالقلب مكان....... جات تبي تمشي بس وقفها صوته

_____ريان______
ريان وهي ماسكه جوالها وتتصل على الجود والبندري لان قلبها كان ناغزها وخافت
ريان:ردي يا بنووو يالسخيفه
-----
ريان:اووووووووووووف شكلي بتركلها مسج صوتي
*وبالفعل سجلت مسج صوتي و تركته وقالت لها طمنيني عليك أحس بيصير شي شين *


______نرجع لمشعل و البندري____
البندري جات تبي تمشي بس وقفها صوته
مشعل: أنا اللي أعشقك وأموت فيك انا أسير حبك يالبندري أحبك والله أحبك تعبت وأنا كاتم إحساسي 4 سنين وجايه تقولين خلاص قبل ما نبتدي إنتهينا لا وماعاد لي بقلبك مكان
كانت قريبه منه وعينها بعينه من خلص كلامه لاشعورياً إرتمت بحظنه تبكي وهو يمسح على راسها تبي تروي ضماها من فرقاه وهو يبي يشبع قلبه سعاده

جود سكرت الباب عليهم وإطلعت تراقبلهم الجووو أحب شخصين على قلبها لازم تساعدهم

مشعل:لا يالبندري لا ياعمر مشعل خلاص ماأبي دمووع بنوو حبي خلاص
البندري:ليه يامشعل ما قلت لي
مشعل:وربي ماقدرت وربي بس لاتحسبيني مرتاح من 4 سنين توني اليوم عرفت الراحه
البندري:عذبتني يامشعل
مشعل:أسف والله أسف بس إنت موتيني عجزت وانا أقترب منك وإنت بغرور تبعديني ماكنت راضيه تفهمين نظراتي
البندري:مشعل
مشعل:ياعيونه وقلبه وكل كونه
البندري إستحت:أحبـــــــــــك
مشعل:أأأأأأأأأأأأه منك يالبندري وانا مو بس أحبك انا أموت عليك
دخلت جود :مشاءالله مشاءالله جووو رومنسي والله تحمسون الواحد يضم أحد مافي إلا أجيب راجو وأضمه
إبتسمت البندري وبسرعه بعدت عن مشعل وصارت إتدور بعيونها على حجابها توها تتذكر إنها بدون حجاب شافت حجابها وركضت لفته
جود و مشعل ماتو ضحك على شكلها
البندري بدلع: مشعل لا تضحك,,وشوف جود تضحك علي
مشعل:يالبي قلب من قال مشعل ..جود إسكتي لأذبحك
جود تنعم صوتها:مشعل لاتضحك ...وشوف جود تضحك علي ...مالت عليك ترى مو مناسبك الدلع
مشعل:جويد مالك دخل ف بنووو هذي هوى قلبي أصلا الدلع مكتوب بإسمها
البندري:قعدت وحطت رجل على رجل وقالت *الدلع بإسمي إنكتب مغروره -تأشر على مشعل- و مشعولي السبب*
جووود تحرك فمها كأنها تتمهزل وتتمصخر ومو عاجبتها بنووو ومشعل ميت فرحه
فجأه و قفت البندري قالت إنت كذاب تبي تلعب علي وعلى إختى صح انا شلون صدقتك إنت مستحيل تقص على صاحبك بس علي ممكن إنت حقييييييييييييييييير
إستغرب مشعل : نعم؟ أي إخت,,, البنوووو شفيك
-قالتله كل شي البندري وهي ميته قهر وتبي تبكي بس ماتبي تبين ضعفها- بس فاجئها مشعل وهوو ميـــــــــــت ضحك وقعد وهو ماسك بطنه ويضحك قالها إسمعي حياتي أول شي انا كنت أكلم محمد ولد عمك قالي
محمد:أخبار الحب
مشعل:حموود وربي وحشتني
محمد:وحشتك؟ يعني ما يأست للحين تحبها
مشعل:إيه إيه أحبها عندك مانع من هي صغيره وأنا ألعبها وأدافع عنها أموت فيها
محمد:إحلف عاد شرايك تتغزل فيها قدامي
مشعل:وربي مالك دخل إي هي عيوني وقلبي و 4 سنين إنتطالع بالعيون هههه
محمد:طيب ليه ماتقولها وتشوف إحساسها
مشعل:صاحي إنت اقولها هي ردت كثير ومستحيل ترضى فيني
محمد:تدري بسوي فيك خير بكلمها وبقولها تبادل إسمها بإسم مشاعل إختها تعرف لوازم التنسيق بالاسامي
مشعل : صح والله فكرتك روعه تخيل بطاقه زواجي مشعل & مشاعل
محمد:ههههههههه أقول مشعل الحبيب مفكر بالموضووع من كل النواحي حتى بطاقة الزواج هههههه
مشعل: أقول لا يكثر وبطلعلك الحين
محمد:شوف أحس حبك حب مراهقه وبالصراحه أنا أحق فيها بنت عمي وتعجبني شخصيتها ف بحير عليها (يعني بحجزها)
مشعل وهو معصب: لا إنت أحق فيها ولاشي أقسم برب البيت لو تقرب جنب هوى حبي لأذبحك والله شفت رشاشي اللي ارقص فيه بفضيه براسك
محمد:وربي تسويها خلاص ياخي مابيها ولاأفكر فيها بس ترى طلعت ريحتي وانا أنتظر تعال بسرعه
مشعل:إسمع حمووودوو طالعلك ألحين إستناني شوي
-------
مشعل يكلم البندري 000 إرتحتي حبيبتي ماأبي أحد يشكك لو لحضه بحبي لك شفتي كيف ظلمتيني
البندري مستحيه: وربي سوري
-- وقطع عليها حبل أفكارها صوت الشغاله وهي إتدق الباب تناديها تنزل لأمها--
تنهدت البندري ...أه يا مشعل مافي أحد ظلمني غيرك...


______ ريان وهي تكلم___________
ريان:هلا جوري أخبارك
الجوري:واقفه
ريان:ههه طيب إقعدي
الجوري:لابجد يعني واقفه على نفس حالي ماني قادره أتقدم معاه بأي خطوه
ريان : جوري بذبحك سوي شي زين بحياتك قوليله من تكونين وخلصي عمرك مو هو إعترفلك بحبه خلاص قوليله من تكونين ولاتضيعين الفرص على عمرك
جوري:ليه إنت ماتسوينها مع فواز اللي يلاحقك و يا ريان بذمتك كيف أقوله أكيد بطيح من عينه أولاً انا اللي سويتله إضافه وأنا اللي تكلمت وصرنا ربع هو توه بادي يحبني بس انا لي سنين أحبه طول فترتي معه وانا متستره على إسمي ومعلوماتي صحيح هو قال كل شي عنه صح وماكذب بأي شي بس انا شبكون بنضره ! بالمختصر كـــــــــــــــذابه
رواية هوى قلبي رواية سعودية رومنسية جريئة كاملة
ريان:اللي يحب يسامح
جوري: أدري بس جواد طبعه غير أنا ياريان كنت أنصحه كيف يساعد حبيبته مع إني أنجرح بس اللي يهمني راحته
ريان:بس هو نساها وتعلق فيك وطالب حبك
جوري: ريان أنا عطيته كلمتي وخلاص ماعدت أدخل النت عشان ما أقابله قلتله لايفكر فيني والله وياه
ريان: جوري لاتقولين كلام من ورى قلبك ليه إنت كذا
جوري:يابنت الحلال يقربني عارفه إيش يعني يقربني وماأبي مشاكل وهو صديق خالد ولد خالتي الروح بالروح وخالد إن درى بيذبحني وجواد مستحيل يسكت عن السالفه قبل كل شي بطيح من عينه
ريان:بس ياجوري إن
قاطعتها جوري:إنسي السالفه خلاص إنت أخبار أهلك وأخبار بنووو من زمان ما كلمتها
ريان : كلهم بخير الحمدلله إلا على طاري بنووو ترى معزومين عندها كلنا بكره طبعا بتجين صح؟
جوري:مادري بس بحاول
** الجوري صديقة ريان طيوبه وحبوبه ناعمه تجذب الناس لها بإسلوبها وبضحكتها وبحركاتها طبعا اي صديقه لريان لازم تتعرف عليها بنوو والعكس صحيح بس جوري غير صحيح إنها ماتقربهم بس هي دجـــــــه البنت ومرجوجه درجه أولى يعني كلهم بالهوى سوى والكل يحبها صايره وحده منهم**
**فواز يكون ولد جيران ريان وذابح عمره عليها بس هي الولد ما يعجبها لانه راعي مغازل وحركات**


_______في بيت البندري_______
أم عبدالله: ميري ميري يا ميري
ميري:أيوه مادام أنا في يجي
أم عبدالله : ميري نادي البندري خلني أشوف ليش هالأغراض
*راحت ميري نادت البندري وإقطعت عليها ذكرياتها بمشعل*
ميري :بندوو تعال ماما في ينادي إنت يقول في كلام
البندري : أوكي بجي
*إنزلت البندري وهي تلعب بشعرها*
بندووو: أخبارها الوالده عساها بخير
أمها: ههه ليه تتكلمين برسميه تامه أوقات أخربط بينك وبين عبود أخوك
بنوو:ماما إن تدلعت قلتو دلعك ماصخ وإن صرت شخصيه وثقلت عمري قلتولي واحد من الشباب شاسوي
أم عبدالله: قبل كل شي إنت موصيه السواق على شي
بنوو: إي بكره سهرة البنات كلهم عندي
ام عبدالله: وبينامون هنا؟
بنوو:والله فكره
وراحت جنب أمها تبوس بخدها وعلى راسها وعلى يدها
أم عبدالله: رب لك الحمد شعندك شفيك؟
بنوو:ماما مو أنا صايره كيووت وأجنن وأسمع كلمتك
ام عبدالله : مو دايم أوقات
بنوو: مااامااا
أم عبدالله: نعم تشرطي شتبين
بنو:كلمي ام كل وحده من البنات و قوليلهم بينامون هنا والبجامات مني ومن شعول بس لا يقولون لعيالهم
أم عبدالله : طيب بس إنت عارفه إن كل خميس شباب العايله يجون هنا يعني الملحق بكبره كله لهم لاتقولين ماقلت ترى والله عبود بيذبحكم
بنووو:أوكي وأحنا لنا الخيمه
**طبعا خيام البيوت مو البر يعني الخيمه مجهزه تجهيز تام*
أم عبدالله : لا الخيمه والملحق قبال بعض لا إنتو بترتاحون ولا هم
بنوو : ماما حنا بندخل وما بنطلع وكل شي عندنا هم بعد عندهم كل شي بعدين ماما هم دايم يدقون يسمعونا ضحكهم وهم يفحطون هالمره أحنا بنحط الأغاني الحماس خلهم ينقهرون
أم عبدالله:ههههه والله كيفكم إتفاهمي مع عبود
بالوقت جات مشاعل اللي هي ب 3 جامعه أكبر من بنوو بسنتين وقالولها وإستانست
ومسكت أم عبدالله التلفون وبدت بأول بيت بيت إختها عشان تقولها عن الجود
أم عبدالله: ألو
مشعل : هلا براعيه أحلى الو هلا خالتي كيفك
أم عبدالله: هلا مشيعل هلا بروح خالتك أخبارك؟ **هنا كان إحساس بندري ما ينوصف إشتاقت لصوته لضحكته تمنت تاخذ السماعه هي وتكلمه**
مشعل : بخير خالتي أخبار البندري و مشاعل و ريناد وعبود عساهم بخير؟
أم عبدالله: الحمدلله عطني أمك شوي؟
مشعل: أوكي بشوفها دقايق خالتوو
بهالوقت دق جوال ام عبدالله وقامت عشان تكلم وقالت للبندري كلمي خالتك إذا مارضت قوليلها ماما تقول لازم تجي جود
مسكت البندري السامعه وقاعده تفكر شتقول لخالتها وتتدرب على الكلام اللي بيقنع خالتها بس المفاجأه يوم تسمع صوت بعيد وكل ساعه يقرب وتسمعه بأوضح وهو يغني (أخلفت في وعدي والله ما ودي كل الظروف ضدي في عالمي المجهول غلطه وانا المسؤل) وكان صوت مشعل جمعت شجاعتها وقالت بنفسها أكرهك يا مشعل أكرهك
مشعل: خالتي ماما تصلي تبين شي ظروري
البندري: هلا سلطان أخبارك؟
مشعل: مين؟ **وهو يقول بنفسه ليه إنت ليه ..انا أبي أنساك وترجعين تعذبيني بصوتك ليه**
البندري: سلطان لا تستهبل انا البندري أحلى بنات السعوديه
**مشعل بداخله وأنا اشهد والله مو بس السعوديه إلا الكون كله.. فديت الواثقين**
مشعل:مشاعل
قاطعته البندري: ربي يعافينا ماتسمع أقولك البندري تصدق أشك إنك سلطان
مشعل عصب: وليه إنشاءالله
البندري:صوتك يشابه الغبي مشعل ع العموم أنا بسكر الحين وبرجع بدق أوكي
مشعل:أخوي مو غبي
البندري:طيب لاتعصب شوف سلطان ابيك تقول لأحمد ولد خالتي انا بفكر باللي قاله صحيح إني فشلت مع مشعل مع إني كنت أحبه بس الحب ما فادنا بشي بس بحاول أقتنع بفكرته انا اتمناله اللي أحسن مني بس بفكر باللي قاله ههههه سلطوون تراك إنت اللي بتزفني له
مشعل حس بالمووت وده يصارخ ويذبح أحمد ...والبندري تعمدت تقوله لان أحمد ولد خالتها غادة لزقه بشكل مو معقول وهي إلى الأن تقوله احب مشعل ومستحيل انساه وأحمد يقول عادي بس المهم نكون سوا ومع الأيام بتحبيني فهي هددته بتقول لمشعل وهو قال عادي
مشعل: الله يقدم اللي فيه الخير وأنا مشعل مو سليطن
البندري سكتت وهي كاتمه ضحكتها
مشعل :بالتوفيق ربي يسهلكم
البندري : أمين الله يسمع منك **إنقهرت شوي وصط فرحتها بس اللي قهرها إنه ماسك نفسه لا ويبارك**
مشعل:مافي عقبالك؟
البندري:هههههههه مستعجل تبي تقلدني طيب تزفني لاحمد وبعدين قلدني عشان أقدر ازفك
مشعل ميت قهر تنكت مع وجها بس يازين ضحكتها والله ما أخليك والله ياأحمد لاذبجك
مشعل:طيب انا ماشي بيت خالتي غاده تبين أقول شي لساره لاني بدرسها شي مو فاهمته
البندري بعصبيه وقالت بدون ما تفكر: والله ماتروحلها إنت لي و *سكتت عرفت غلطها*
مشعل إبتسم إبتسامة نصر وأخيراااااا
مشعل:نعم
البندري:معك الكاميره الخفيه هههه روح وإقعد معاها ودرسها وقولها لاتنسى السهره عندي و أمووح بوسه مني لها **وهي بداخلها مالت عليها الله ياخذها من يوم يومها وهي حاطه عينها عليك وجع**
مشعل:بوصل كل شي وكنت حاب اوصل البوسه بس انا أغار عليها لاتقولين إنت بنت حتى من الهوى أغار عليها
سكرت البندري بوجهه التليفون ** الله ياخذك وياخذها وجع حقييييييييييييييير تغار عليها يامشعل تبدلني انا فيها هالسحليه الحيه**
**ساره بنت خالة البندري ومشاعل طبعا هي البنت عاديه بس اللي مخرب عليها أنانيتها وغرورها على لاشيء**
مشعل ميت وناسه تحبه للحين تحبه بس هو عنده حساب لازم يصفيه مع أحمد ... راح خذا مفاتيح سيارته وطار عنده
البندري قالت لامها إن خالتها تصلي وإن لازم تكلم الكل وطلعت غرفتها تكلم ريان


____ببريطانيا_______
قرر نواف ينسى المزون ويفضي راسه لدراسته وهو يبحث بالنت على بعض المعلومات إنصدم باللي شافه
((تم تسجيل دخول أنا المزون وماهمني من قال مزيون))
تردد يكلمها ولا لاء قال خلني ثقيل وخلاص لازم انساها
ومزون ما كانت حالتها أحسن صحيح قالت أحبك وعيشها بأيام حلوه بس ماكانت مقتنعه لين دخل بدر ولد خالتها بحياتها وحبته بجنون بس ردلها نفس الحركه اللي هي سوتها قالها أنا مجرد معجب فيك إنت العاشقه وأنا الحين أدورلي على بنت الحلال صحيح إنك جميله بس ماتناسبيني
مزون تطالع بالي موجودين عندها إبتسمت يوم شافت (( نــــــــــــــ مــ ينعاف ــا ـــــــــــواف))
إنتظرته ربع ساعه ما سلم

أنا المزون وماهمني من قال مزيونsay:
صباح الخير نواف أخبارك؟وأخبار الدراسه معك
نـــــــــ مــ ينعاف ــا ـــــــــــوافsay:
هلا الناس يقولون مساء الخير بخير الحمدلله وناسه وراحه نفسيه
أنا المزون وماهمني من قال مزيونsay:
دووم إنشاءالله
نـــــــــ مــ ينعاف ــا ـــــــــــوافsay:
تسلمين
أنا المزون وماهمني من قال مزيونsay:
بنشوفك قريب ولا بعد بتقضي سنه بدون ما نشوفك
نـــــــــ مــ ينعاف ــا ـــــــــــوافsay:
والله مدري على حسب قلبي إن طاوعه يترك بريطانيا تركتها وجيت وإن قالي لا قعدت فيها
أنا المزون وماهمني من قال مزيونsay:
على حسب قلبي؟ مافهمت ؟ شقصدك؟
نـــــــــ مــ ينعاف ــا ـــــــــــوافsay:
أسف أشياء خصوصيه
**تفشلت المزون وتحطمت هي توقعته مابينساها بس يقول إن طاوعه قلبه معناته يحب حد من هناك أناا الغبيه اللي تركته هو كان يحبني بجنون بس وع حاب بريطانيه أكيد حلوه بس أنا حلوه بعد**
أنا المزون وماهمني من قال مزيونsay:
أنا أسفه
أنا المزون وماهمني من قال مزيونsay:
الظاهر إنك مشغول ؟
**نواف بداخله والله تطور يالمزون صرتي تتأسفين بس أنا اوريك لا وبعد متفرغتلي ودايم كنتي تتعذرين بربعك وإنك مشغوله **
نـــــــــ مــ ينعاف ــا ــــــــــوافsay:
لا تكلمي قولي اللي عندك انا للحين ما إنخلق اللي يشغلني عن إختي المزون
أنا المزون وماهمني من قال مزيونsay:
إختك؟
نـــــــــ مــ ينعاف ــا ـــــــــــوافsay:
إإإإإي أكيد
أنا المزون وماهمني من قال مزيونsay:
بعمر الحبيبه ما صارت اخت .. نواف شفيك متغير كذا
نـــــــــ مــ ينعاف ــا ـــــــــــوافsay:
والله إني على طبيعتي وبعدين أي حبيبه وأي حب وأي خرابيط إنت خسرتيني وأنا خسرتك مابينا غير إخوتنا والسلام عن إذنك وراي موعد مهم باي
أنا المزون وماهمني من قال مزيونsay:
بااااااااااي
**يالله يالمزون خسرتي اوفى قلب حبك بس انا كنت احبه بدليل إني اقارن بينه وبين بدر ودايم هو يطلع بنظري الرابح ذكرياته مرافقتني بكل مكان ....لازم نرجع سوا**

____بالجامعه______
((ريان والبندري والمزون و العنود بنت عمهم نفس القسم إدارة أعمال,,,,الجوري صاحبتهم وفتون يدرسون برمجة كمبيوتر,,,, ساره بنت خالة البندري لغة إنجليزيه ومعها جود و وجدان صديقة البندري وجارتها بنفس الوقت,,,,, مشاعل إخت البندري سنه 3 مع أسيل بنت عمهم أخت المزون يدرسون هندسه ديكور,,,,,))
بالكفتيريا حقت الجامعه كانو قاعدين
ريون و بنو و مزوونه و عنوده و الجوري وفتون ومشاعل وأسيل يسولفون عن سهرة اليوم وش بيسوون بس طبعا موضوع النوم كان سر وكل اللي ذكرتهم بنات الجامعه معزومين وبينامون إلا وجدان و فتون بس الجوري أمها رضت لانها عارفه البندري وأمها
دخلت الكفتيريا بنت شعرها بوي ونعومه كلن يطالع فيها جمال وأناقه و شكلها مؤدبه وقاعده إتدور على أحد طبعا الجوري عندها فضول تبي تسمع صوتها وتبي تتعرف قالت للبنات بجيبلكم خبرها .. مشت جنبها وفجأه ضحكت بصوت عالي
جوري : بنووو ريووون ههههههههههه تخيلووو حاطه *فيرزاشي الكرستاله الأسود* عطرنا المفضل
البنات ماتوووو ضحك والبندري وريان غمزو لبعض وقامو يبون يستهبلون
مسكت المزون يد بنووو
المزون: نبي نضحك أوكي ..
ضحكت البندري: على حسب ما أضمن لك
مرووو من جنب البنت وبدو يمشون ببطئ
بنو: إختي هذي جامعه إنت متلخبطه بين المجمع والجامعه
البنت:نعم
ريان:أعصابك
جوري:تبون فزعه؟
بنو:تعجبني راعية الفزعات
ريان: هي وفزعاتها عسل
بنوو:ما أقدر انا كذا أغار
جوري: خفو علي شوي
البنت: لو سمحتو مالي خلقكم
بنووو:لالا كذا نزعل حنا
ريان:وزعلنا غالي
جوري:صراحه يا إنت مالك حق تزعلينهم
**البنت صارت إتطالع بوجه البندري وتدقق فيه وطلعت ورقه قاسيه كأنها صوره صغيره شافتها ورجعت دخلتها**
البنت: وأنا مايهون علي زعل البندري يوسف ال......
البنات إنصدمووووو
البنت مدت يدها:معك الهنوف خالد ال..... طبعا يمكن ما عرفتيني بس أنا أعرفك مره كنا بعرس وشفتك فيه وسالت وحده وقالتلي إسمك بس ما توقعت نلتقي شخبار مشعل؟









توقيع
/

سَبِحآنْ الله وٌ بَحمِدهْ , سّبحِآنْ الله العَظِيمْ



[ ]
ڼسيتـﮗ بهډۉئے ツ غير متواجد حالياً   رد مع اقتباس
قديم 02-24-2009   #5 (permalink)
نسيتك بهدوء :$
 
الصورة الرمزية ڼسيتـﮗ بهډۉئے ツ
 
♣ تسجيليْ » Sep 2008
♣ عضويتيْ » 35706
♣ مشارگاتيْ » 9,875
انثى
♣ نقآطيْ » 77101
ڼسيتـﮗ بهډۉئے ツ has a reputation beyond reputeڼسيتـﮗ بهډۉئے ツ has a reputation beyond reputeڼسيتـﮗ بهډۉئے ツ has a reputation beyond reputeڼسيتـﮗ بهډۉئے ツ has a reputation beyond reputeڼسيتـﮗ بهډۉئے ツ has a reputation beyond reputeڼسيتـﮗ بهډۉئے ツ has a reputation beyond reputeڼسيتـﮗ بهډۉئے ツ has a reputation beyond reputeڼسيتـﮗ بهډۉئے ツ has a reputation beyond reputeڼسيتـﮗ بهډۉئے ツ has a reputation beyond reputeڼسيتـﮗ بهډۉئے ツ has a reputation beyond reputeڼسيتـﮗ بهډۉئے ツ has a reputation beyond repute
My MMS :»

MMS

افتراضي رد: رواية هوى قلبي رواية سعودية رومنسية جريئة كاملة

&&&&&&&&الفصـــــــــــــــــــــــل الثالــــــــــــــث&&&&&&&&&


البنات إنصدمو
الجوري:حركات بنوو ولك معجبين بالعرس بعد
ريان:أحلى يالخطييييييير ماأقدر الصراحه
البندري:شفتو عمتكم الشيخه بنوو أزين بنت بالسعوديه
جوري:مالت عليك
ريوون: مداح نفسه يبيله رفسه
الهنوف:بجد انا أتمنى أصير صاحبتكم لان توني جايه بس بكون إنتساب
جوري:أي تخصص؟
الهنوف تطالع ريان والبندري: إدارة أعمال
بنو: أي سنه
الهنوف توهقت: مثلكم
ريان الهبله:أولى
الهنوف بخبث أيوه أولى
راحت الهنوف معهم يعرفونها على باقي البنات والبندري محتاره كيف شافتها بعرس وتسألها عن مشعل
المزون أرسلت للبندري بلوتوث

"" ما ارتحت لها شوفي كيف تناظرك إنت و ريان ""

البندري
""انا ناغزني قلبي منها الله يستر وراها سالفه ""

البندري >>>>لريان & جوري
"" ما أرتحنا لها لا أنا ولا المزون شرايكم ""

جوري
"" لا شكلها حليوه """

ريان "" حبوبه بس وراها شي""



__________باليل________


بسهرة البنات كان الوضع خطير ضحك وسوالف ومن حسو إن عدد الشباب كمل حطو سيديات الطقاقات وبدووو رقص وصراخ وطبعا الباب قزاز عاكس باليل,,,اللي بره يشوف الباب مثل مرايته ومايقدر يشوف اللي داخل بس اللي داخل يقدرون يشوفون الشباب وطبعا حطو البنات ياسلامي عليكم يالسعوديه والشباب ما إستحملو طلعو يرقصون إستنزلوو بطريقه مو صاحيه والبنات ميتات ضحك عليهم
ريان تناظر عبدالله اخو البندري وتركي تحس للإثنين بحب قوي
البندري قدام الكل:ياعيني على مشعل
الكل ضحك طبعا وصلو المايك بالستيريو واللي تكلمت البندري أول جمله قالتها
عليهم يامشعل أحلا ياقاهرهم الشباب بدو يصارخون والبنات فتحو جزء من الباب عشان الصوت يوصلهم أكثر مع إن ماكان في داعي لان الصوت مسمع كل الجيران
البندري:حلووو يارايق أحلى ياعبووود
بنوو: عاش سلطاااان
بنوو:يا ولد حركات يا تركي عذبهههههههم يا بندر
والبنات صراخ وضحك والشباب مستنزلين ويضحكون على صراخ البنات طبعا بهالوقت دخل راكان هو أصغر من ريان والمزون والبندري بسنه راكان ولد عمهم يحبوونه حب مو صاحي هو أخوهم ولد عمهم وصديقهم
بس دخل راكان قامت البندري صارخت فديت عيوون راكاني عليهم يالغالي
جاو المزون و ريان للمايك وبصراخ: راكاااااااااااااان راكااااااااااااااااااااان
وهو يضحك ييأشر على الخيمه وبعدين يأشر على قلبه يعني *إنتو قلبي* وقامو يصرخون البنات
خلصت الإغنيه و وقفو الشباب كأنهم عرضه

الشباب: لا يوقف لا يوقف لا يوقف

لفت البندري حجابها وطلعتلهم قالت بنسوي هدنه إنتو كم ولد ؟
كانو (عبدالله -راكان-سلطان-تركي-مشعل-أحمد-مسفر-محمد-بندر) إنتو 9
وحنا (البندري-المزون-الجوري-العنود إخت راكان-ريان-مشاعل-اسيل-وجدان-ساره-جود) وحنا 10

-طبعا فتون ما جات لانها طالعه تقابل خويها وماقالت هالكلام لاي بنت من البنات خلت أهلها يوصلونها لباب البندري وهي صرفت السواق وإركبت مع خويها (طارق)

البندري إحم إحم أعرفكم بنفسي البندري ملخبطه قلوب خلق الله
"إبتسم مشعل وهو يقول بنفسه مو بس ملخبطتهم إلا معذبتهم يازينك يابنو ويازين كلامك"
"البندري قلبها يدق من زمان ما شافته تحبه وهو قدامها غصب عليها شافته وماتت بإبتسامته وبعيونه الذباحه ولا السكسوكه خنجر وربي خنجر شكله يذبح أنواع التعذيب"
البندري :لحد يسرح وناظرت ب مشعل
ضحك مشعل:كيفي
البندري : المهم الهدنه إن حنا عازمينكم تسهرو معنا بداخل الخيمه لكن بشرط كل ولد رح يحط فلوس له ولوحده من البنات له أحقيه الإختيار أي بنت يبغى و يحاسب طلبه وطلبها
الشباب: هههههههه والله قرويات...تفشلون... مالت عليكم -إلا مشعل الوحيد اللي ماعلق بس قال- حلوه الفكره إي ليش لا
ضحكت له البندري : إنت رهيب والله
ردلها الإبتسامه
إفتحو البنات باب الخيمه وطلعت وجدان قالت ماما قالت تأخرت وسوري يابنوو
وبدت البندري...انا بكلمها بس لا تروحين
وجدان: لا والله مره ثانيه بليز وقالت بإذن البندري -جاييني خطاب-
البندري ههههههههه إحلفي وناسه
الشباب ماتو ضحك وجدان امبين شكلها ميته خوف و البندري تضحك

_______ بأمريكــــــــا ______
شجون:زايد مين اللي تو تكلمك
زايد وهو مستمتع بحرق أعصابها وبشكالها
زايد:مالك دخل
شجون:زااااايد والله لو ما تقولي لاتركلك البيت وانا لاول طياره عند أهلي
زايد:يالبزر
شجون دمعت عينها:انا بزر
زايد ماتهون عليه دمعتهاأبد:شجوني يا بعد قلبي وش فيك اليوم
شجون لفت وجها وبعدين رجعت ناظرته و حطت عينها بعينه وهي عينها تدمع
شجون:زاااايد
زايد:ياعونه وعيونه وحبه وقلبه وكل كونه
شجون غمضت عينها:طلقني



_____نرجع لسهرة الشباب والبنات___

قالت البندري يالله تساوينا إنتو 9 وحنا 9
دخلو الشباب وقعدو البنات قدامهم كل وحده لافه حجابها ولابسين قمصان بكم وشوي طويله و جينزات
قعدت البندري يالله بالدور
أول شي راكاني الغالي ... ناظرها مشعل ولف وجها وأحمد نفس الشي
ركان : أسيل عشان إنتو ال3 أحبكم ما أقدر أخذ وحده والثنتين الباقين لا
اللي بعده
عبدالله: ريان
تركي:جود
سلطان:مشاعل
بندر:الجوري
مسفر :العنود
محمد :ساره
أحمد:طبعا البندري *وناظر مشعل بنضرة نصر وطبعا عصبت البندري وناضرت ب مشعل
مشعل: وأنا المزون
.. بنو إبتسمت للمزون إن ياحظك بس المزون وقفت وقالت لا والله أعترض انا و مشعل مستحيل أنا وأحمد أوكي بس ومشعل لا ما أحب أتفاهم معاه وقف راكان قال مشعل والبندري -- وأحمد والمزون * البندري كان ودها تبوس راكان وهو عارف القصه لانهم يشكون له ف عطاها غمزه وهي ضحكت
صارو كل واحد مع بنت قاعدين يتفقون على الوجبات و المبلغ وسالفه

طبعا ريان كانت بتموت وهي قريبه من عبدالله تحس بإحساس غريب معقوله تحبه وليه لا عبدالله مزيون و ماعليه كلام والبندري ماعندها كلام بدنياها إلا عبدالله وعبود وعبدالله و.....
طلبت اللي تبيه وهو حاط عينه بعينها
عبدالله:عيونك عدسات
ريان:ها لا من ربي
عبدالله:صح من أحنا وصغار وأنا أقول كيف تلونين عيونك يوم كبرت عرفت العدسات بس ماتعرفت عليهم بعينك
إرتبكت ريان: أوكي

البندري ومشعل
الإثنين ميتين وناسه ودهم يرقصون من الفرحه بس مشعل ما يبين للناس ولا للبندري هو قالها إنتهينا وخلاص ولازم يكون قد كلمته والبندري ودها تسأله عن سبب فراقهم بس ما تبي تنذل له
البندري : رقصك حلو
مشعل: إنت الأحلى أقصد شكرا
وصارت عينهم تتكلم إلى ما جات رساله للبندري وطبعا مشعل قرا معاها وضحك
كانت من المزون ((شكلكم رهيب الله يرجعكم لبعض على فكره بعذبه هالتافه احمدوو))
البندري:ليه تضحك
مشعل: إنتو يالبنات بجد إن كيدكن عظيم وبعدين الإنسان إذا طلع من حياة إنسان صعب يرجع
البندري: صح معك حق وعلى فكره ماأبي أي وجبه
مشعل: وباللي خلقني تطلبين ولا بجيبلك زنجر مثلي
*البندري بينها وبين نفسها قلبك على قلبي حياتي*
البندري:أوكي وقامت
مشعل بداخله... بتكونين حلال غيري شهر بالكثير وإنت له ليه تعلقيني وتعلقين نفسك ليه ليه يالبندري والله أحبك والله مابيدي أخطبك ولاشي أنا طالب للحين أدرس ليه أقطع بنصيبك


__المزون & أحمد___


أحمد بقرف:إطلبي
المزون:وجع إيش هذا الإسلوب
أحمد:أسف
المزون: إي خليك كذا
أحمد: ليه ماتبين مشعل
المزون: كذا .. وبعدين تعال بسألك سؤال إنت ليه لازق بالبندري أقسم بالله إنك لزقه وعلى فكره تكرهك البندري
أحمد بعصبيه:طلبي وإخلصي
المزون:أبي 3 وجبات زنجر و 1 مطافي
أحمد:قلنا وجبه ماقلنا إشتري لكل بيتكم
المزون: أنا هذي عندي بحساب وجبه كيفي أحب أكل
أحمد : طيب متأكده بتاكلينهم ؟
المزون : خايف تدفع
أحمد : لا خلاص راكان أحنا 3 زنجر و 2 مطافي ودفع الحساب


وكل واحد سجل الطلب ودفع ومشعل عطاهم الفلوس وطلع بره

سمع البندري وهي تقول فارس حبيبي وربي مو كذا القصه جمعه عاديه كان جيت إنت بعد إسمع حياتي كله ولا زعلك يالغلا ....هههههه....بجد......ماأقدر........أكلمك 12 بالضبط......أوكي يالحب باي

____عبدالله_____
عبدالله:الو
البنت:نعم
عبدالله:إنت ماتقولين لي من تكونين؟كل يوم مسج تهديد وكل ساعه رقم
البنت:واالله لاخليك تندم ياعبدالله
عبدالله:من تكونين عشان تهددين ولو إنك واثقه لهدرجه من نفسك جيبي شرايح بإسم
رواية هوى قلبي رواية سعودية رومنسية جريئة كاملة
البنت:إسمع هالكلمه تهديدي بيستمر لين أخذ حق كرامتي منك ..مو انا اللي ينقال لي *ياشين البنات اللي يتلصقون* فاهم و إسمع لو إنتقامي مو فيك ف بتشوفه بأحد تغليه
عبدالله عصب: إنـــ.. (ما أمداه يكمل لانها صكرت بوجهه)
--عبدالله بينه وبين نفسه ..حقيره بس لو أعرف من تكونين ااخ يالقهر--









توقيع
/

سَبِحآنْ الله وٌ بَحمِدهْ , سّبحِآنْ الله العَظِيمْ



[ ]
ڼسيتـﮗ بهډۉئے ツ غير متواجد حالياً   رد مع اقتباس
إضافة رد

الكلمات الدلالية (Tags)
جريئة, رومنسية, رواية, سعودية, قلبي, كاملة

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


رواية هوى قلبي رواية سعودية رومنسية جريئة كاملة
المواضيع المتشابهه
الموضوع كاتب الموضوع المنتدى مشاركات آخر مشاركة
رواية عشاق من احفاد الشيطان كاملة لتحميل رواية سعودية فراغ عاطفي روايات طويلة - قصص - روايات الاعضاء 526 04-12-2014 01:15 AM
رواية احلى صدفة في حياتي رواية سعودية كاملة لتحميل فراغ عاطفي روايات طويلة - قصص - روايات الاعضاء 989 02-12-2013 12:24 AM
رواية بنات السفير رواية سعودية كاملة مشوقة ورومنسية فراغ عاطفي روايات طويلة - قصص - روايات الاعضاء 197 08-19-2012 03:26 AM
رواية يارب تخليه وتبقيه لعين ترجيه رواية سعودية كاملة لتحميل فراغ عاطفي روايات طويلة - قصص - روايات الاعضاء 279 08-01-2012 12:17 AM
رواية لعيونك يا جود كل شي يهون رواية سعودية كاملة لتحميل رومنسية حزينة فراغ عاطفي روايات طويلة - قصص - روايات الاعضاء 70 05-07-2009 09:29 PM


الساعة الآن 04:49 PM.


Powered by vBulletin® Version 3.8.3, Copyright ©2000 - 2014, Jelsoft Enterprises Ltd.
SEO by vBSEO
 
 
يمنع منعاً باتاً اضافة الكراك او الكيجن او السيريل للبرامج لحفظ الحقوق الخاصة بالبرامج يمنع اي موضوع يهدف الى الأثارة الجنسيه أو لا يتناسب جميع افراد الأسرة ويمنع اي موضوع يدعو للعنف او يرعض مقاطع تدعو للعنف او صور تدعو للعنف