منتديات  
 





موضوع مميز

العودة   منتديات تـشـكـيلـيے أبـكـيلـكے © > • أبج ـــديآتِ الحرفْ والڪلمـــة • > روايات طويلة - قصص - روايات الاعضاء

روايات طويلة - قصص - روايات الاعضاء روآيات طويله / وَ قصصْ


رواية ابوس راسك يا زمن ماعاد فيني للجراح رواية سعودية مشوقه كاملة

روايات طويلة - قصص - روايات الاعضاء

رواية ابوس راسك يا زمن ماعاد فيني للجراح رواية سعودية مشوقه كاملة


Like Tree5معجبون

إضافة رد
 
LinkBack أدوات الموضوع
قديم 12-19-2008   #6 (permalink)
عضو ألماسي
 
♣ تسجيليْ » Dec 2008
♣ عضويتيْ » 45039
♣ مشارگاتيْ » 637
♣ نقآطيْ » 792
فراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to behold
افتراضي رد: رواية ابوس راسك يا زمن ماعاد فيني للجراح رواية سعودية مشوقه كاملة

بكل الحب اترككم مع (الجزء الرابع ) اتمنى ان يحوز على اعجابكم



اشوف الهم بأيامي وحزني للزمـان ايلـوح"
"الا ياحزني الهالـك تحمـل منـي اعتابـي
تحملتك وانا من ضيقة ايامي عجزت ابـوح"
"تبعتك لين ما ثار التشـاؤم وانكسـر بابـي
تساوينا انا وبعض الشعور بماضي ٍ مطروح"
"رضينا بلألم بس الألم ما عـاد يرضـا بـي
بنيت آمال و آمالي خذلها الواقـع الملمـوح"
"اسرها الياس واحسه تعبت يستوطن احبابي
احس اني تنفست التعب في عصره المكدوح"
"وصرت اغيب وانفاس التعب تتحسس اغيابي
امل صرنا نعيشه والعمر فوق الجراح ينوح"
"يموت ويندفن دمعه وانا احفـر لـه اترابـي
اضمه داخلي واشهق الين الروح تصبح روح"
"تهاجر هالجسد وابقى حروف بداخل كتابـي



كانت الصدمه شالتها الى الان تحاول تستوعب اللي صار طرت في بالها فكره خوفتها معقوله فيصل بيروح يتفاهم مع ابوي على

اللي سواه فيني لااااااا ماابي اكون سبب بزيادة المشاكل اللي بينهم سحبت نفسها وحاولت تطلع فوق بأسرع قوه يقدر عليها جسمها

المنهك دخلت غرفتها واخذت جوالها تتصل على فيصل وتحاول تلتقط انفاسها بعد المجهود الجبار اللي بذلته علشان تطلع لغرفتها
واول ماانفتح الخط تكلمت
ليان بلهفه : فيصل ابوس يدك لاتروح لابوي ارجوك ياعمري ماابي المشاكل تكبر ...
فيصل وهو يقاطعها وبكل احتقار : لاتنطقي اسمي على لسانك القذر ياقذره وكل وكل اللي بيني وبين عمي كان ممكن اغفره له

مقابل انه يقتلك انتي حرام تعيشين على الارض وتتنفسين الهواء اللي نتنفسه
ليان كانت الصدمه اكبر منها ومن تفكيرها حتى الدموع تحجرت بعيونها
فيصل لما ماسمع منها اي رد : اسمعي ياحقيره انسي اسمي وانسي اني كنت زوجك ولا اشوفك متصله علي فاهمه
ليان وهي مسلوبه منها الحياه : وانا وين اروح ؟
فيصل بأحتقار : انتي خليك في زبالتك يازباله

طاح الجوال من يدها اكيد العيب فيها مو في اهلها وفيصل بس وش هالعيب اللي مااعرفه وين اروح اهلي مايبوني وفيصل مايبيني
(وبصرااااااخ هستيري ) ووووووووين اروووووح قولولي وين اروح

كانت لين بغرفتها انصدمت لما سمعت صراخ ليان طلعت من غرفتها وراحت ركض لغرفة اختها انصدمت من شكل اختها كان
رواية ابوس راسك يا زمن ماعاد فيني للجراح رواية سعودية مشوقه كاملة

وجهها شاحب والدموع تغطيه ونظره حايره بعيونها كان شكلها وبكاها يقطع القلب
ليان : لين وين اروح؟؟
لين وهي تقرب منها تبي تضمها وتهديها : عمري شفيك وين تروحين انتي بغرفتك حبيبتي
ليان وبكاها يزيد عن قبل وبصوت يكسر الخاطر :بس هو يقول مكاني الزباله
لين مصدومه من اللي تسمعه : منو اللي قال كذا
ليان : هو
لين : منو هو تقصدين ابوي
ليان : ابوي يقول بنت حرام وهو يقول زباله وانا ماادري من انا
لين : انتي ليان حبيبتي تعالي ياعمري تعالي نامي وانا بكون جنبك وماراح اخلي احد يزعلك او يأذيك
كلمة لين فجرت بداخل ليان براكين من الالم كلاماتها ذكرتها بوعود فيصل لها ليه قال انا بسعدك واحبك ليه قال انا بكون جنبك

وبحميك ليه قال فكري في بكره وبس وهذا هو جاء بكره
مشت وجلست على سريره وهي تحس ان تفكيرها انشل وتلاشت كل المشاعر والاحاسيس بداخله
لين خافت على اختها بلحظه هدت بس كانت تحسها جسد بلا روح : ليان عمري وش فيك تحسين بشي
ليان :: ...............
لآ حَشَى مَآنِيْ بمَيتْ إلآ حَيّ..
حَيّ لَكنْ ! مَآ أحسْ بأيْ شَيّ ’
يَعنِيْ مَيّتْ ..!..........
والله مآدرِيْ تكْفَى لا تسْألْ عَليّ


في غرفة لمى

لمى : منال قلت لك مقدر اجي
منال : وليه ان شاء الله .. اقول بس تعالي سحر بتجي ونبي نفلها
لمى بعصبيه : منال الوضع في البيت مايساعد امي تعبانه علشان راكان وابوي هددها لو جابت طاريه بيطلقها وليان من

صراخها اللي اسمعه اتوقع انها انجنت وراكان مدري وين هو فيه وكل هذا بسببكم انتم وخططكم
منال تحاول تهديها : لمو ياعمري اذا على خالتي وراكان كلها يومين وترجع المياه لمجاريها واذا على ليانووووه عساها من

هالحال واردى ماباقي غير تضيقين صدرك علشانها
لمى بحزن : بس هذي اختي
منال بعصبيه : والكوبه نسيت ضرب جدك لك وانتي صغيره لو ضربتيها والا زعلتيها نسيتي قسوته علينا كلنا وتفضيله لليان

نستي ومن هي عمرها 15 سنه والعرسان يجون يخطبونها هي ويتجاهلون ان لها اخت اكبر منها وبعدين وين كلامك لما تقولين

ماعندي خوات غير لين وراما
لمى : بس هي مالها ذنب والشهاده لله ماعمرها شكت من تصرفاتي معها عند جدي واذا بخصوص خطبتها مو ذنبها انها احلى

مني وكلآ يتمناها
منال بخبث : وزواجها الحين ماتوقعين انه بيأثر عليك اصحي ياماما محد راح يتقدم لك بيقولون ماتركوها وزوجو اختها اللي

اصغر منها الا ان فيها شي
لمى بحزن : بس انا ماابي اي احد انتي تعرفين اللي اتمناه
منال : وليه خالد مو رجل وبيكون تفكيره مثل البقيه
لمى ودموعها بدت تنزل : منال لاتقولين كذا خالد لو ضاع مني اموت
منال : وانا مثلك فيصل لو ضاع مني اموت 4سنوات وانا ابني احلامي مع فيصل وجت اختك وبكل برود هدت احلامي
لمى : والله حاسه باللي انتي فيه ولا مو مقدره وضعك ماسويت اللي قلتوه
منال : اجل يله تعال انتظرك خلينا نسمع من سحر وش سوت اليوم
لمى : خلاص نص ساعه واكون عندك .. باي

~~~~~~~~~~~~~~~~~~~~~~~

كان يمشي بسيارته بدون اي هدف حتي اقرب الناس له صديقه واخو دنياه مايقدر يقوله او يشكيله اليوم كان يكلمه وهو فقمة

سعادته ويقوله انه بياخذها العصر وبيمسح الحزن اللي بعيونها والحين يتمنى يقتلها او يدفنها بالحياه مايتخيل ان هالانسانه تمشي

على نفس الارض اللي يمشي عليها طول عمره كان يخاف لايسلم مشاعره لااي شخص حتى اصدقاء اكتفى بوليد كان دايم يخاف

ينجرح كان واثق باللي يحبهم انهم مستحيل يجرحونه وباني حصون حول نفسه لكن هالانسانه هدت احصونه بلحظه اللي شاف

دمعتها استغرب من نفسه ومن غبائه اشلون بلحظه تبدل كرهه لها لحب لكن كل الكره اللي كرها فيه قبل مايشوفها مايعادل ولو

ذره من كرهه لها الان يكرها على اللي سوته يكرهه لانها قدرت تهد احصونه وتعلقه فيها وبحبها يكرها لانها جرحته كرها لانها

خلته في نظر نفسه ساذج وغبي
مافكر بجده وايش راح تكون ردت فعله الحين كل همه يداوي جروحه ويرجع فيصل القوي ويبني حصونه من جديد بس هالمره

بتكون اقوى واقوى كان يفكر وسرح مع صوت راشد الماجد:
قهر ماكنت انا ادرى تعيش بفلبي كذابه
قهر توي عرفت انك على الحبلين لعابه
كذب كانت سواليفك وكل كلمه على كيفك
وانا الي احسبك روحي ولقلبي اقرب احبابه

وفيت لقلبك بعمري ولك ضحيت بايامي
لقيتك للاسف كذبه اعيش بها مع احلامي
نعم صدقت كلماتك ولا ادرى بنياتك
وهذا اليوم انا كلي ندم من راسي لقدامي

خلاص الحين ابي ارحل وانا فيني الم غدرك
اباخذ قلبي من قلبك وخلي قلبك بصدرك
بداوي روحي بروحي وبكتم فيني جروحي
بعيش بدنيا من دونك وعيشي بالقهر عمرك

قهر ماكنت انا ادرى تعيش بقلبي كذابـــــــــه....


في بيت العمه نوره ام ماجد


ندى تكلم صديقتها اريج على الماسنجر
عندما ارى عيناهـ اخق خقتن ماهي بصاحيه<<<ندى
وينك مختفيه لاتقولين انك اعرستي؟؟ ترى والله اذبحك
الصديق الصدوق هو من يساعدك على رفع الصندوق<<<<اريج
لا ابشرك مصيرنا العنوسه
عندما ارى عيناهـ اخق خقتن ماهي بصاحيه<<<ندى
يعني افقد الامل ..لااااااااااا مستحيل طيب لو واحد بس ونتقاط انا وانتي فيه
الصديق الصدوق هو من يساعدك على رفع الصندوق<<<<<اريج
طيب بسوي اعلان واقول مطلوب عريس للزواج من اثنتين وحده عليها المهر وحده عليها البيت وان شاء الله نحصل
عندما ارى عيناهـ اخق خقتن ماهي بصاحيه<<<ندى
طيب بس اشترطي مايكون شايب
الصديق الصدوق هو من يساعدك على رفع الصندوق<<<<اريج
وبنتشرط بعد عزالله مالقينا ..المهم اخبار المنتدى معاك من زمان مادخلته
عندما ارى عيناهـ اخق خقتن ماهي بصاحيه<<<ندى
ايه على طاري المنتدى قررت اكتب روايه
الصديق الصدوق هو من يساعدك على رفع الصندوق<<<<<اريج
وعن شنو هالروايه
عندما ارى عيناهـ اخق خقتن ماهي بصاحيه<<<ندى
عن حياتي انا وامي وهل سوف اتزوج او لا
الصديق الصدوق هو من يساعدك على رفع الصندوق<<<<<<<اريج
واااااااااااو ابي اكتب مثلك بس مااعرف
عندما ارى عيناهـ اخق خقتن ماهي بصاحيه<<<ندى
مايبيلها شي يالخبله اسمعيني كل المطلوب منك تجبين قلم
الصديق الصدوق هو من يساعدك على رفع الصندوق<<<اريج
حبر والا رصاص
عندما ارى عيناهـ اخق خقتن ماهي بصاحيه<<<ندى
اذا تحبين تشخبطين جيبي حبر واذا تحبين تمسحين جيبي رصاص ودفتر ابو 100 واذا خطك صغير ابو 80 ينفع
الصديق الصدوق هو من يساعدك على رفع الصندوق<<<<اريج
لا ابو 80 ينفع بصغر خطي وشهوله الاسراف طيب كل هذا مقدور عليه وبعدين
عندما ارى عيناهـ اخق خقتن ماهي بصاحيه<<<ندى
وبعدين ياطويلة العمر تمددين على سريرك والا تاخذيني فرشه وتطلعين للسطح والا الحوش اللي يريحك
الصديق الصدوق هو من يساعدك على رفع الصندوق<<<اريج
حلوووو وايش اكتب؟؟
عندما ارى عيناهـ اخق خقتن ماهي بصاحيه<<<ندى
تصدقيني مدري بجرب واقولك
نـــــــــــــــــــــــدى <<<ام ماجد تصارخ على ندى من تحت
عندما ارى عيناهـ اخق خقتن ماهي بصاحيه<<<ندى
يؤؤؤؤؤؤ نسيت خلصت الـ 45 دقيقه المصرح لي بستخدام النت فيها اكلمك بعدين
الصديق الصدوق هو من يساعدك على رفع الصندوق<<<اريج
والله ياانتي ص ع ص
عندما ارى عيناهـ اخق خقتن ماهي بصاحيه<<<ندى
ص ع ص <<<<<وش ذا لوحة سياره
الصديق الصدوق هو من يساعدك على رفع الصندوق<<<<<<<<اريج
لا ياعمري ص ع ص صاكين عليك صكه
عندما ارى عيناهـ اخق خقتن ماهي بصاحيه<<<ندى
ههههههههههههههههههههه حلوه بروح اقولها لامي يله انقلعي

قفلت ندى الاب توب وراحت ركض لامها
ام ماجد : تاخرتي خمس دقايق
ندى : شسوي يمه المدرسه اخرتنا واخذت من الحصه اللي بعدها 5دقايق
ام ماجد : اشوف تطنزين هذا وانتي غلطانه
ندى : شسوي يمه والله احس اني الى الان بالمدرسه من هالــ 45 دقيقه المهم يمه انا ص ع ص
ام ماجد : ادري صدق عله صدق والحمدلله انا انسانه مؤامنه بالله والبقضاء والقدر علشان كذا صابره ومحتسبه
ندى وهي تحك راسه تحاول تستوعب : يمه انتي تألفين اي شي على مزاجك
ام ماجد : خليك من الهذره ترى فيه ناس مكلميني عنك
ندى وهي تناقز بالصاله مو مصدقه اللي تسمعه : قولي والله واااااااااااااااااو مو مصدقه من العريس ومتى كلموك ومتى يبون

العرس ؟؟
ام ماجد بهدوء غريب : روحي سوي القهوه وضبطيلي الحلا اللي احبه وعقب اقولتس قبل لاتحلمين
ندى سمعت كلام امها من هنا طارة على المطبخ تسوي اللي قالته امها


~~~~~~~~~~~~~~~~~~~~~~~

فيصل : الوووو هلا امين
امين (المرافق الخاص للجد ابوعبدالعزيز): هلا بك عمي انت مشغول؟
فيصل : لان انا في السياره رايح للبيت فيه شي؟
امين : بغيت اكلمك بخصوص عمي ابوعبدالعزيز
فيصل بخوف : امين اشفيه جدي صار له شي ؟
امين : لا الحمدلله مثل ماهو بس مصمم انه يرجع
فيصل : وش يرجعه خلاص انا بتصل عليه واتفاهم معه

قفل فيصل من امين واتصل على جده

ابو عبدالعزيز بتعب : هلا بولدي
فيصل : هلابك زوود يالغالي ..يبه الله يهديك وش الكلام اللي اسمعه صدق انك تبي ترجع ؟
ابو عبدالعزيز : ايه ياولدي وش يجلسني هنا
فيصل : يبه طلبتك لو لي خاطر لاتفكر في الموضوع الين اجي وانا ان شاء الله بعد بكره اكون عندك
ابو عبدالعزيز بفرحه نسته قراره بالرجوع : الله يبشرك بكل خير زين خلصت اوراق ليان ؟
فيصل تصنم من سمع كلمة جده وش يقوله انه بيطلقها والفرحه اللي بصوت جده كانت تخوفه من انه يقول الحقيقه
ابو عبدالعزيز : فيصل انت تسمعني؟؟
فيصل : هاه .. ايه جدي اسمعك وبكره ان شاء الله بتكون خلصت اوراقها
ابوعبدالعزيز : انا عارف اني اجبرتك على هالزواج وكنت اتمنى اذا شفتها وعرفتها تغير رايك بس انت الله يهديك عنيد فيصل

ياولدي لاتقسى عليها تراها شافت من جور الزمان كثير لاتكون انت والزمن عليها يعلم الله اني ماعرفت طعم الراحه غير من بعد

ماتزوجتو لاني عارف انك ماراح تظلمها
فيصل وهو يحاول يتمالك نفسه : ابشر باللي يسرك ويرضيك

قفل فيصل من جده وهو مايفكر غير في القرار اللي كان بيتأخذه متناسي جده اللي ماقصر عليه بشي كان له الاب والام والاخ

والجد والصديق خسر عياله مقابل انه يحفظ لي حلالي وانا بكل انانيه كنت بعيشه الهم بأخر حياته لو موته بيسعد جدها بيتمنى

الموت لليل ونهار عشانه ... طلع جواله واتصل على ليان

كانت ليان نايمه ومتمسكه بلين مثل الطفل اللي محتاج للحنان وماصدق لقاه مثل الغريق اللي لقى طوق نجاه
لين بعد ماشافت رقم فيصل : الوو
فيصل : اسمعيني ...
لين وهي تقاطع فيصل : فيصل انا لين مو ليان
فيصل بحده : وين ليان؟؟
لين : فيصل ليان تعبانه والحين نايمه اخاف اصحيها وترجع تنهار من جديد
فيصل : صحيها الحين وقوليلها تكون بعد ساعه جاهزه وعند الباب
لين بصوت عالي شوي بحكم شخصيتها القويه : اقولك تعبانه وتقول ساعه وتكون عند الباب انت قلبك مخلوق من شنو
فيصل بعصبيه : مو شغلك واذا تهمك مصلحة اختك نفذي اللي قلت عليه
وسكر بدون مايعطيها فرصه ترد
لين بعصبيه : الحقيرررررررر التافه (انتبهت ان ليان صحت على صراخها )سامحيني ياقلبي صحيتك
ليان بحزن: منو اللي زعلك؟
لين بقهر : زوج الهم منو غيره فيصل
ليان حطت يديها على فمها بصدمه وبدت تنزل دموعها : طلقني؟
لين : كان زين انه مطلقك اذا هذا اوله ينعاف تاليه
ليان بصراخ : لااااااااااااااا ماابي اطلق حرام عليك يالين ماابي اطلق
(ليان ماكانت تبي تخسر فيصل لانها شافت منه الحنان ماعمرها شافت الحنان من امها وابوها علشان كذا فقدت الامل في انها

تحصل عليه منهم لكن فيصل شافته منه وتبي تعرف وش اللي غيره وخلها قاسي وذا فشلت انها ترجع الحنان اللي شافته اقلها

بيأخذها لجدها .. جدها اللي لو خيروها بين كل هالعالم بتختاره هو جدها اللي تدعيله بكل لحظه بالشفاء وتتمنى موتها قبل

موته)
لين تحاول تهديها : مو مطلقك ويبيك تكونين جاهزه بعد ساعه بيجي ياخذك
ليان بفرحه : لين عطيني عبايتي
لين : وش اعطيك عبايتك قومي بساعدك تأخذين شور وتلبسين يله قبل لا يجي


~~~~~~~~~~~~~~

ندى بعد ماجابت القهوه وصلحت لامها الحلا اللي تحبه
ندى : وهذا احلى حلا واحلى قهوه لــ احلى ام في هالدنيا
ام ماجد : وش هالرضى والسنع
ندى : انتي الغاليه اخدمك بعيوني كلي لك يله يمه قولي اطربيني كلي اذان صاغيه
ام ماجد : اول خليني اتقهوا واكل من هالحلا الزين وانتي همزي ارجيلاتي وعقب اقولك
ندى نفذت اللي قالته امها لانها تعرف اذا بتعاندها ماهي اخذه منها لا حق ولا باطل

ندى بعد ماخلصت : هاا يمه يله قولي والله ماعاد فيني صبر
ام ماجد : جارتنا ام مشاري كلمتني تقول ابي ندى ..(وسكتت شوي) تذاكر لبنتي روان مسيكينه تقول انها ماتفهم

للرياضيات ومااحد من اخوانها فاضي يذاكرلها
قامت واقفه من هول الصدمه وهي الى الان تحاول تستوعب وبعدها طاحت على الارض مغمى عليها
ام ماجد بخوف : ياويلي بنتي ...(مسكت ندى وصارت تهزها) ندى يمي قومي ولو تبين العرس من بكره ازوجك بس

قومي
ندى وهي تفتح عيونها وببتسامه : قولي والله
ام ماجد وهي تضربها بخفيف : حسبي الله عليك طيحتي قلبي
ندى : الى هالدرجه تحبيني؟؟
ام ماجد : مامن حب بس اتصبر فيك الين يجي ماجد
ندى بقهر : تصبيره صرت المهم انك وعديني تزوجيني بكره
ام ماجد : معصي مايعتبر وعد كان تحت ضغوطات نفسيه بس الحين مالك غير كلامي الاول اذا مت اعرسي
ندى وهي شوي وتنتف شعرها : يمه انتي ليه تحبين تتلاعبين بمشاعري .. لاصدق يمه من وين جبتي ضغوطات نفسيه
ام ماجد : من مجود نظر عيني . وقومي شغلي هالماخوذ بشوف الضعيف اللي تركتيه غرقان بدمه وش صار عليه




~~~~~~~~~~~~~~~~~~~~

بعد ماخلصت من مساعدت اختها انها تأخذ شور وتلبس جلست تسوي لها ميك آب تحاول اخفاء مايمكن اخفائه من الشحوب

والكدمه اللي بوجهها برغم رفض ليان
لين : خلصت هذا اللي قدرت عليه
ليان : لين بروح اودع امي قبل مااطلع
لين : طيب انا بطلع اشوف واجي لك لاتتحركيني

طلعت لين وراحت لامها حاولت فيها انها تشوف ليان وتودعها لكن امها عصبت وصارت تدعي على ليان وتسبها
حمدت لين ربها انها ماخلت اختها تجي والا كان انهارت من جديد طلعت من عند امها وخلت الشغالات ينزلون الشنط عند الباب

وقالت لــ يزيد وراما ينزلون تحت علشان يودعون اختهم

لين بعد مادخلت على ليان : عمري امي تعبانه ونايمه لكن اذا صحت بخليها تكلمك
ليان وهي عارفه ان لين تكذب عليها : خير ان شاء الله يله خلينا ننزل اكيد الحين بيوصل
لبستها لين عبايتها ونزلت معها تحت
لين : اجلسي هنا شوي الين يجي اخاف تتعبين
ليان : لا ياعمري مو تعبانه ..... وضمت راما وبعدها يزيد تودعهم اللي كانو ساكتين وصدمه من اللي صار البارح
مازالت علي وجيهم
رن جوالها وكان المتصل فيصل
ليان : هلا
فيصل بحده : يله اطلعي ..... وقفل على طول

لين : جاء
ليان بحزن : ايه
لين : يزيد يله خل الشغالات يحطون الشنط بالسياره
ليان بذهول : اي شنط
لين وهي تضمها : على بالك بخليك تروحين بدون ملابس كان نفسي يكون جهازك غير لكن هذا اللي قدرت عليها ياقلبي
ليان ضمت اختها ومالقت اي كلام تقوله
لين وهي تبعدها عنها وتنظر في وجهها : سامحيني ياليان انشغلت عنك وعن اللي اشوفك تعانينه بالجامعه والطلعات

والصديقات لكن تاكدي ان مكانك محفور بقلبي ولو بيدي احمل عنك همومك ماترددت لحظه وحده
ليان وهي ترجع تضم اختها : طول عمرك كنتي البلسم لجروحي الله لايحرمني منك
ودعو بعض وطلعت ليان تركب مع فيصل وتركت وراها لين اللي تبكي على اختها اللي فارقتها وتدعي لها انها تعرف طعم

السعاده برا هالبيت اللي ماعمرها شافت يوم حلو


ركبت ليان السياره وهي تحاول تكتم شهقاتها تخاف يسمعها فيصل
فيصل بعصبيه : عساك تبكين بدال الدموع دم ياحقيره وماابي اسمع صوتك فاهمه
حطت يديها على فمها تحاول تكتم بكاها وقلبها اللي يتقطع من كلامه


~~~~~~~~~~~~~~~~~~~~

منال : ههههههههههههههههههههههههههههههههههههه وربي انك مجرمه اجل من ستر على مسلم ستر الله عليه
سحر : ههههههههههههههههههههههههههههههههه ماشفتي شي لدرجة من كثر مااتقنت الدور فكرة اصير داعيه والا ممثله
منال : هههههههههههههههههههههههههههههههههههههههه اه يابطني تقطع من كثر الضحك حسبي الله على بليسك اشلون

جمعتي داعيه وممثله
سحر : والله فكره ليه مااصير ممثله
لمى بحتقار : وش معنى قلتي ممثله ليه مافكرتي تصيرين داعيه؟؟
سحر بزعل : وليه نبرة هالاحتقار بصوتك؟
منال تحاول تهدي الوضع : الله يهديك ياسحر لا احتقار ولا شي لاتفسرين الامور على كيفك
لمى : الله يهدي الجميع
سحر : لمى اشوف مشروع مطوعه فاشل
لمى : بس مايمنع اني اعرف اخطائي واتمنى الهدايه
منال : خلاص فكونا من هالسيره وقولو وين تبوني اعشيكم الليله

(برغم كل اخطاء لمى كانت على طول النفس اللوامه تعذبها لكن في كل مره يزين لها الشيطان اعمالها ويسكت صوت الحق اللي

بداخلها)


~~~~~~~~~~~~~

دخلت بيت فيصل وكل شي حولها يوحي بالفخامه كان بيت ابوها رغم فخامته يعتبر فله صغيره ومتواضعه مقارنه في بيت فيصل

لكن كل هذا مالفت انظار ليان كان ممكن يلفت ويغري غيرها لكن هي كانت تبحث عن اكثر من الفخامه والعز كانت تبحث عن

الحب والحنان والكلمه الحلوه والحياه المستقره
فيصل يناظر في ليان كان يتوقع يشوف بعيونها انبهار واعجاب باللي تشوفه لكن ماشاف فيهم غير الحزن والدموع هالانسانه لو

تمثل بتحصد كل جوائز الأوسكار لبراعتها بالتمثيل
فيصل بحتقار : اسمعي يكون في معلومك اني كنت بروح بكره اطلقك لانه مايشرفني تكون لي زوجه مثلك ومامنعني من

هالشي غير رغبة جدي بشوفتك زواجنا بيكون لمده محدوده مايعلمها غير الله انا مستحيل اطلقك وازعل جدي لكن ماراح يكون

لك عندي اي حقوق وجودك مثل وجود اي خادمه باستثناء ان الخدامه من حقوقها اني اعطيها مستحقاتها واعاملها بالحسنى لكن

انتي كافي علي اكلك وشربك مقابل اني اسكت على مسمى ان وحده حقيره وزباله مثلك تكون زوجتي

كان كلام فيصل يتردد في مخها بدون تصديق وقلبها ينزف من قسوة كلماته وين اللي حلف لها انه يسعدها ويحميها وماراح يسمح

لااي شخص انه يأذيها كله كان كذب
ليان بصوت يحمل كل الحزن اللي بقلبها : فيصل
فيصل رجع بعد ماكان ماشي بيطلع فوق قرب منها ومسك فكها بيده وشد عليه بكل قوه لدرجة انه توقع بينكسر : اسمعي

ياوسخه اسمي لاتقولينه على لسانك مره ثانيه فاهمه
خلص كلامه ودفها وهو ينفض يده كانه خايف انها توسخه بقذارتها
ليان طاحت على الارض من قوى دفته وصوت بصعوبه ينفهم من بكاها : وش سويت وش الذنب اللي اقترفته وانا مااعرفه؟؟
فيصل بحتقار : اللي سويتيه بنات الليل والحرام واللي بايعات شرفهن بريال مايقدرن يسوونه تعرفين لو يعرفن باللي سويتيه

كان قتلنك وشربن من دمك وعتبرنك عار عليهن
ليان الكلام اللي تسمعه كان اكبر من قدرتها على التحمل حاولت توقف وتواجهه لكن يومين من التعب وعدم الاكل والنوم

والضرب اللي تعرضت له كان كفيل بأنه يسحب اي قوه من جسمها وتركها ترتمي على الارض مغمى عليها
كان فيصل يناظر في ليان وهي تنهار قدامه وترتمي على الارض بكل قسوه بألاول توقعها تمثيل بس لما شاف راسها ينزف بسبب

طيحتها على الارض انجن حط عبايتها عليها وشالها بين ايدها
ركبها في السياره وانطلق بأقصى سرعته للمستشفى كان خايف عليها ماكان يدري وش سبب هالخوف لكن اللي يعرفه انه مايبي

يصير لها شي يمكن علشان جده


~~~~~~~~~~~~~

ندى بترجي : يمه طلبتك بس نص ساعه بحوس بالمنتدى شوي
ام ماجد : لا يعني لا بتحوسين حوسي في البيت والا روحي العبي سله
ندى بملل :طيب سله سله الشكوى لله
ام ماجد : والله انا اللي الشكوى لله اللي صار لي ثلاث سنين وانا اشجعتس لو اني اشجع بقره كان صارت من محترفين السله

بالعالم
ندى : امحق تشجيع اللي كل الجيران على بالهم اني حولا من كثر ماتقولين يالحولا السله يمين يالحولا السله يسار ويمكن هذا

السبب الرئيسي بأن ماتقدم لي عريس الى الان
ام ماجد : ياللي ماتستحين مانفتح اي سالفه الا وجبتي طاري العرس .. اجل دامه امحق تشجيع دوري من يشجعك

(ندى من عمر 14 سنه الى عمر الــ 17 كانت تعاني من ادمان للنت اثر على دراستها وحتى نومها وتعبت امها حتى قدرت

تسيطر عليها وتطلعها من ادمانها وفرت لها كل الالعاب في البيت وتشاركها فيها علشان ماتمل )


~~~~~~~~~~~~~~~

بينما ليان بالمستشفى كانت شلة الشر يحتفلون بنجاحهن على طريقتهن الخاصه

سحر : الحين ماودك ترحميني هاللي من دخلنا السوق وهو ورانا
منال بدلع : خليه يتعب شوي واذا مالقيت احسن منه اخذت رقمه
لمى : وش تبغين برقمه مو انتي تحبين فيصل
منال : وخالد وين مكانه من الاعراب لما كنتي تكلمين
سحر : ايوا ايوا اشوفكم قلبتو على بعض وبدا مسلسل الفضايح
لمى بقهر تحاول تخفيه :لا قلبنا ولا فضايح منال حبيبتي ونمزح مع بعض
سحر بخبث : ايوا قلتولي تمزحون
منال : ايوا نمزح ويله خلونا نكمل شوبنق وبعدها نروح للمطعم
سحر : قصدقك نكمل مغازل
منال : هههههههههههههههههههههههه اللي هو


~~~~~~~~~~~~~~~~~

في المستشفى

فيصل بقلق : هاا دكتور طمني
الدكتور : عندها هبوط في الضغط وعوضناها بمحاليل واضح انها ماكانت تأكل وتنام كويس لكن اتوقع سبب الاغماء صدمه

عاطفيه هي تعرضت ضغوط نفسيه او احد زعلها او سمعت خبر مو زين؟
فيصل : لا دكتور ماصار شي.. طيب والجرح اللي براسها
الدكتور :كانت طيحتها شديده شوي لكن الحمدلله مااثرت عليها وبخصوص الجرح احتاج اربع غرز لكن ممكن اسألك ايش سبب

الكدمات اللي بجسمها ؟
فيصل : اتوقع بسبب الطيحه
الدكتور : الكدمات اللي بجسمها مستحيل يكون سببها طيحه الاغلب اذا مااجزم انها اثار ضرب
فيصل بعصبيه : دكتور قلت لك طيحه والحين متى اقدر اخذها
الدكتور : مع اني افضل تضل الليله بالمستشفى بس اذا مصمم تقدر تأخذها بعد ساعه يكون خلص المحلول
فيصل : لا افضل اخذها ممكن اشوفها
الدكتور : اكيد بس اتمنى ماتتعرض لااي توتر

طلع فيصل من عند الدكتور وراح للغرفه اللي فيها ليان فتح الباب بهدوء ودخل
كانت ليان نايمه وجهها شاحب يقارب لونه للون الشاش اللي ملفوف على راسها كانت الكدمه والجرح اللي بشفتها واضحه اكثر

من قبل وبدت توضح اثار اصابعه على فكها كان يتأملها ويفكر برغم اللي سوته يده ويدين عمه في هالوجه الا انه محتفظ بجمال

مو طبيعي لكن للاسف انها جمال خارجي ومن الداخل هي في منتهى البشاعه
ليان ماكانت نايمه كانت مغمضه عيونها بس حست فيه وعرفته من ريحة عطره
ليان بدون ماتفتح عيونها : ليش جبتني للمستشفى ليه ماتركتني اموت
فيصل بقسوه :ماهميتيني متي او حييتي اهم شي ماابيك تموتين في بيتي
ضغطت على عيونها بكل قوتها علشان تمنع دموعها تنزل وبرغم كذا خانتها وتسللت على خدها
كسرت خاطره وكان قلبه بيلين لضعفها بس عقله فكره بحقارتها وانا اللي قدامه كله تمثيل من ابرع ممثله
ليان وهي تحاول تسيطر على نفسها : متى بطلع؟
فيصل : بعد مايخلص المحلول وعلى ايش مستعجله ؟
ليان وهي تسحب الابره من يدها وتضغط على مكان الابره اللي صار ينزف : خلص المحلول
فيصل صدمه تصرفها : مجنونه انتي؟
ماردت عليه ليان وقامت من السرير وقفت وهي تحس ان الارض تحت رجليها تحولت لماء انهار جسمها قبل لايوصل الارض

كان فيصل رافعها بين يديه ومرجعها على السرير
فيصل بعصبيه : ليان بلاش تصرفات الاطفال
ليان وهي تحط كل القوه اللي فيها بصوتها : لاتقول ليان واسمى لاتقوله على لسانك
فيصل بسخريه : كنت عارف انك بتملين من تمثيل دور الضعيفه المغلوبه على امرها وتكشفين عن الوجه الحقيقي بس ماتوقعته

بالسرعه هذي
تركها وراح نادى ممرضه ساعدتها بلبس عبايتها ووصلتها للسياره


كانو طول الطريق ساكتين اول ماوصلو للبيت تحاملت ليان على نفسها طلعت من السياره ودخلت للبيت اول ماوصلت الصاله

سندت نفسها على طرف الكنبه وهي تناظر الدرج الطويل اللي قدامها وكل تفكيرها اشلون بتطلعه بدون ماتنهار
عرف فيصل من نظرتها وش تفكر فيه
فيصل : دارين .. دارين (دارين المشرفه على الخدم ومسؤله عن البيت في غياب فيصل لبنانيه عمرها 50 سنه)
دارين : امرك استاز
فيصل : خذي المــ .. (كان بيقول المدام بس تلاحق عمره) خذيها طلعيها لوحده من الغرف فوق ولاتنسين طلعيها مع

الاسنسير
اخذتها دارين فوق ودخلتها غرفه كبيره وفخمه اول ماجلست طلبت من دارين تتركها بروحها

(أني انثي جئت الي الدنيا فوجدت حكم اعدامي ولم اري باب محكمتي ولم اري وجه حكامي
)
كان كل تفكيرها تكلم امها وترجع لبيت اهلها على الاقل ذلهم ولا ذل فيصل لها طلعت جوالها واتصلت على البيت
ام راكان بلهفه كل مارن التلفون على بالها راكان:الوووووووو
ليان : هلا يمه سامحيني طلعت قبل لا اود...
ام راكان تقاطعها بعصبيه : ماابيلك وداع وبلي مايحفظك وش عندك داقه
ليان ببكى : يمه ابي ارجع لكم
ام راكان بصراخ : نعم احنا ماصدقنا تذلفين تقولين برجع
ابو راكان بغضب وهو داخل الغرفه : من اللي بيرجع؟؟؟؟؟
ام راكان بستهزاء : هذي بنتك تقول تبي ترجع 0ورمت السماعه عليه)
ابو راكان : ليان
ليان : هلا يبه
ابو راكان بتهديد : اسمعي لو شفتك راجعه قطعتك ورميتك للكلاب تنهش فيك انسي ان عندك ابو وهالبيت لاتفكرين ترجعين له
قفل السماعه بدون مايسمع ردها
ليان كان هدوها غريب كانها تحاول الى الان تستوعب وبعدها انفجرت بنوبة بكاء كانت تبكي مثل الاطفال وصوت بكاها يسمعه كل

من في البيت
فيصل جاء يركض على صوتها : انجنيتي والا ناويه تفضحينا
ليان ببكي ونص كلامها يضيع مع شهقاتها : تقول ..ماصد... تذلفين يقول ... يقطعني .. ماعندي بيت ..

و .. اروح
فيصل عرف انها مكلمه اهلها من الجوال اللي بيدها ومن الكلام اللي حاول يفهمه منها وبكل قسوه هو استغربها من نفسه :اقل

شي ليه تتوقعين ياخذك بالاحضان بعد سواتك
ليان بصراخ : قولو وش الذنب اللي سويته .. المذنب وهو عارف ذنبه ينكره .. لكن انا والله لااعترف بس قولو

وشهو ذنبي
طلع فيصل من الغرفه بدون مايرد عليها كان يحس لو انه جلس لحظه وحده ممكن يتهور ويأخذها بحضنه ويهديها لكن كل مره

كان عقله بالمرصاد لقلبه ويذكرها بسواتها

اما ليان بكت حتى جفت كل دموعها تذكرت انها ماصلت قامت واغتسلت وصلت صلاتها بكل خشوع

فيصل استغرب هدوها وخاف ليكون اغمى عليها ثاني مره راح لغرفتها وفتح بابها بهدو كانت جالسه على سجادتها وظهرها للباب

وتقرى قرآن بصوت خاشع وحزين طلع وتركها
وهي ستمرت تقرى حتى حست براحه من كلام الله حطت راسها على سجادتها ماتبي تفارق هذا المكان الامن اللي حست فيه

براحه دعت ربها ناصر المظلومين وملاذ الخائفين ومفرج كرب المكروبين حتى استسلمت للنوم على سجادتهاا



~~~~~~~~~~~~~~~~

اليوم الثاني

قفل فيصل من امه ام ماجد بعد ماعزمها على الغداء هي وندى وطلع لغرفة ليان دخل عليها بدون مايدق الباب كانت جالسه على

طرف السرير ولافه الروب على جسمها وواضح من شعرها اللي بدا يجف ان لها مده طويله اخذه الشور
فيصل بسخريه : عاجبك ؟؟
ليان عرفت انه يتكلم عن الروب : مالقيت غيره وقلت لا
فيصل وهو يضرب راسه : ايه صح شنطك بالسياره مو مشكله اقولهم يطلعونها لك وعلى فكره امي نوره بتجي على الغداء

البسي احلى لبس وحاولي تسووين اي شي بوجهك ماابيها تفتح تحقيق ولاتبينين اي شي قدامها وانا بحاول قد مااقدر تكون

تصرفاتي عاديه
ليان : ليه خايف انها تعرف؟؟
فيصل بعصبيه : انا ياحقيره مااخاف غير من ربي لكن تهمني سعادة جدي
طلع وتركها تفكر بجدها وسعادته لو قتلها بيسعد جدها كان طلبت انهم يقتلونها باليوم مليون مره المهم انه يكون سعيد سمعت فيصل

يناديها من تحت نزلت مع الاسنسير لانها تحاول توفر اي طاقه من جسمها المنهك في لقاء عمتها
ليان بهدوء : نعم
فيصل : خذي شنطك
كان يقدر يقول للشغالات يطلعونها فوق بس يبي يعذبها باي شي
ليان عرفت قصده والا اهتمت : خدمت بيت بأكمله مو عاجره اخدم عمري (سحبت شنطها وحطتها في الاسانسير وطلعت

فوق)
انقهر فيصل كان يبي يقهرها بس واضح انه والاهمها وهو اللي انقهر

دخلت ليان شنطها كانت ثنتين كبار مره وحده متوسطه وشنطت مكياج استغربت متى لين لحقت تجهزهم وبدون محد يحس فيها



~~~~~~~~~~~~~~~~

منال بعصبيه : متأكده انه اخذها يعني خطتنا مانجحت
لمى : اللي عرفته انه جاء امس قبل العصر 5 دقايق ومشى وبدها صارت تصارخ وتبكي ولما رحت عندك جاها بعدها بساعه

واخذها
منال : مو معقول اشلون وكل اللي سويناه
لمى : منال اهدي ولا نستعجل امي تقول انها البارح اتصلت تبكي وتبي ترجع معناه معذبها
منال بصراخ : عساه يعذبها او يقتلها ان وش يهمني دامه ماطلقها
لمى : ماتدرين يمكن بيأخذها تشوف جدي وبعده بيطلقها
منال : وانا وش بيصبرني بتصل على سحر تشوف لي صرفه وانتي لاتمر نص ساعه الا وانتي عندي
قفلت قبل لاتسمع رد واتصلت على سحر تطلب منها تجي



~~~~~~~~~~~~~~~~~

فتحت لين اول شنطه لقت فيها شنطه صغيره فيها اكسسوارات وطقمين الماس ناعمين مره طلعت لها تنوره قصيره لركبه موف

وفيها دانتيل من تحت ابيض وبدي ابيض عليها كتابه بالموف الامع وصندل (عزكم الله ) خفيف ابيض لبستها ملابسها واخذت

شنطت المكياج حطت لها ميك آب خفيف مشطت شعرها وهي ضاغطه على اسنانه من الالم وتركته مفتوح تعطرت ولما شافت ان

باقي وقت قررت تفتح الشنط تشوف وش فيها
تفأجاة ان لين مانست حتى الملابس ومناديل الشعر اللي تحتاجهم براا كانت تحاول تحبس ادموعها لاتبكي فتحت الشنطه المتوسطه

ونصدمت باللي شافته كان فيها ملابس داخليه وملابس نوم في نظر ليان انها فاضحه خجلت لما شافتهم اجل اشلون لو تلبسهم كان

فيه كرت فوق الملابس افتحت تقراء الكلام اللي فيه ودموعها تسيل على خدها
دخل فيصل ولفت نظره الكرت اللي تقراها ليان وتبكي
فيصل : عطيني اللي بيدك
فزت ليان من سمعت صوته سكرت الشنطه بسرعه وخبت الكرت وراء ظهرها : ماتعرف تستأذن قبل لاتدخل؟؟
فيصل بعصبيه : بيتي وادخل وين ماابي بدون استأذان فاهمه وبعدين وش فيها الشنطه علشان تخافين كل هالخوف وتسكرينها
ليان : مافيه شي ومو من اختصاصك
قرب فيصل من الشنطه ولما جاء يفتحها مسكت فيه ليان تمنعه تكهرب من لمستها له لكنه دفها بعيد وفتح الشنطه انصدم وانحرج

من اللي شافه بس مابين
فيصل قرب منها بيأخذ الكرت وقال بخبث : من قالك انه مو من اختصاصي هذا اهم اختصاص
ليان كانت حالتها حاله لو قالولها وش امنيتك الحين كان قالت اتشهد واموت
فيصل : عطيني الكرت بالطيب
ليان بخوف : لا ابوس يدك لا
فيصل كان بيضعف مع رجاها بس عقله يقوله يمكن هذا دليل دامغ يثبت حقارتها .. قرب منها ومسكها بقوه سحب يدها واخذ

منها الكرت وقراء الكلام
الى تؤام روحي
تمنيت ان تجهيزك يكون يليق بأروع اخت واجمل عروس
ادري انك بتعرفين ان اللي بالشنط ملابسي بس والله ياعمري مو تقليل من قدرك لكن انتي عارفه الوضع
وبعدين احنا مو تؤام يعني انا ملكك وانتي ملكي
وعلى فكره هالشنطه اللي انا بسميها القنبله الموقوته تعبت فيها تعب
على فكره مو ذوقي لاني مااعرف بالشغلات هذي
بس تعرفت على وحده طيوبه بالمحل لما قلت لها اني اختي بتزوج ومو عارفه اختارلها نقت لك هالاغراض
تعرفين ياليان اتمنى اشوف وجهك وانتي لابسه وحده من هالملابس
من كل قلبي اتمنى تحصلي السعاده اللي عمرك ماعرفتيها
تؤامك اللي تحس فيك وتحبك
لين

خلص فيصل قراة الكرت وهو يسب نفسه انه ماسمع ترجيها كان الى الان ماسكها كانت منزله راسها مايدري وش اللي خلاه

يرفع وجهها له كانت الدموع تغطيه وحمرت الخجل من اللي شافه
ليان ببكى وهي تناظر في عيونه : اتمنى تكون استمتعت واشبعت فضولك
سحبت نفسها منه وراحت تركض للحمام (عزكم الله)
فيصل كان تايه كل مره ينظر بعيونها يتوه بجمالها وبنظرة الحزن فيها برغم كرهها للون عيونها الا انها كل مره تلبس ملابس تبرز

لون عيونها وتزيدها جمال فوق جمالها


~~~~~~~~~~~~~~~~~~~~~

جت ام ماجد وندى ام ماجد اول ماشافت ليان والكدمه اللي فوجها صارت تناظر بفيصل بغضب ليان عرفت ان عمتها على بالها

اللي مسوي فيها كذا فيصل
ليان ببتسامه :عمتى ليش تناظرين في فيصل على بالك انها منه؟؟
ام ماجد وهي تنقل نظراتها من فيصل الى ليان : اجل من اللي سوا كذا
ليان : بتصدقيني لو قلت اني طحت والكدمه فيني من قبل لا اجي مع فيصل
ام ماجد بقهر : من ابوك والا من امك
ليان برتباك : مو من احد قلتلك طحت
ندى : المحقق كونن شوي شوي على البنت
ليان : فديت روحها خليها تاخذ راحتها
ام ماجد : ياجعلك سالمه يمي (وهي تناظر في ندى ) شوفي الذرابه والسنع مهو انتي
ندى : ايه اجل خليها تحقق وترى ماعندها امي خطوط حمراء
ليان حمر وجهها من الخجل وماردت لو كان فيصل مو فيه كانت تعرف تسكتها بس الحين التزمت الصمت
فيصل بخبث : دام مافيه خطوط حمراء يله يمه استرسلي على بركت الله
ام ماجد : اجل بسم الله نبدا ندى ضفي وجهك ياروحي اشرفي على الغداء او متري الحديقه
ندى : يمه تعوذي من بليس واذكري الله وابدي لاتستحين مني
ام ماجد : الحين انا اللي بستحي وانتي يالفاهره فاكتن خشتك بتقومين والا مافيه عرس
ندى : غسلت يدي من العرس من عقب وعد اليوم وتحت الضغوط النفسيه
ام ماجد : الشكوى لله لصقة عنزروت مامنها فكه
فيصل : ندى قومي اشرفي على الشغالات
ندى بقهر : وربي ظلم جايه عشان اقعد مع الشغالات
فيصل وهو يناظر ليان : والله وش حلاتهن الشغالات حبوبات وادب واخلاق الشغاله الوحيده فيهم اللي مافيها شي من الادب

والاحترام عاطيها اجازه اليوم
ام ماجد : وش تبي فيها ليه ماتقلعها ؟؟؟
فيصل وهو يرجع ينظر با ليان يشوف الرساله وصلتها او لا: على قولتك لصقة عنزروت والا علي ودي اقلعها اليوم قبل بكره
ندى : قولي عليها وانا اوعدك اشوتها لك من البيت شوت
فيصل : بيجي يوم واطلب منك توفين في هالوعد
ام ماجد : الله يكفيك شرها
فيصل : آمين عاد شرها مافيه اقذر واحقر منه .. المهم ماودكم نقوم نتغداء
قامو كلهم لغرفة الطعام ماعدا ليان اللي دموعها اول ماشافتهم يقومون خانتها ونزلت غرقت وجهها

أدمنت أحزاني
فصرت أخاف أن لا أحزنا
وطعنت ألافا من المرات
حتى صار يوجعني ، بأن لا أطعنا
وتشابهت كل البلاد..
فلا أرى نفسي هناك
ولا أرى نفسي هنا ..

فيصل بحده وصوت واطي بعد مارجع لها : عن تمثيل دور البريئه وقومي لاتلاحظ امي شي
رفعت له وجه مبلل بالدموع وكاسيه الحزن بس اللي صدمه نظرت الاستسلام والانكسار بعيونها
فيصل : ليه كل هذا ؟؟؟
ماردت عليه مسحت دموعها قامت ووقفت قدامه : مو ضروري اقول ليه كل اللي اقوله الله لايذوقك اللي ذقته لان اللي شفته

في دنياي مااتمناه حتى لعدوي
راحت لغرفة الطعام وجلست تأكل معاهم او بألاصح تحرك الشوكه بصحنها وتوهمهم انها تأكل وكل بعد فتره ترفع لهم وجههاا

وهي ترسم ابتسامه على شفايفها بدون ماتسمع عن ايش يتكلمون


~~~~~~~~~~~~~

سحر : طيب يمكن صح على لمى بيأخذها لجده يشوفها وبعدها بيطلقها
منال : لاتسكتوني بالكلام هذا دامه ماطلقها الى الآن معناه ماراح يطلقها
لمى : يعني وش تبينا نسوي
سحر : منال انتي اهدى واتركي الموضوع علي وافكر بشي مناسب
منال بعصبيه : وعديني قبل انه مايمر السبت غير وهو مطلقها وماشوفك وفيتي في وعدك
سحر : منال بأسلوبك وتهورك بتخربين كل شي اهدي وانا اقولك وش بنسوي
منال : يله قولي اسمعك
لمى : الله يستر منك انتي وافكار وبليز طلعيني منها
منال بصراخ : كلي تبن وخلينا نسمع


~~~~~~~~~~~~~~~~~~~

الساعه 9 بعد ماطلعت امه ام ماجد وندى

فيصل : روحي نامي لان رحلتنا الساعه 4 ونص الفجر
ليان بهدوء : ان شاء الله اي شي ثاني ؟؟؟
فيصل انقهر من استسلامها يبيها تقاوم علشان يستمتع بتعذيبها : لا انقلعي
ليان بنفس الهدوء : ان شاء الله .. وعطته ظهرها وراحت تمشي لغرفتها
دخلت غرفتها وجهزت شنطتها واغتسلت وصلت وقرات قرآن واستسلمت للنوم على سجادتها وملاذها الامن
وكلها شوق وحنين الى الشخص الوحيد الذي احبها حب صادق لم تخالطه اي شائبه





نهاية الجزء الرابع

كيف سيكون لقاء ليان بجدها وماهي ردة فعله عندما يرى ماهي عليه؟؟؟؟؟
هل ستحيك شلة الشر خيوط مؤامره جديده لليان ؟؟؟؟
ماهي خطة الجد لحماية فيصل من اعمامه ؟؟؟ وهل ستنجح خطته؟؟؟؟
هل ستتغير علاقة فيصل وليان امام الجد خارجيآ فقط ام ستغيرهم من الداخل؟؟؟؟







لكم مني كل الحب



اختكم معزوفه حزينه


2009 - 2010 - 2011 - 2012 - 2013


فراغ عاطفي غير متواجد حالياً   رد مع اقتباس
قديم 12-19-2008   #7 (permalink)
عضو ألماسي
 
♣ تسجيليْ » Dec 2008
♣ عضويتيْ » 45039
♣ مشارگاتيْ » 637
♣ نقآطيْ » 792
فراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to behold
افتراضي رد: رواية ابوس راسك يا زمن ماعاد فيني للجراح رواية سعودية مشوقه كاملة

ابوس راسك يازمن ماعاد فيني للجراح

الجزء الرابع


كلن له الله لو تخليت عني
محدٍ يموت ياصآحبي قبل يومه
مدآم قلبك جرح قلبي وطعني
مااشره على انسآن بعدك والومه

كل المصآيب دلن طريقي وجني
والحزن ارسلي باقي همومه
من كثر همي احس الهم مني
لاغآب همٍ يجي هم يعلن قدومه

شمت كل عدآي وخيبت ظني
والقلب حطمت به باقي عزومه
تعآل شوف اليآس حلّ وسكنْي
والجسم مايقوى يرفع هدومه




وقف يناظر فيها وهي نايمه مثل الطفل على سجادتها كانت التكييف باااااااارد وهي مو متغطيه غير بجلال الصلاه واضح عليها انها

بردانه قرب منها وهو مستغرب من حالتها ليلتين وهي تنام بنفس المكان جلست يتأملها وهو يفكر ليه دايم يحس بضعفها وخوفها

وانكسارها معقوله ان كل الطهاره والبرائه اللي يشوفها فيها مجرد قناع تختفي خلفه ابشع انسانه .. وقف وبعد عنها خاف انها

تصحى وتشوفه وهو يتأملها
فيصل بحده وبصوت عالي شوي : لياااااان
فزت ليان من نومها مرعوبه تحاول تستوعب وينها فيه
فيصل بسخريه : يالاميره النايمه مطوله تتأملين الغرفه؟؟؟ اصحي ورانا طياره
جلست ليان وهي تسمك يدها اللي تألمها من نومها على الارض : عشر دقايق واكون جاهزه عند الباب
فيصل : لا ياحلوه ماحزرتي باقي معانا ساعه وبما اني جوعان ومااحب اكل الطياره والشغالات نايمات وحرام ازعجهن

فابتقومين تجهزين لي قهوتي وفطوري
ليان بصدمه : الحين؟؟
فيصل بعصبيه : ايه عندك مانع؟؟
ليان : شنو تحب تفطر؟؟
فيصل وهو يمشي بيطلع من الغرفه : اي شي مو مهم (وطلع)
اخذت ملابسها اللي كانت مجهزتها ودخلت الحمام تبدل لانها ماتقدر تغير ملابسها بالغرفه دام فيصل يدخل ويطلع بدون استأذان بعد

ماخلصت فرشة اسنانها وطلعت مشطت شعرها ناظرت في شكلها في المرايه صدق الكدمه بدت تخف شوي لكنها تخاف جدها

يشوفها ماكانت تدري وش مخطط له فيصل هل بيرجون من المطار للمستشفى مثل ماتتمنى او بيرحون للفندق اول فقررت انها

تحط ميك آب خفيف تحاول تخفي فيه الكدمه ويغطي على شحوب وجهها بعد ماخلصت نظرت برضي لنفسها وللانجاز اللي سوته

طلعت من غرفتها واول مانزلت الدرج تذكرت انها ماتعرف اشلون يحب قهوته احتارت ماتدري وش تسوي
(ياربي وش اسوي الحين مالي الا اروح اسأله ..لا لا شنو اروح .. والا ليه لا انا مجرد خادمه في حياته واي خادمه

ممكن تدق باب غرفتها سيدها وتسأله عن نوع قهوته المفضل) كل هالكلام كان يدور في ذهن ليان ومع انها اقنعت نفسها الا انها

راحت لغرفته بأرجل ترتجف تقدم خطوه وترجع خطوه .. وقفت قدام غرفته متردده هي حتى ماتعرف اذا هذي غرفته او لا

حكمت انها غرفته بس لانها شافته يدخلها كم مره .. اخيرآ تشجعت ودقت الباب

فتح فيصل الباب وكان لابس بنطلون.. اما صدره كان مكشوف ... وهالشي خلى كل الوان الطيف تمر على ليان لما

شافته تمنت الارض تنشق وتبلعها .. كان صدره وبطنه مرسوم رسم .. عضلات صدره بارزه وعضلات بطنه

مقسمه ومحدده,, نزلت عيونها وصارت تناضر في الارض وهي ترتجف من الاحراج وحمرة الخجل كاسيه وجههاانصدم

فيصل من وجودها عند بابه بس سكت ينتظرها تتكلم وهو ويتأمل في شكلها اللي سحره استغرب من خجلها والحمره اللي غطت

وجها معقوله تقدر تمثل حتى بالشي هذا مستحيل يكون كل هالخجل والرجفه والخوف تمثيل ..

فيصل : ليه جايه فيه شي ؟؟
ليان :........
فيصل بحده : تكلمي ليه جايه؟؟
ليان بخوف وارتباك وخجل : هاه .. لاااااا .. بس ..

سحبها فيصل من يدها وضمها لــ صدره وهو مستغرب من حركته.. يكره هالانسانه لانها تضيعه كل ماشافها ..يفقد معها

كل سيطره على نفسه ... اما ليان كانت مثل سنبله في مهب الريح .. من اول يوم شافته في ملكتها وشافت منه حنانه

كانت امنيتها ترتمي على هالصدر وتبكي سنوات القسوه اللي عاشتها تبكي جبروات اب وقسوة ام .. وهذي هي رجعت

لصدره مره ثانيه بس بعد ماعرفت قسوته ماكانت تبي تبكي كانت تبي تدور الحنان اللي شافته منه وتسألها وش صار وليه تحول

بيوم وليله لقسوه

ضمها اكثر له وقرب شفايفه من اذنها وبهمس : عمري ليه ترتجفين خايفه مني ؟؟
كان عقلها يحاول يستوعب كلمة عمري اللي قالها بحنان وهمس وانفاسه تحسها تحرق وجهها .. كانت تبي تصرخ فيه وتقول

ايه خايفه منك جربت حنانك وجربت قسوتك .. ايه خايفه لاني تعلقت فيك من اول ماشفتك .. ايه خايفه على كل امل

وحلم بنيته بمخيلتي عن الحب والسعاده اللي بعيشها معك انها تتحول لكابوس يقتل بقايا الانسانه اللي بداخلي ... قبل ماتنطق

بأي كلمه كان فيصل اسرع منها

فيصل وبنفس الهمس : حبيبتي ليه مانستفيد من زواجنا .. انتي استفدتي واحد ستر عليك ووفر لك بيت لان ابوك مايبيك في

بيته .. بس انا اللي طلعت خسران .. فقلت استفيد واحصل على حقوقي كزوج.. صحيح بيكون بس اشباع نزوه لكن

على الاقل بيكون بالحلال مو بالحرامسكت شوي ينتظرها تتكلم ولما ماسمع منها اي صوت بعد بيدها خصلات من شعرها وقرب

شفايفه من اذنها اكثر وبهمس خالي من اي رقه او نبرة حنان : بس المشكله اني لو اشوفك عريانه قدامي ماتحرك فيني اي

احساس تجاه وحده حقيره وقذره مثلك
خلص كلمته وتركها وبعد عنها

تركها حطام انثى ..شضايا احلام مبعثره مافيه شي ممكن يجمعها ..تركها جسد ميت بلا روح .. كانت كلماته مثل

السياط على جسدها وقلبها اللي ادمته كثر الطعنات والجراح .. حتى الدموع تحجرت بعيونها ..

فيصل كان يناظر فيها توقع انها بتثور وتصارخ وتبكي او اقل شي تروح لغرفتها وتحبس نفسها فيها بس اللي صدمه انها واقفه

قدامه مثل ماهي وبكل هدوء بستثناء ان رعشتها وحمرت خدودها اختفت وانفاسها السريعه هدت او بالاصح ماكان يحس انها

تتنفس ولو انها مو واقفه قدامه وتناظر فيه والا كان قال انها ماتت

فيصل : مطوله تتأمليني عسى اكون عجبتك بس .. يله تحركي ورانا رحله
ليان بهدوء : كيف تحب قهوتك؟؟

فيصل كان ناسي انه طلب منها تسويله قهوته وفطوره ولما قالها وماكان متوقع انها بتنفذ كلامه مو لانها عنيده بس لانها بتنشغل

بتجهيز نفسها للسفر .. يعني جيتها لغرفتي علشان تسألني كيف اشرب قهوتي وانا اللي قسيت عليها لاني توقعت انها جايه

بكل جراءه تلمح لشي .. بس خجلها وارتباكها هو اللي خلاني افكر وافهمها كذا.. يعني البنت ماجت تعرض علي

نفسها وانا بكل قسوه ادبتها على فكرتي الغلط

فيصل وهو يحاول يلين صوته قدر مايقدر : احبها سوداء وبدون سكر بس لاتسوونها روحي جهزي نفسك
طلعت ليان بدون ولا كلمه ونزلت للمطبخ جهزت فطور سريع له وقهوته السوداء وحطتها على طاولة
دخل فيصل وهي تحط الفطور : قلت لك لاتسوون شي ورحي جهزي نفسك ليه تعاندين
ليان بهدوء بعد ماخلصت : مااعاند واسفه ماسمعتك ... خلصت كلامها وطلعت
بعد عشر دقايق نزلت ومعها شنطتها .. كان فيصل جالس يشرب قهوته وماكان له نفس يأكل شي
فيصل : ليان تعالي افطري امس مااكلتي شي
ليان بهدوء : شكرآ مو جوعانه

انقهر فيصل منها كل مره يجرحها كان يتوقع انها بتثور وبتشيل قناع الطيبه والانكسار لكن ماكان يحصل ردها غير بدموع تحاول

تحبسها لكنها تخونها وتنزل حتى هالمره لما فسر جيتها غلط وتفنن بجرح لها قابلته بهدوء غريب حتى بكاء مابكت وفوق كل هذا

سوتله قهوته وفطوره .. كان يعرف ليه يعذبها علشان غلطتها اللي ماتغتفر بس اللي كان مو لاقي له اي تفسير ليه كل مره

يعذبها يتعذب هو معها

طول طريقهم للمطار وليان مازالت بحلة جمودها وفيصل كل تفكيره فيها وما كان فيه اي صوت بالسياره ماعدا صوت ابو نوره

احبس دموعي حبيبي من غلاك
انت دمعه .. خايف ابكيك وتطيح
يـاحبيب الجـرح .. اتعبني عنــاك
فــي يدينك قـــلب لكنه جـريح
بـ نشدك قد صرت نجمٍ في سماك
او مشيت بدرب .. ماهو لي صحيح
جـابني يمـك حنيــني مــانسـاك
قام ينشد عنك شــوق ٍ بي يصيح
من عذاب البرد .. جيت ابغى دفاك
واثرك بصادق حنينك لي شحيـح
مايمـــوت القلب لا صــد وجفــاك
مايموت القلب .. لـكن يستريح
بـ احبســك مابين جـفنين و لقــاك
لاالتقى بالعين .. ملتاع و مريــح


وصلو للمطار الساعه اربعه الفجر ماكان باقي على رحلتهم غير نص ساعه.. خلص اوراقهم بسرعه وطلعو للطياره
اول مابدت الطياره تتحرك تذكرت ليان رعبها من الطيران كل مره تكون لين جنبها تهديها وتقرا عليها .. في اخر رحله لهم

ماكان مقعده بجنب لين وانهارت عليهم من البكاء والصياح حتى ان ابوها ضربها علشان تسكت بس مافاد الين اضظر يجلسها

بجنب لين بس الحين لين مو معها

صارت تبكي بصوت واطي حيل ..حس فيها فيصل وقرب منها : ليه تبكين خايفه ؟
هالكلمه صحتها من صدمتها فجرت داخلها كل الالم من كلماته المسموه اللي سمعها لها وهي بحظنه .. صارت تبكي بصوت

اعلى شوي وبخوف وكل مازادت سرعت الطياره علشان الاقلاع زاد معه بكاها وخوفها وصعوبة تنفسها.. قرب فيصل منها

يبي يمسكها ويهديها لكنها كانت تدفه وتبعده عنها
تذكر ان في شنطة اوراقه حبوب منومه كان يستخدمها في الرحلات الطويله .. نادى على المضيفه وطلب منها كأس ماء
لما جابته له .. مد الكأس لليان وهو يحاول مايقرب منها علشان مايزيد بكاها

فيصل : ليان خذي الكاس وكلي هالحبه بتريحك
لكن ماكان فيه اي رد من ليان غير بكاها واضطراب تنفسها ..
حست المضيفه ان فيه شي بينهم رغم خوفها من الطيران الا انها رافضه تقبل منه اي مساعده ... تدخلت واخذت الكأس

والحبه من فيصل وراحت لجهة ليان
المضيفه قربت من ليان ومسحت على ظهرها بحنان : يله حبيبتي خذي الحبه واوعدك ترتاحين
اخذت ليان الحبه بدون ماتتكلم وبلعتها .. بس لما شافت المضيفه تبي تروح مسكت يدها بسرعه
ليان بصوت خنقه البكاء وبكل رجاء : لاتتركيني
قام فيصل وطلب من المضيفه تجلس مكانه ولما شاف المضيفه بتعترض اشر لها بيده خمس دقايق بس .. بعد ماجلست بجنبها

المضيفه راح وجلس على مقعد فاضي قرب منهم .. كانت نظراته معلقه بليان وهي متمسكه بالمضيفه تدور عندها الحنان

والامان .. كسر خاطره منظرها والخوف والدموع اللي شافها بعيونها .. كره نفسه على حركته اليوم معها . هدوئها

كان كله صدمه ماصحاها منها غير خوف من الطياره

اول ماحس فيصل ان ليان نامت رجع لمكانه بعد ماقامت المضيفه وخر مساند اليد اللي بينهم وقربها منه وحط يده من وراها

وراسها على صدره .. على كثر مايقسى عليها وهو عارف انها تستحق اكثر من كذا على كثر مايتقطع قلبه عليها لما يشوف

دموعها وانكسارها .. كان طول عمره وعقله وقلبه على خط مستقيم مايختلف هي الوحيده اللي يختلفون مابين عقل يطالب

منه يعاقبها او يتخلص منها على غلطتها القذره ومابين قلب يتعذب علشانه ويقول حبها وارحم حالها كافي اللي شافته بحياتها

لاتكون انت والزمن عليها وهو مشتت مايدري يسمع كلام عقله او قلبه

اول ماهبطت الطياره في مطار فرانكفورت بعد رحله دامت خمس ساعات بعدها فيصل عن صدره وسندها للجهه الثانيه من المقعد

.. كانت ليان غارقه في النوم بفعل الحبوب وقلة النوم اللي تعانيها حست بيد تهزها واحد يناديها فتحت عيونها بصعوبه وبعد

ماستوحبت ان فيصل هو اللي يصحيها فزت بخوف وبعدت عن يديه

فيصل : خلاص وصلنا ماله داعي الخوف وروحي لدورة المياه اذا بتبدلين ملابسك
قامت ليان وبدون ولا كلمه اخذت شنطتها الصغيره وراحت للحمام (عزكم الله) غسلت وجهها من اثار الدموع وفسخت عباية

الراس ولبست بدالها عباية كتف ساده مافيه اي زينه ولفت حجابها باحكام علشان ماتبان ولا شعره ناظرت في المرايه ولان

وجهها خالي من اي ميك آب وواضحه الكدمه وشكلها بيكون محرج اخيرا سوت من طرحتها لثمه واخذت شنطتها وطلعت

انصدم فيصل لما شافها هو قالها روحي بدلي ملابسك وكان قاصد يعطيها الضوء الاخضر بيشوف وش تسوي لكن اللي ماتوقعه

ولا واحد بالمليون انها بتلبس كذا
فيصل : بتطلعين كذا
ليان ببرود : عندك اعتراض
فيصل : لا ماعندي ويله ننزل
طلعت معاه بدون ولا كلمه ... دخلو المطار وبعد ماخلص بعض الإجراءت اخذها لـ كفي شوب
فيصل : شنو تحبين اطلب لك ؟؟
ليان بحده : ماابي شي ابي اروح لجدي
فيصل وهو يفتح جواله :ان شاء الله ياطويلة العمر بس بعد الرحله الثانيه والا ناسيه ان جدي في فرايبورغ مو في فرانكفورت
انحرجت ليان كل اللي تعرفه ان جدها في ألمانيا وتعرف انه في مستشفى سانافونتيس بس وين بالضبط ماتدري
فيصل : ماقلتي شنو اطلبلك ؟
ماردت عليه واكتفت بتحريك راسه بــ لا

بعد انتظار ساعتين في المطار طلعو على الرحله الثانيه كانت ليان هالمره اهداء شوي من قبل بس برغم كذا كانت شاده بيديها

على المقعد بكل قوتها وواضح سرعة تنفسها والدموع اللي بعيونها انها خايفه ماحاول فيصل انه يساعدها لانه عارف انها ماراح

ترضى
اول ماوصلو فرايبورغ كان فيه سياره بنتظارهم
ليان بعد ماركبو السياره : وين بنروح للفندق او عند جدي
فيصل : لابنروح نرتاح وبعدها نطلع لـ جدي
ليان برجاء : ارجوك خلنا روح له الحين
فيصل : إيش فوشتا سانافونتيس جيهن
السواق : اوكي
ليان مافهمت من كلامه شي بس مااهتمت تعرف كل اللي تبيه تروح لــ جدي : ارجوك
فيصل بحده: خلاص ماتسمعين قلت له يأخذنا للمستشفى
ليان : وانا وش بيعرفني ان الطلاسم اللي قلتها له من شوي معناها يودينا لجدي
فيصل وهو يحاول يتصل على امه ام ماجد :هالطلاسم على قولتك تكون لغتهم

ام ماجد : الووو
فيصل : هلالالالالالا وغلاالالالالا حي هالصوووووت
ام ماجد : تحي وتدوم ياعيون امك .. طمني يمي وصلتو
فيصل : ايه يالغلا ابشرك وصلنا وبخير
ام ماجد : الحمدلله يالغالي وشلون ليان عسى ماتعبت
فيصل : لا يالغاليه وعطيني المهبوله اللي تصارخ عندك ماخلتني اسمعك
ام ماجد : الله انه يزعجها مارد على تلفون الا وهي قاطتن معي
ندى بعد مااخذت التلفون من امها : هلالالالالالا وااااااااالله تصدق اني عرفت انك انت اللي متصل من شفت احبال امي

الصوتيه طالعه وترقص سامري
فيصل : حتى احبال امي الصوتيه ماسلمت منك يابنت اعقلي لا اذبحك
ندى : هههههههههههههاااااي تبطي عظم ذبحتي يابابا بعيده عليك بعد العرس عني
فيصل : ياهالعرس اللي مدخلته في كل سالفه
ندى : ههههههههههههه شفت شلون بصدع روسكم فيها الين تزوجوني
فيصل : اذا مت فكري تزوجين قبله لا
ندى : هو انا قلت كل ماقلت لواحد فيكم ابي اتزوج قال عقب مااموت ياناس لاتحدوني اسوي فيكم مجزره جماعيه
فيصل : زين انك نبهتيني علشان لو صار لي اي شي لاسمح الله وقالو في من تشك بقول انتي وعاد تحملي مايجيك اعدائي

كثر التراب
ندى : السجن والعنوسه اسمان لمعاناه وحده يعني ماتفرق عندي .. ايه صح نسيت وش الفلم اللي سوته ليان بالطياره
فيصل : بسم الله ساحره انتي اشلون عرفتي
ندى : ههههههههههههههههه لا بس هي كل مره تسوي فلم بحضن لين وهالمره اكيد معك
فيصل (اي حضن وهي ماتحملت اني المسها) : لا ماصار شي بس شاده على المقعد وشوي وتبكي
ندى : ياعمري عليها طول عمرها خجوله حتى وهي ميته خوف .. وعسى ماغرمتكم شركة الطيران قيمة المقعد؟
فيصل : لا ربك ستر المهم احنا وصلنا وقولي لـ امي بتصل عليها من عند جدي علشان تكلمه يله ضفي وجهك


نزل فيصل وليان ودخلو مستشفى سانافونتيس اللي يعتبر من اكبر المراكز في علاج السرطان كان شوق ليان يسبق خطاها كانت

تبي تصل للقلب الطيب والصدر الحنون والملاذ الامن ..

وقف فيصل عند غرفه عرفت انها غرفة جدها دخل فيصل ودخلت بعده .. شافت فيصل وهو يسلم على جدها خنقتها العبره

وهي تشوف جدها مرمي على السرير الابيض وفاقد قوته الجسديه لكن تحس ان روحه قويه مثل ماهي كانت الدموع تغطي

وجهها مو قادره تشوف شي قدامها

مد جدها يديه لها وهو يقول بحنان هلا بنتي.. كانت اشاره لليان انها تركض لجدها وترتمي بحظنه تبكي حال جدها وحالها

على صدر الانسان الوحيد اللي مااحد حبها كثره .. كانت تبكي بحرقه تقطع القلب تبكي سنين القسوه اللي عاشتها بعيد عن

جدها اللي كان يرسم البسمه على شفاها
ابوعبدالعزيز : ليه البكاء ياقلب جدك هذا انتي عندي والا بس بتضيقين صدري
ليان ببكي : سلامة صدرك من الضيقه عسى كل ماتعانيه فيني ولا فيك
ابوعبدالعزيز : بعيد الشر عنك لاتقولين كذا
ليان : ورب البيت واللي خلق في هالجسد روح انه لو بيدي اكون مكانك وانت متعافي ومتهني ماترددت لحظه وحده
ابوعبدالعزيز : ليااااان والله ان سمعت هالكلام منك مره ثانيه ان لساني مايخاطب لسانك طول عمري
ليان : لا ياجدي خل كل الدنيا تخاصمني وتكرهني الا انت لا وربي ماتحمل زعلك (حطت يديها على فمها )خلاص سكت

ماراح اقول شي (وبصوت مخنوق بالبكاء) بس انت لاتزعل مني مالي غيرك
ابوعبدالعزيز : لك رب العالمين يابنتي وكلنا حولك ونحبك ونغليك ويله اكشفي ليه حارمتني من هالوجه الحلو
ارتبكت ليان بس ماعدنها اي عذر تقوله وعارفه ان جدها ماراح يسكن على ابوها لو درى
ليان : لا جدي خلني مغطيته الين تروح الكدمه (وبمرح) اللي معيرتني فيها ندى ماتناديني من طحت غير بالحولا
ابوعبدالعزيز بجديه : ليان قلت اكشفي وجهك واذا تعلمتي تخفين الكذب ذيك الحظه تعالي اكذبي علي
كشفت ليان وجهها وبرتباك تحاول تخفيه : جدي الله يهديك اي كذب
ابو عبدالعزيز مارد عليها وبعصبيه وهو يناظر فيصل : هذي الامانه اللي امنتك عليها يافيصل هذا وانا بعدني حي سويت كذا

اجل لو مت وش بتسوي
فيصل بقهر : بعيد الشر عنك ياجدي وانا مالي دخل بالسالفه اخذتها من بيت ابوها كذا تبي تعرف ليه سوا فيها كذا هذي هي

عندك اسألها
ابوعبدالعزيز بغضب : حسبي عليك الله يأبراهيم اللي بفعالك تحدني ادعي عليك
ليان : لااااااااااا ياجدي ابوس يدك لاتدعي عليه انا غلطت اكيد والا ماكان ضربني
فيصل بسخريه : زين اخيرآ اعترفتي
ابو عبدالعزيز بحده : فيصل خلص اوراقي واحجز لنا على اول رحله للرياض

~~~~~~~~~~~~~~~~~~~~~

في بيت العمه نوره

ندى : يمه اتصلي على جارتنا ام مشاري وقولي لها ترسل روان علشان اذاكر لها بس خلي روان تكلمني علشان اقولها وش

تجيب معها
ام ماجد : بسم الله على بنيتي .. من متى هالعقل اكيد تحسين بشي
ندى : لا يمه قلت مادام مالي مستقبل في الزواج على الاقل يكون لي مستقبل في التدريس
ام ماجد : ههههههههههههههههههه ايه يقولون اذا عرف السبب بطل العجب مشاري خاطب بنت خاله يعني لاتميلحين عندهم

بتدريس روان
ندى : اللي يبشرك بالخير .. وستمري بتحطيمي رعاك الله ومن اليوم انسى يمه وماما وماميتو مافيه غير يأم العانس

علشان تحسون بمعناتي
ام ماجد : هاا يالعانس اتصل عليهم والا هونتي
ندى بقهر : ايه اتصلي ولاتقولين عانس
ام ماجد وهي تتصل : وش اسويلك انتي تقولين ام العانس اجل انتي العانس وانا جازتلي ومن اليوم مالك عندي غيره
ام مشاري : الوو
ام ماجد : هلا والله
ام مشاري : هلا بالغاليه وشلونك عساك طيبه
ام ماجد : بنعمه من ربي ولايكثر هرجتس ترى مالنا غير ساعه عن بعض
ام مشاري : هههههههههههههههههههه خلاص ياكافي اكلتيني بقشوري هاا بشري عسى ندى وافقت تدرس روان
ام ماجد : ايه ابشرتس بس نادي روان تكلمها
ام ماجد تكلم ندى : روحي عطيني ماء على ماتجي روان
ندى بعد ماجابت الماء لامها واخذت السماعه : هلا رو رو
روان بعصبيه : شايفتي ظاطور عندك تدلعيني رو رو
(الظاطور لغير الناطقين بالنجدي هو :وزغة , برص, بعرصي,ابو بريص )<<<هذي كل المسميات اللي لقيتها واذا

لقيت له اسم جديد اوعدكم احطه بالشرح القادم او سموه مثلي تمساح صغير خخخخخخخ
ندى :ول ياطول السانك مو منك والله من العجز امي وامك اللي مقابلتهم طول اليوم
روان : مقابل العجز ابرك من مقابل العوانس
ندى بقهر : ادري من محفظك ذا الكلمه لكن اسمعي (وتناظر في امها ) والكلام لك ياجاره .. إيه أفتخر لا قالوا الناس

عانس ...ما دام من يطلبن ماهوب رجال
ام ماجد : هههههههههههههههههههههه والله وسوت منك العنوسه شاعره استمري على قيام الليل يمي عسى ربي يرزقتس

ويتقدم لك واحد داعيتن عليه امه وانتي ارفضيه مع ان ماهو ظني وعقب صكينا في هالبيت
شالت ندى التلفون وبعدت عن امها بقهر بدون ماترد عليها
ندى : روينه عن الضحك لا اجي اقحص ببطنك واسوي خمسات واسمي وش بقولك
روان : تخسين تسوين ببطني خمسات وبعدين فيه احد خبل يدرس فالعطله
ندى : عن الفلسفه وسمعيني ولاتطاوعين هالعجز بيدمرن مستقبلك مثل مادمرن مستقبلي خذي شنطتك وفضيها من الكتب

وحطي لك فيها ملابس غيار واحد مو تضفين الدولاب
روان بفرحه : ليه بنسبح
ندى : احلا من السباحه وجيبي معك العربه اللي فيها حبل من قدام ومعزرتن بسويويقكم كل يوم يسحبك
روان برتباك : وشلون عرفتي
ندى (الطلطله من الشبابيك لها فوائد): ماهوب شغلك سوي اللي قلت لك عليه وتعالي انتظرك

(روان عمرها عمرها 8 سنوات البنت الوحيده بين 7 اولاد عربجيه وهمها أللعب عايده سنه اولى مرتين لانها الى الان

ماتعرف تجمع اكثر من 1+1)

~~~~~~~~~~~~~~~


خارج غرفة الجد ابوعبدالعزيز

ليان ببكي : فيصل تكفى ارفض تطلعه قول للاطباء لايطلعونه فيصل لو جدي رجع وصار له شي والله لا اقتل نفسي
فيصل : ليان اهدي وهذا قراره مابيدي شي
ليان وبكاها يزيد : فيصل ابوس يدك لاتخليه يرجع نفذ لي هالطلب الوحيد و والله لو تعذبني فاليوم مليون مره راضيه واكون لك

الخادمه المطيعه بس لايرجع جدي طلبتك لاتخليه يقتل نفسه عشاني
انصدم فيصل من كلامها حاول يقرب منها ويضمها على صدره لان الكلام اللي بيقوله مو هين .. لكن اول ماقرب منها ابتعدت

عنه بخوف
فيصل مااستغرب من حركتها اشلون بتحس بالأمان بين يديه وهو جرحها بكل قسوه وهي بين نفس الايدين : ليان صديقني

مااقدر اسوي شي مو لان جدي مصر بس لان كلام الاطباء يثبت صحة كلام جدي انه هنا او هناك ماراح تفرق بالنسبه له
ليان بصدمه : اشلون ماراح تفرق؟؟
فيصل بحزن : الاطباء يقولون انه مافيه شي ممكن يسوونه لحالته يعني وضعه هنا مثل وضعه هناك ويفضلون انه ننفذ له رغبته
ليان بصراخ : كذااااب والاطباء كذااابين كلكم كذابين ماتدرون شلون تدمروني قلتو نقتل جدها عشان ندمرها بس انا ماراح

اسمحلكم فااااااااااااهم مارااااااااح اسمحلكم
طررررررررررررررررااااااااخ
ما عطاها الكف بس عشان يصحيها عطاها لانها جرحت بكلامها صحيح انها كانت تقوله بدون وعي لكنه ألمه : اسمعيني
رواية ابوس راسك يا زمن ماعاد فيني للجراح رواية سعودية مشوقه كاملة

وصحي من جنونك اذا انتي تحبين جدي مره فأنا احبه مليون مره واتمنى افديه بعمري واذا هذي رغبته راح احققها له ومو بس

كذا قدامه بنكون اسعد زوجين فاهمه وكرهنا لبعضنا يكون بقلوبنا او اذا صرنا وحدنا
سكت فيصل ينتظرها تستوعب كلامه
ولما ماعلقت بشي : يله نروح نرتاح شوي ونبدل ملابسنا ونرجع له
ليان : لا انا بجلس عنده
فيصل : ماراح اسمحلك انه يشوفك وانتي كذا نروح واذا هديتي وتحكمتي بعصابك نرجع
استسلمت وراحت معه ... وطول الطريق للفندق وهي ساكته تنتظر الين تكون وحدها عشان تفرغ اللي بداخلها من حزن

ودموع
وقفت السياره عند فله صغيره ناظرت فيه ليان بستغراب : ليه مارحنا للفندق؟
فيصل : دام عندي بيت ليه اروح للفنادق اربع سنوات وانا بصفه شبه دايمه عند جدي مستحيل اقضيها كلها بفندق
دخلو البيت وكل واحد فيه من الهموم والتعب اللي مكفيه .. طلب فيصل من الخادمه تأخذ ليان على غرفتها وتطلع لها شنطها


~~~~~~~~~~~~~~~~

في بيت العمه نوره ام ماجد

ندى : بنتك العانس بتروح للحديقه اللي وراء البيت تلعب مع روان وتذاكر لها عندك مانع يأم العانس ؟
ام ماجد : بالاصاله عن نفسي وبالنيابه عن بنتي العانس مايخالف
ندى : والله وصرتي تقولين خطب بس لو ماخربتيها بــ مايخالف كان شي
ام ماجد : اقول ماودتس تذلفيني لا اهون

طلعت ندى بسرعه للحوش بس ماراحت للحديقه راحت لمدخل البيت لانه سيراميك انعم ابو شي
ندى : انا بأخذ خرطوم الماء وارش الحوش وانتي حطي صابون الفيري ولا اوصيك كثري
روان بفرحه : لاتوصين حريص بخلص العلبه كلها ولو احتاج الامر بجيب الثانيه

بعد ماملو الارض بالماء والفيري واللي واقفه بس وقوف يزلق اشلون لو مشى .. جابو العربه وكل مره تجلس وحده والثانيه

تدفها وتفحط هالعربه بالحوش الين ماتصك في جدار ولا باب والا تكرفس من فوقها من زود السرعه
مر الوقت عليهم وهم يلعبون وكل مره يتطاقون منو دوره واخر مره انتصرت ندى بحكم قوتها الجسديه اللي تفوق روان
ركبت ندى في العربه ودفتها روان بكل قوتها .. عرفت ان هالمره باب الشارع هو اللي بيستقبلها بأحظانه لكن اللي صدمه ان

الباب كان ينفتح اكيد احد افتحه من داخل بــ الانتر فون ماكان قدمها غير انها تستسلم لمصيرها الاسود ان كان فيه احد عند الباب

بتضفه معها واذا مافيه احد بتدرعم بالشارع

تسمرت نظرات ندى على الشاب اللي واقف عند الباب وبسرعه غطت وجهها بيديها .. تصدم فيه وتسحبه معها للشارع مو

مهم اهم شي لايشوف وجها
انصدم راكان بالخبله اللي جايته بكل سرعه عرف انه لو تحرك من مكانه مارادها غير الشارع ولو تقدم بيكون مصيره طيحه

محترمه وقف مكانه واول ماقربت له مد يديه ومسك العربه بكل قوته
ام ماجد بصدمه وهي عند مدخل البيت : وش ذا ؟؟؟
راكان بخوف على عمته : عمه لاتحركين الارض كلها ماء وصابون
دف راكان العربه بشويش على ورا وطلع وسكر الباب علشان يعطيها مجال تدخل

سمعت الباب يتسكر حاولت تنزل من العربه وبعد معاناه نجحت بطيحه معتبره وكل ماوقفت رجعت تطيح
روان الله العالم بحالها كانت طايحه على الارض وترفس برجليها من زود الضحك
اما مع امها فمصيرها مازال مجهول وغامض


~~~~~~~~~~~~~~~~~~~~~


في غرفة منال

منال بدلع : هلا بسعودي
سعود : غريبه وش هالرضاء اليوم؟؟
منال : دوم راضيه عليك ياعسل
سعود : اكيد تبين شي يله قول وش عندك
منال : اخس عليك سعودي هذا وانا متصله اقولك اختار اي مطعم واعزم اصحابك للعشاء الليله وعلى حسابي
سعود : شكرآ ماتقصرين بس ماابي اعزم احد ولا ابي عشاء ..غيره؟؟
منال : وش يرضيك اني اطلع معك .. ولايهمك بطلع معك وبعدها بعطيك تذكره لــ فرنسا وايطاليا درجه اولى وبخليك

تسكن بأفخم الفنادق وتصرف بالهبل .. هاا وش رايك ؟؟
سعود بصدمه : ول وليه كل هذا اذا تبين اقتل احد اقولك من الحين اغسلي يدك
منال : هههههههههههههههههههههه وانا وجه قتل حرام عليك
سعود : اجل شنو المهمه هالمره؟؟
منال : كل شي بوقته حلو ياحلوو


~~~~~~~~~~~~~~~~~~~~

دخلت البيت واستغربت ان امها ماشنت عليها حرب .. سمعت امها تكلم راكان وتقول له يدخل وينتبه وهو يمشي
دخل راكان وهو كل مامشى خطوها صار يتمايل ويضطر يثبت مكانه الين مايستقر وبعدها يمشي خطوه ثانيه ويدعي على الخبله

اللي مسويه هالبلاوي
وصل اخيرا وسلم على عمته
ام ماجد : ياوليدي السموحه منك فتحت الباب ونسيت انها تغسل الحوش
ناظر راكان بعمته وهو يحاول يخفي ضحكته على كذبتها اللي ماتمشي على بزر
ام ماجد : ماتنصدق صح .. اجل خلني الين ادور لي كذبه تنصدق وقولها لك
ضحك راكان من كل قلبه على عمته طول عمره يحبها تختلف عن اخوانها بكل شي انسانه اخذه الدنيا بساطه وضحك مافي قلبها

غير الحب وماتعرف تكره احد عمر الفلوس ماغيرتها رفضت انها تطلع من بيت زوجها او تغيره من بعد مامات برغم انها تقدر

تمتلك اللي افخم منه بمليون مره لــ ذكريات زوجها اللي فيه ولانها ماتبي تتخلى عن جيرانها اللي حبتهم ويحبونها وربت عيالها

على الطيبه والبساطه والتواضع ..

راكان بصدق : اشتقت لك يمه
ام ماجد عورها قلبها راكان مايقول يمه الا اذا متضايق من شي : راكان يمي وش فيك
راكان : مافيني شي يالغاليه بس اشتقت لك
ام ماجد : اجلس وقول لي وش صاير او والله لا ازعل عليك
راكان : يمه صدقيني مافيه شي
ام ماجد : بتقول ولا انسى تقولي يمه او عمتي اعتبرني ام صديقك وبس
استسلم راكان وقالها كل شي هو كان محتاج يشكي لااحد وهي احسن شخص ممكن يشكيله


~~~~~~~~~~~~~~~~~~~~

ليان ببكى : لين جدي تعبان ومصر انه يرجع
لين :ياعمري ليه البكاء جدي وعارفين من زمان انه مريض ومابيدنا غير الدعاء له
ليان : لين انتي ماتعرفيني جد وش بالنسبه لي هو حياتي كلها كل ليله ادعي له وادعي ان موتي قبل موته لان الموت اهون

عندي من اني افارقه
لين : ليان لو خيروكي بين ابوي وجدي من تختارين
ليان : مجنونه انتي اشلون يخيروني بين ابوي وجدي لو احد خيرك بين وحده من عيونك بتختارين
لين : لا مستحيل اتنازل عن وحده منهم
ليان : ابوي وجدي هم عيوني اشلون تخيريني بين وحده منهم
لين : رغم كل القسوه اللي شفتيها من امي وابوي لسه تحبينهم
ليان : لين انتي قلتيها امي وابوي ومهما قسوى علي لو سمحت لنفسي ان مكانتهم تنهز بداخلى لو شعره بعتبره عقوق فيهم لما

ندعيلهم نقول ربي ارحمهما كما ربياني صغير يعني يكفي تربيتهم لي تغفر لهم كل قسوه شفتها منهم

فيصل كان يسمع كل الكلام اللي قالته ليان بدون ماتدري عنه مو تصنت بس كان يبي يعرف هالانسانه هل نفس تصرفاته بحضوره

نفسها بغيابه ولا تنزع قناع الطيبه لكن اللي سمعه اصدمه وخلاه يشكك بصحة كلام البنت اللي نقلت له غلطها
انتظر شوي وبعدها دق الباب ودخل
ليان : لين سلميلي على الكل واكلمك بعدين
لين : اوكي ياقلبي ولاتزعلين نفسك
ليان : ان شاء الله يله بحفظ الرحمن
خلصت مكالمه وناظرت فيه : هلا فيه شي؟
فيصل : لا بس ماتبين تروحين لجدي
قفزت ليان بسرعه : اكيد ثواني بس البس واكون تحت



بعد نص ساعه بغرفة الجد

ابوعبدالعزيز : اخبار راما وعسى توصلت للون عيونك ؟
ليان : عذبتي ياجدي مره تطلعني في عز الظهر تقول تبي تشوف لون عيوني ومره تسحبني للسطح بنص الليل تقول يمكن

تكتشفهم على ضوء القمر واخر محاولاتها طفت انوار الغرفه وسلطت لعيوني كشاف والحمدلله لحق علي فيصل قبل لا انعمي من

محاولاتها
ابو عبدالعزيز : ياخوفي ان فيصل يكمل تجارب راما
فيصل : ههههههههههههههههههههه اجرب في عيوني لا اجرب فيها
(رن جوال فيصل )
فيصل : هلالالالا وغلالالالالا بحبيبتي وعمري وحياتي
(ليان برغم جرحه وقسوته بس حست بالغيره تنهشها من هذي عمره وحبيبته اللي لها الكلام الحلو وانا يسقيني العلقم )
فيصل :يابعد عمري والله وربي مو كثر شوقي
فيصل : ايه عندي خذيه معاك يالغلا بس لاتغازلينه ترى اغار عليك
ابوعبدالعزيز بعد ماعطاه فيصل الجوال :حي هالصوت
ام ماجد : تحي وتدوم يالغالي بشرني عنك
ابوعبدالعزيز : بخير ونعمه ماناقصني غير شوفتك انتي وبنتك الخبله الا بشري عساها عقلت
ام ماجد : ان دخل بليس بالجنه ترى بنتي بتعقل قبل ماظنتي
ابو عبدالعزيز : زوجيها كودها تعقل
ام ماجد : وابلي عيال الناس بنتي بكره يدعون علي لا والله المهم يالغالي ماودي اطول عليك المهم سمعت صوتك وتطمنت

عليك
ابوعبدالعزيز : الله يطمنك بالايمان وطاعة الرحمن خذي فيصل معك وفمان الله
اخذ فيصل الجوال من جده وطلع برا الغرفه كان حاس من صوتها انها متضايقه ومهمومه
فيصل : يمه وش فيك ماعجبني صوتك
ام ماجد : مافيني شي ياولدي انت بس انتبه على جدك وليان وخلك من غيرهم
فيصل : الله لايخليني ان خليتك
ام ماجد : بسم الله عليك يمي
فيصل : يمه بتقولين وش فيك او اقسم بالله لا اخذ اول رحله الحين واجيك
ام ماجد : الله يهديك ياسرعك بالحلوف .. يمه مافيني شي بس ضايق صدري على راكان
فيصل بحقد : وش فيه راكان
(وقالت له كل اللي قاله لها راكان )
فيصل : كذااااااااب يدري وش هو مسوي
ام ماجد بعصبيه: لا يافيصل مو كذاب انا مو بزر ينضحك علي اعرف من اللي يكذب ومن يقول الصدق ولاتنسى ان راكان انا

مربيته مثل ماربيتك انت وماجد واعرف اللي بنفوسكم قبل لاتقولونه واعرف من يصدق معي ومن يكذب علي ياما كشفت انك

تكذب علي يافيصل لكن ماكنت احب اجرحك او احرجك على بالك ماعرفت بتغير نظرتك لليان ليلة الدخله كنت احسك ماتبي

تفارقها ولما جيتك في بيتك كنت تعاملها احقر معامله وتشبيهك لها بالخادمه مامشى علي كنت عارفه انك تقصدها واستمريت معك

بكذبتك ابي اعرف وش سر هالتغير
فيصل : لحقت تشكيلك؟؟
ام ماجد : لا والله وعسى عيني ماتشوف ماجد ان كانت حكت لي شي .. قلت لك ليه ماتقلعها وانا قاصده تطلقها وعرفت

ان السبب اللي مانعك هو ابوي ولما قلت لك الله يكفيك شرها ابي اعرف منك وش الذنب اللي سوته .. لكن اسمعها مني كلمه

يفيصل وانت عاقل وشورك بيدك الظلم ظلمات وانا امك ليان مستعده احلف انها بريئه بدون معرف وش جرمها ليان اذا بريئه

الاعمى وهو اعمى يشوف براءتها

قفل فيصل من امه وهو يحس انه مشتت تفكيره معقوله يكون ظالمه كل مره يكون معها يحس بحزنها وبراءتها كلامها لاختها يدل

على انها انسانه ماعرفت الحقد بيوم .. انهيارها ودخولها المستشفى من مجرد كلام قلته .. ترجيها له في كل مره انها

تعرف وش الذنب اللي سوته يدل على صدقها وصدق راكان حتى راكان مايدري وش الذنب اللي مسويه ولو كان عارفه انه

مسوي شي ماراح يشتكي لعمته ويفضح بنفسه دام ابوه ستر عليه .. طيب والبنت اللي كلمتني ومعرفتها بكل شي حتى رقم

ليان

طلع جواله واتصل وليد
وليد : زعلان لاتكلمني
فيصل : اول مره اشوف واحد يرد ويقول زعلان لاتكلمني دامك زعلان ليه ترد؟؟
وليد : مسوي لي سحر حتى لو زعلان تتحرك يدي لاشعوريآ وارد
فيصل : اراضيك باللي تبي بس بعد ماتسوي لي خدمه
وليد : مابي منك شي بس وش خدمتك مقدر اردك
فيصل : توى صدقت اني ساحرك المهم ابيك تكلم ربعك اللي بالاتصالات شوف من فيهم مداوم وممكن يشوف لي فاتوره

وارجع كلمني
وليد : وليه الاستعجال ماينفع بكره
فيصل : لا فيصل واللي يرحم والديك اذا تهمك راحتي وسعادتي دقيقتين وانتظرك تتصل علي تقول من موجود عشان اعطيك

الرقم
وليد : ابشر دقيقه وارد عليك

بعد خمس دقايق دق وليد
فيصل : هاا بشر
وليد : محمد مداوم وهذا هو معي على التلفون بس لاتسوي مشكله تورط الرجال
فيصل : اي مشكله الله يهديك الرقم لي يله عطه 055*******
وليد : يله سكر وادق عليك اذا اخذت المعلومات
فيصل : لا خلني معك
وليد : مو قايل شي هالحين لكن ان ماجيت وقلت لي كل السالفه لاتلوم الانفسك
فيصل : والله وصرت تهدد .. خويك معك على التلفون
وليد : ايه وحاطه على السبيكر علشان اذا تكلم اسمعه اللي يشوفني يقول وش هاللي مقطع عمره بالمغازل ثنتين في نفــ
(قطع كلامه لان محمد رجع يكلمه)
وليد : فيصل هالرقم مافيه اتصالات الا على رقمين الاول رقمك والثاني رقم 0555****** ومرسل منه رساله وحده
فيصل : خله يشوف لي الرقم بسم مين؟
وليد بعد ماقال لمحمد : الله يصبرني عليك عزالله طردو الرجال وبيصير يدعي علي
فيصل : ان اطردوه هو الكسبان والله لا اشغله بضعف راتبه
وليد : اجل بقول له من بكره يقدم استقالته
فيصل : لا انا اشترطت الطرد بس يستاهل ولا هي خساره فبه
وليد : ترى ماكنت اسمعك الرقم بأسم لين ابراهيم عبدالرحمن ال.....
فيصل بفرحه : وليد اذا رجعت للرياض ذكرني ان لك طلب واحد عندي مااردك فيه لو فيه موتي
وليد : اجل ماراح انام ابي افكر اشلون استثمر هالطلب

قفل فيصل من وليد وهو متأكد من براءة ليان بس معقوله ان عمه ورى هالخطه علشان ينتقم مني لاني تزوجتها غصب بس مو

معقول يسوي كذا اكيد فيه احد ورا هالموضوع رجع لغرفة جده
فيصل : وش تسوون اكيد تحشون فيني
ليان : مايحتاج انحش فيك عارفينك طالع تغازل
فيصل : اشم ريحة غيره
ابوعبدالعزيز : والله انا ماشميت شي بس احس
ليان : جدي حتى انت ضدي
ابو عبدالعزيز : وش فيها اذا غرتي زوجك ومن حقك تغارين عليه
فيصل : جدي انا بطلع اعشي هالحلوه وانت نام ارتاح ومن الصباح بنكون عندك ان شاء الله
ليان : لا انا ابي اجلس عند جدي
ابوعبدالعزيز : وجدك بينام ياعيونه وانتم رحو تعشو وارتاحو .. الا نسيت اسالك يافيصل متى حجزت؟؟
فيصل : اقرب رحله بعد يومين وحجزت عليها
ابو عبدالعزيز : زين واتصل على طلال ولد خالك وقوله جدي يسلم عليك ويطلب منك يشوفك اول مايوصل للرياض
فيصل : ابشر بس ليه
ابوعبدالعزيز : بعدين تعرف يله تيسرو بحفظ الرحمن

مسك فيصل يد ليان وسلمو على جدهم وطلعو وكل تفكير فيصل اشلون بتسامحه على اللي سواها فيها كله يمكن تسامحه عليها

الا تشبيهه لها بنات الليل والحرام والاعظم منهم هل بتغفر له حركته اللي سواها قبل مايسافرون لانه حطم ثقتها وكبريائها كأنثى

بأبشع الطرق
اول ماطلعت ليان من الغرفه سحبت يدها من يد فيصل
فيصل : ليه سحبتيها تكرهين لمستي
ليان : انتهى المشهد وطلعنا من عند جدي ماله داعي نكمل تمثيل
فيصل : واذا انا قلت اني ابي نكمله
ليان : مافيه شي فالدنيا يجبرني على اني امثل واكذب بمشاعري غير سعادة جدي
مسك يديها الثنتين واجبرها توقف مواجهه له وتناظر : ليان انا مااعرف اترجى بس لو بطلبك يكون حقيقه مو تمثيل

بتوافقين؟؟؟؟؟؟؟؟؟؟؟






نهاية الجزء الخامس

ماذا سيكون رد ليان على فيصل ؟؟؟
هل سيكتشف فيصل من قام بتوريط ليان بهذه التهمه ؟؟؟
كيف سيكون الاستقبال للجد ؟؟ وماذا يريد من طلال ؟؟
وشنو سبب رضى منال على سعود وكل هالاغراءات اللي تقدمها له؟؟


لكم مني كل الحب


اختكم معزوفه حزينه



فراغ عاطفي غير متواجد حالياً   رد مع اقتباس
قديم 12-19-2008   #8 (permalink)
عضو ألماسي
 
♣ تسجيليْ » Dec 2008
♣ عضويتيْ » 45039
♣ مشارگاتيْ » 637
♣ نقآطيْ » 792
فراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to behold
افتراضي رد: رواية ابوس راسك يا زمن ماعاد فيني للجراح رواية سعودية مشوقه كاملة

ابوس راسك يازمن ماعاد فيني للجراح

الجزء السادس


لاتزيد على ناري حطـب
خل الجمر بردان
والجرح غافي من التعب
سيب الجرح غفيان
ولاتزيد لجروحي سبب
وترجع اللي كان
ماعاد للساقي طلب
تعود يظل عطشان

لاتزيد .. يكفيني.. ابعد وخليني
وانا مني للايام ..وهي تنسيني
من دق ع بابك.. من رجعك جابك
انا مني للايام.. تعودني ع غيابك

لاتزيد على قلبي اكتفى
يكفي اللي منك صار
والنور لحظة ماانطفى
تاه بعتم مشوار
والنار لو تعطي دفا
راح تبقى هي النار
مافي غدر مع وفا
في الكون مهما صار



ليان ببرود : تحس ان المكان مناسب لمثل هذا الكلام .. وبعدين اتمنى تترك يديني اخاف توسخ نفسك بقذارتي
فيصل : معاك حق المكان مو مناسب (وترك وحده من يديها)
ليان : طيب ممكن تترك يدي وتأخذني على البيت
فيصل : لابنروح للمطعم نتعشى
ليان : بس انا ماابي اروح للمطعم ممكن تاخذني على البيت
فيصل : من عيوني اي اوامر ثانيه
ليان انرسم الحزن على وجهها ..وبصوت كله حزن : لا
فيصل حس بحزنها بس مايبي يقول شي الا لما يرحون للبيت مشى للسياره وهو ماسك يدها
ليان : نسيت تترك يدي
فيصل : سألتك اي اوامر ثانيه وقلتي لا
سكتت ليان وماحبت تجادلها بيتركها هو من نفسه انا ركب السياره لانه هو اللي يسوق
وصلو للسياره وكل تفكير فيصل هل بتسامحه ليان او لا .. فتح لها باب السياره وبعد ماركبت ركب ومشى
اما ليان كانت سرحانه بافكارها وش اللي غيره في لحظه وشنو يقصد بأنه يبي يحول التمثيل لحقيقه بعد كل هالقسوه ليه جايني الحين بعد ماقتل فيني كل شعور ... تسللت دمعه خاينه على خدها رفعت يدها بتمسحها لكن كانت يد فيصل وهو يمسح دمعتها اسرع منها
فيصل بعد مامسح دمعتها سحب يدها ورفعها لشفايفه وباسها وهو يقول: سامحيني
ماسمع منها رد غير شهقات مكتومه .. كانت منزله راسها وضاغطه بيدها على فمها تحاول تحبس شهقاتها.. بوسته ليلة دخلتها كانت بعد وعود بسعاده تغسل احزانها وماشافت من بعدها غير جروح قتلت اللي كان باقي منها .. لكن هذي اي جرح بتجر وراها
بكاها ترك فيصل حاير مايدري اشلون يهديها وهو سبب جراحها تمنى انه مات قبل لايجرح هالانسانه .. ياما انظلم من اعمامه وفي حياته ماظلم احد ولما ظلم.. ماظلم غير انسانه عاشت طول عمرها مظلومه .. وظلم نفسه لانه ضيع عليه حب ليان


~~~~~~~~~~~~~~~~~~~~

ندى : يمه والله اعقل ومااسوي اي شي غير برضاك بس لاتزعلين مني كذا
ام ماجد ماكانت زعلانه من ندى تعرف خبال بنتها ومتقبلتها بعيوبها بس اللي مضيق صدرها موضوع راكان والمسكينه ليان اللي تتعاقب على ذنب هي متأكده انها مارتكبته
ام ماجد بضيق : خلاص سامحتك
ندى وهي تبوس راس امها وشوي وتبكي: لا لسه احس انك متضايقه
ام ماجد : حسبي الله عليك من بنت حفرتي راسي من كثر ماتحبينه خلاص والله ماني زعلانه منك
ندى : طيب ليه ضايق صدرك
ام ماجد تعرف ان هالخبله ماهي تاركتها الين تعرف وهي ماتبي تقول لها : ضايقن صدري لان راكان كان خاطبك مني وقلت له اذا جاء ماجد يخطبك منه بس بعد شوفته لخبالك الظاهر انه هون
ندى بخوف: متاكده انه هون والا بس احساسك؟
ام ماجد : لا متاكده
ندى : يمه وين القبله؟
ام ماجد :القبله قدامك يمي بس لاتنسين تشهدين
ندى : زين اني مستقبله القبله عظامي ماتشيلني (وبحزن اشد) يمه ترى باقي علي من القضاء يومين صوميهن عني وفيه جالكسي بدرج الكوميدينه اللي يسار سريري لاتنسين تأكلينه قبل لاتنتهي صلاحيته وفيه علبة كولا بالفريزر طلعوها قبل لاتنفجر وتخيسه و....
ام ماجد تقاطعها : بتقصين قصة حياتك هذا بدال ماتطلبين مني السماح والرضى
ندى : توني اقولك سامحيني حلا هو كل شوي بقولها .. هاا اتشهد؟
ام ماجد : ايه تشهدي
ندى :يعني مافيه امل تقولين انك تمزحين
ام ماجد : يؤسفني اقولك انه صدز ماهوب مزح
ندى : يؤسفني !!وصدز عليك تجميعات غريبه .. ماعلينا اصلآ حتى لو ماهون ماكنت بوافق عليه
ام ماجد : وليه ياروح امك منتي موافقه؟
ندى : شافني وشعري موب مستشور
ام ماجد : وخزيااه تقولينه صادقه
ندى : اي وربي وحتى عليه رغوة صابون لا وازيدك من الشعر بيت التي شيرت اللي لابسته كان مشقوق
ام ماجد بسخريه:مالتس حق كان رحتي للكوفيره ولبستي فستان وعقب لعبتي
ندى عرفت ان امها تطنز عليها : لا عاد كوفيره ايه بس فستان لاصعب العب فيه بس لاتشيلين هم لك علي المره الجايه مايشوفني الا وانا اكشخها ابو شي(خلصت كلامها واطلقت ساقيها للريح عارفه انها لو ماهربت بتنجلد منها)

ام ماجد بتهديد : وين بتروحين مردك لي واطلعها من ظهرك

~~~~~~~~~~~~~~~~~~~~

كانت غرقانه بدموعها وحزنها وماحست انها وصلت للبيت غير لما فتح فيصل بابها
فيصل : انزلي ياقلبي وصلنا
نزلت وراحت ركض لباب البيت تمنت يكون معها مفتاح علشان ماتنتظره وتروح لغرفتها وسجادتها وتوقف بين يدين الرحمن الرحيم تشكي حزنها وهمومها
وصل فيصل للباب وعارف بنيتها وحاس فيها بس مايبي يعطيها فرصه مافيه صبر يبي يعتذر منها ويقولها اللي في قلبه مسك يدها غصب عنها وفتح الباب
دخلو وهي تحاول تسحب يدها منه بس كان اقوى منها
ليان بصوت كله حزن وبكاء يقطع القلب : ابوس يدك اتركني
فيصل : انا اللي ابوس يدك عطيني فرصه واسمعيني
ليان : ماابي اسمع شي ارحمني واللي يرحم والديك
فيصل : ليان اسمعيني اذا مو عشاني علشان تعرفين الذنب اللي سويتيه مو هذا اللي كنتي تترجيني دايم اقوله لك
ليان بصراخ: كنت .. كنت ابي اعرف بس الحين ماعاد تفرق عندي عرفت او لا
ماقدر فيصل يشوفها وهي تتعذب قدامه من ظلمه وقسوته سحبها بقوه لصدره يبي يوصلها بقلبه اللي عجز يوصله لها لسانه بس صرخة ليان وهي بحظنه عرفته انه بدال مايهديها صحى جراح بصدرها ... كانت تحاول تبعده بكل قوتها وهي تصرخ بخوف لاااااااااااااا
فيصل وهو يبعدها عن صدره بس ماترك يدها: ليان عمري اجلسي وسمعيني واوعدك ماألمسك
لما ماردت عليه اخذها وجلسه على الكنبه وسحب الطاوله وجلس عليها علشان يكون قريب منها ومقابل لها يبي يشوف تعابير وجها اذا قالها اللي عنده هل فيه امل انها تسامحه او لا
فيصل : ليان انا ماتعودت افتح قلبي لااحد وقوله شي بس انتي مو اي احد انتي زوجتي ومن حقك تعرفين .. ليان وانا طفل حاولت اكسب محبة اللي حولي وخصوصآ عمامي لكنهم عاملوني بكل قسوه وكله بسبب الورث لما كان عمري 9 سنوات رحت لبيت عمي سلطان علشان العب مع تركي لانه اقرب واحد لي بالعمر بس عمي ضربني قدام زوجته وعياله وتف في وجهي وطردني من بيته رحت لجدي وقلت له ابي اسافر عند خالي ولما سألني عن السبب رفضت اقوله لكنه رفض وانا قابلت رفضه بالاصرار حتى استسلم وسفرني لخالي ماانسى دموع جدي وامي ام ماجد وهم يودعوني كان قلبي يتقطع على فراقهم بس ماكنت ابي اجلس في مكان فيه عمامي سافرت لخالي اللي مستقر من سنين طويله في لندن عشت معاه هو وزوجته وولدهم طلال عاملوني مثل ولدهم واحيانا اشك ان خالي الله يرحمه حبني اكثر من طلال اللي كان بالنسبه لي تؤام حتى اصدقاء رفضت اكون حتى خلصت من الثانوي ودخلت الجامعه لصق فيني واحد كان عنده هدفيني في حياته الاول انه يجيب لاابوه الشهاده اللي يتمناها والثاني انه يصادقني ويخليني احبه غصب وفعلا بعد فتره وبسبب مواقفه صرنا اعز اصدقاء واخوان دنيا لو يطلب عمري ارخصته له على كل اللي حاولو يكسبون صداقتي الا اني قابلتهم بالرفض والصد وكتفيت باللي احبهم لاني متأكد اني في يوم ماراح انجرح منهم واغلقت قلبي عن اي احد غيرهم حتى اني اكون علاقات مع بنات مثل الشباب كنت ضدها وارفضها لاني ماابي احب او اتعامل غير مع اللي احبهم حتى جاء جدي واصر على زواجي منك وخيرني بين موافقتي او غضبه علي ورضخت لرغبته وتزوجتك مو كره فيك لا كره لانك بنت عمي لما شفتك ليلة الملكه بهرني جمالك بس ماغير احساسي بالكره وتوقعتك دلوعه ومغروره مما زاد من كرهي وعاملتك بقسوه بس لما شفت دموعك والحزن اللي بعيونك وخوفك وبراءتك اقسمت اني اعيشك بسعاده وامسح الحزن من عيونك طلعت من عندك وانا اتمنى اقدم عمري بس مااطلع لما سويتي لي العشاء كان لمست حنان منك دخلتك قلبي غصب وبدون استأذان رحت لبيت امي ام ماجد وانا كل تفكيري فيك قالت لي ندى وامي عن حياتك وربي لحظتها لو طلب مني اتنازل لعمي عن كل مااملك بس يحبك ويعاملك بحنان ماكان ترددت ولا لحظه لما كنتي تكلمين ندى وتبكين ماكان في بالي غير يااجي اقتلهم كلهم او اخذك اتصلت عليك بنفس الليله وقلت بجي اخذك بس انتي رفضتي واجلتيها ليوم السبت ماتدرين اشلون مر علي الوقت حتى جاء هاليوم داومت وانا لاول مره عقلي مو فــ شغلي كل تفكيري فيك ماصدقت خلصت من الشركه طرت على البيت انتظر الموعد يجي اللي بأخذك فيه جاني اتصال اغتال كل سعادتي واحلامي قالو لي عن شي انتي مسويته قمه في الحقاره والقذاره ماصدقتهم قالو هي قايله لنا بنفسها وعطوني رقم الجوال اللي مكلمتهم منه وكان نفس رقمك واللي انا متأكد انك ماعطيتيه احد اجل اشلون عرفو وقالو اذا مو مصدقنا روح شوف وش صاير فيها هي واخوها راكان
رواية ابوس راسك يا زمن ماعاد فيني للجراح رواية سعودية مشوقه كاملة
اتصلت وتأكدت من سالفة راكان جيت لك وانا ادعي ربي ان كل شي يكون كذب بس منظرك اللي شفتك فيه هو اللي اكد لي طلعت وانا ماابي اذيك باي كلمه قلت بطلقك وبس لكن قرار جدي برجعته وماتنازل عن قراره وفرح الا لما قلت بنجي رجعت لك وانا مجبر ..عاملتك بقسوه انتقم من غلطتك اللي ماتنغفر وتحطيمك لقلبي ..عشرين سنه وانا محافظ على هالقلب من اي جرح وشرع لك ابواها بيوم واحد وحطمتيه باليوم الثاني عاقبتك لاني مجبر ابقى معك ومااطلقك
ليان دموعها تنزل على خدها بصمت تبكي همومها وتبكي حزن على الطفل اليتيم اللي انظلم من اعمامه اللي المفروض يكنون اب له عشان وسخ دنيا ونعيم زايل : طيب وش هالذنب اللي قالولك اني سويته ؟؟ وشنو سبب تغيرك المفاجئ؟؟
فيصل : اللي قالوه لي مااقدر اقوله والافضل ماتعرفينه لانه بيصدمك وبيزيد همومك هموم وسبب تغيري اني تأكدت انك ماتصلت من جوالك غير علي وعلى لين
ليان بصراخ وبكى : لا ابي اعرف شنو هالذنب اللي سويته المذنب لما يتعاقب يتألم من العقاب وهو عارف انه يستحقه والمظلوم لما يتعاقب على شي ماسواه يتألم من العقاب ومن الظلم وانا مو بس تألمت انا ذقت الموت مليون مره من العقاب ومن الظلم ومن الحيره اللي حرقت قلبي ودمرة عقلي عشان اعرف وش الذنب اللي استحقيت عليه كل هالعذاب
فيصل : مو من مصلحتك تعرفين لانه بيأثر على علاقتك بناس تحبينهم وهمك ماتخسرينهم عشان لعبه حقيره انلعبت من شخص مايخاف الله .. وهذا انتي عرفتي كل شي هل ممكن تدورين لي عذر وتسامحيني وتحبيني؟؟
ليان : مسامحتك يافيصل وماكرهتك علشان احبك
فيصل ماتوقع انها بالسهوله هذي بتسامح وتغفر : يعني نفتح صفحه جديده ووعدك انــ...
ليان تقاطعه : لا لا توعدني يافيصل ماصرت اصدق اوعودك صدقني مااكرهك بالعكس احبك من برك بجدي ومن حب جدي لك ومسامحتك على اللي سويته فيني لكن لاتطلب اكثر من كذا هذا اللي اقدر عليه ..(وبصوت مخنوق بالعبره) مااقدر على اكثر من كذا استسلمت لصدرك اول مره ابكي قسوة اهلي ابكي على عمري اللي راح بدون كلمه او لمسه حنونه وماشفت منك غير الجرح وكل جرح اقوى واشد من اللي قبله واستسلمت للمره الثانيه ابي ابكي على صدرك ابكي حزني وهمومي اللي كل ماقلت بتنتهي تبدا من اول وجديد بألم غير وعذاب غير كنت ببكي خوفي اني تعلقت فيك بشكيلك منك لك ..بين نفس اليدين بنيت احلام وبين نفس اليدين تحطمت الاحلام وليتها على تحطيم الاحلام وبس انت حطمت ذاتي وكبريائي وانوثتي جيت لك يافيصل بقلب مجروح وينزف وانت قتلته بكل قسوه ومثلت فيه بأبشع صوره ماعاد عندي شي اقدمه لك انا محتاجه لك علشان ابقى قريبه من جدي محتاجه لك لانك توفر لي مكان يأويني دامني مطروده من بيت ابوي لكن ماراح امنعك من انك تعيش حياتك مع غيري مع انسانه تقدر تقدم لك اللي انا مااقدر اقدمه
خلصت كلامها وتركت فيصل بصدمته من اللي سمع وراحت لغرفتها وسجادتها ملاذها الامن
كان عارف انه جرحها بس ماتوقع انه تطلب منه يشوف حياته مع وحده غيرها اي امرأه ماتتنازل بسهوله عن حقها بأنها تكون الوحيده في حياة زوجها حتى لو كانت ماتحبه بس هي تنازلت عن حقها وبكل طيبه لانه مو بس جرحها الا قتلها وقتل كل مشاعر الانوثه اللي بداخلها

~~~~~~~~~~~~~~~~~~~~

ابوعبدالعزيز : يالله صباح خير .. وش عندك جايني بدري؟
فيصل : اشتقت لك حرام
ابو عبدالعزيز : تشتاق لك العافيه وانا بوك بس وين الغلا كله ليه ماجت معك
فيصل : ليان هي بيت القصيد ناوي اسوي مؤامره ومحتاج مساعدتك
ابو عبدالعزيز بعصبيه : وشهوو
فيصل يهديه : ياجدي اسمعني الله يهديك وبعدين عصب .. انا ابي اخذها ومشيها واخذها تشتري لها ملابس بس هي ماراح ترضى علشان تبي تجي عندك
ابوعبدالعزيز : بديت تعجبني وارضى عليك .. خلاص انا بكلمها واقولها لاتجي
فيصل : لا جدي ماراح ترضى انا بقول لها ان الدكتور رافض الزياره اليوم علشان ترتاح قبل السفر وانت ماعليك غير انك تأيد كذبتي
ابوعبدالعزيز : ماراح اسألك وش سبب هالتغير عليها دامه للاحسن لكن خلني اشوفها بنهاية اليوم لو نص ساعه مصبر عن شوفتها
فيصل : جدي ترى بديت اغار وشلون ماتصبر عن شوفتها
ابوعبدالعزيز : لا واحبها بعد (وبجديه ) واذا تحبني يافيصل لاتقسى عليه وعوضها عن سنين الحرمان اللي عاشتها
فيصل : مكانك يالغالي في القلب ولااحد بياصله وبسوي كذا بدون ماتوصيني .. والحين استأذن برجع للبيت قبل لاتصحى
ابو عبدالعزيز : بحفظ الله ورعايته


طلع فيصل من عند جده وتذكر انه مااتصل على طلال اخذ جواله واتصل عليه
طلال بجديه : نعم
فيصل : ياخوي انت حاذف الووو من قاموسك
طلال : ههههههههههههههه من كثر مايرن هالجوال ماصرت اناظر بالارقام ارد على طول
فيصل : ايه مو منك من هالمعجبات
طلال : اسكت لاتسمعك امي ثم من يفكني منها والله لتزوجني والليل ممسى وبعدين ويني وين المعجبات عساني احصل وقت انام فيه
فيصل : الا صدق متى ناوي تفك الحصار عن نفسك وتزوج
طلال : ماعندي نيه والا علشانك تهورت وتنازلت عن مبادئك تبني اسوي مثلك
فيصل : هههههههههههههههههههه ياحلوه من تهور .. المهم اسمعني رحلتنا بكره للرياض وجدي طلب مني اقولك انه يبي يشوفك قدامه اول مايوصل
طلال : كنت ناوي اجي بدون مايطلب وحتى امي مجننتني تبي تشوفك حرمك المصون
فيصل : خلاص ان شاء الله تكون بكره العصر عندي في البيت ومنها تشوف امي حرمي المصون
طلال : وانا مالي نصيب بالشوفه تعرف كنت واعد امي اشوفها انا قبل ووصفها لها عاد مايرضيك اني اكون مو قد كلمتي
فيصل : افا عليك لا اكيد مايرضيني ماودك ارسلك صورتها تمقل فيها وتوصفها لاامي
طلال : طول عمري اقولك عليك ذكي
فيصل : ايه ماعليه الوعد بكره ان الله احيانا
طلال : ماادري احسه تهديد .. المهم ماتدري ليه جدك طالبني؟
فيصل : والله مدري حتى انا محيرني هالموضوع
طلال : يالله كل شي بكره يبان


(طلال بنفس عمر فيصل كل اللي بينهم كم شهر .. طويل وعريض وجسمه رياضي فيه شبه من فيصل كثير اغلب من يشوفهم يتوقعهم اخوان .. وشخصيتهم قريبه من بعض حيل بالغموض والعناد )

~~~~~~~~~~~~~~~~~

حست بشي يلامس وجهها فتحت عيونها بصعوبه من بعد البكاء اللي بكته طول الليل.. كان على السجاده ورده حمراء مدت يدها ومسكتها مستغربه وش حطها هنا
فيصل : الواحد يحط ورده على مخدت حبيبته وانا مالقيت مكان احطها عليه غير السجاده
رجعت الورده مكانها وقامت وهي تحس جسمها مكسر من نومتها على الارض
فيصل : نفسي اعرف سر كرهك للسرير ونومك على هالسجاده
ليان وبدون ماتناظر فيه : لقيت فيها الامان اللي محتاجته .. كم الساعه ؟
فيصل : الساعه 8 الصباح ماودك تجهزين تأخرنا
ليان : عشر دقايق واكون جاهزه
فيصل : اوكي انتظرك تحت والبسي لبس مريح وشوز يساعدك على المشي
ماهتمت ليان تسأله عن السبب اخذت شور ولبست بنطلون جنز وبدي وفوقه بالطو خفيف يوصل الى تحت ركبتها ولمت شعرها ولبست حجاب يناسب لبسها ونزلت له
وقف يتأملها فيصل برغم ان لبسها عادي جدآ الا ان هالانسانه تمتلك جمال الاعمى يشوفه .. طلعو وركبو السياره وليان سرحانه بافكاره امس كان سهل تمثل قدام جدها لانها كانت خطه متفقين عليها لكن اليوم وشلون بتمثل عليه بعد اللي سمعته من فيصل .. انتبهت من سرحانه وشد انتباها ان الطريق مو نفس طريق المستشفى كان واضح انه يطلع من المدينه
ليان : وين رايح
فيصل : بما ان الدكتور رافض اليوم الزيارده لجدي يقول لازم يرتاح قبل السفر قلت اخذك تشوفين الغابات السوداء مكان سحرني ومتأكد انه بيسحرك
ليان بخوف : جدي فيه شي؟
فيصل : لا ياعمري مافيه غير العافيه ولو تبين تكلمينه علشان تتطمنين اتصلك عليه
ليان : ايه ارجوك بكلمه
فيصل وهو يطلع جواله ويتصل على جده : ليان انتي تطلبين بدون ماتترجين فاهمه
فيصل : هلا جدي فيه ناس مو مصدقيني ويبون يكلمونك
ابو عبدالعزيز : عساني ماانحرم من هالناس عطنياها
ليان بعد ماعطاها فيصل الجوال : هلا جدي .. هلا حبيبي طمني عنك
ابوعبدالعزيز بحنيه : بنعمه يابوي وفضل من رب العالمين بس الدكتور الخبل مانع الزياره يقول لازم ارتاح بس انتي لاتشغلين نفسك فيني وان كان لي غلا بقلبك انبسطي وانسي كل شي
ليان : ان شاء ياجدي وانتبه على نفسك
قفلت من جدها وهي مو حابه تروح اي مكان بس تعرف انها لو اعترضت ماراح يفيد بشي فالتزمت الصمت وهي تناظر بالمناظر اللي يمرون فيها

~~~~~~~~~~~~~~~~~~~~~

لمى بصوت فيه النوم : منال حرام عليك وبعدين وش مصحيك هالوقت ؟
منال بقهر : وش مصحيني ليه وانا نمت عشان اصحى من بعد الكلام اللي سمعته
لمى : ليه وش سمعتي؟
منال : جدي بيوصل بكره مع فيصل والعله اختك
لمى : ايه ادري وبيسكن عندهم بعد
منال : يعني انسى ان فيصل يطلقها دام هالشايب حي
لمى : اللي يسمعك يقول انه بيقعد طول العمر ياماما افهمي ماسمحو له الاطباء انه يرجع غير لما فقدو الامل في علاجه ويبغونه يعيش اخر يومين في حياته بين اهله
منال بحقد : عساه مايرجع ويموت وافتك منه هالجد اللي ماشفنا من وراه غير المصايب
رنيم اللي سمعت اخر جمله قالتها منال : عسى ربي يفكنا منك وياخذ عمرك ياحيوانه هذا وهو جدك اللي ماشفتي منه غير كل خير تدعين عليها كذا اجل لو عدوك وش بتسووين
منال بعصبيه : من سمحلك ياغبيه تدخلين غرفتي وبدون استأذان ؟
رنيم : فعلآ اني غبيه كنت بعاملك كأخت واطلب منك تفطرين معي لكن اهون علي افطر مع ابليس ولا افطر معك
خلصت كلامها وطلعت من عندها وهي قلبها محروق من دعاء منال على جدها المريض
لمى بخوف : ليكون سمعت شي من كلامنا عن ليان وفيصل؟
منال : بلعنتها تسمع اللي تسمعه ماتهمني هالغبيه .. المهم بمرك اليوم بعد المغرب نطلع للسوق بشتري ملابس استقبل فيها جد الهم دامه بيسكن عند فيصل يمكن اقدر اشوفه

~~~~~~~~~~~~~~~~~~~~~~~


وصلو لبلده قديمه في منطقة الغابات السوداء بعد مشوار اكثر من نص ساعه بالسياره .. نزل عند مقهى وطلب لنفسه قهوه وفطيره وطلب لليان فطور وعصير اللي كانت رافضه انها تأكل .. بس بعد ماوصل الفطور استغربت ان لها شهيه للاكل يمكن عشان الطبيعه الساحره والهواء البارد والنقي
بعد ماخلصو فطور اخذها فيصل يفرجها على اجمل مناظر .. نست ليان كل شي مع هالطبيعه الخلابه بجبالها وسهولها وجداول الماء اللي بكل مكان واشجار الصنوبر الشامخه كانت تحس انها اليس في بلاد العجائب .. حاول فيها فيصل انها تركب التلفريك بس هي رفضت وهو احترم خوفها وماحب يجبرها
بعد ماتغدو رجعو لــ فرايبورغ واخذها على محالات الملابس والماركات العالميه
ليان : ليه جيت للسوق ؟؟
فيصل : علشان تشترين ملابس والا عندك مانع؟
ليان : ايه عندي مانع لاني ماابي
فيصل : اسف اعتراضك مرفوض سكت على التلفريك بس على انك تشترين ملابس لا بتشترين بالطيب والا بالغصب
سكتت ليان ماتبي تناقش بتدخل معه للمحالات صح لكن ماراح يجبرها تشتري
دخلو محل من افخم المحالات ولما استقبلتهم البائعه تكلم فيصل معها بالالماني
كانت ليان مثل الاطرش بالزفه ماهي فاهمه من كلامهم شي ومو بس كلامهم اللي مو فاهمته احساسها بالغيره من فيصل واللي يكلمها وهي شاقه له الابتسامه وتأكله بعيونها
بعد ماخلص كلامه معها ناظرت فيها الموظفه فتره وبعدها دخلت داخل
ليان بسخريه : شكلي ماعجبتها؟
فيصل : مااظن فيه مخلوق يشوفك ومايعجب فيك هذا اذا ماانجن عليك
ليان : مافيني زود عن غيري هذا اذا ماكنت اقل منهم وماابي احد يعجب فيني ولا ينجن علي
فيصل : ليان انتي ليه ماعندك ثقه بنفسك انتي مو بس جميله انتي ملكة جمال وعندك قلب قليل ينوجد عند غيرك
ليان : اذا ماعندي ثقه في نفسي فالبركه فيك لانك احد الاسباب
قبل مايرد فيصل عليها جت الموظفه وطلبت من ليان تجي معها
راحت معها ليان ودخلتها بغرفة تبديل ملابسه وصارت كل شوي تعطيها لبس تجربه لدرجة ان ليان حست انها خلتها تجرب كل قطعه في المحل من ملابس وجزم (عزكم الله) واكسسوارات .. مرت ساعتين وهي على الحاله هذي فشلت كل محاولاتها انها تفهم الموظفه كلامها سالتها اذا تعرف انقلش لكن الموظفه هزت راسها (بكذب) يعني لا لانها كانت تنفذ كلام فيصل لها .. بعدها بمده رحمتها وعطتها ملابسها اللي جت فيها وطلعت تتركها تلبس
خلصت ليان لبس وطلعت لقت فيصل يحاسب وثلاث موظفات يجهزن جيش من الاكياس
ليان بعصبيه : وش تحاسب عليه ماراح اشتري ولا شي
فيصل بهدوء : مو بكيفك شرينا وخلصنا
ليان : يكون في معلومك مو انا اللي تنشري مشاعري بملابس او فلوس
فيصل بعصبيه: مو انا اللي اشتري مشاعر احد او حبه لي بفلوس لو بشتري حب احد كان شريت حب عمامي كل الموضوع انك زوجتي ومن اقل حقوقك اللي انا سويته لك ..احب زوجتي تعيش بنفس مستواي مو تلبس ملابس اختها (عرف انها جرحها بكلمته الاخيره لكن حتى هي جرحته لما ظنت انه يبي يشتري مشاعرها وحبها ) طلع جواله واتصل على السواق وصف له المحل وطلب انه يجي يأخذ الاكياس ويشتري شنطتين علشان تنحط فيها الاغراض وياخذهم للبيت
ناظر في ليان وشاف دموعها على خدها
فيصل وهو ياخذها برا المحل : ليان ادري اني جرحتك بكلامي بس هم انتي جرحتيني بكلمتك
ليان : اسفه
فيصل ببتسامه : يابعد عمري هو الاعتذار دايم جاهز عندك حتى لو ماغلطتي
ليان بحزن : مااحب اجرح احد
فيصل : وياكثر ماجرحتك .. المهم ياعمري عندي لك خبر بيفرحك بس بشرط تمسحين هالدمعه وتبتسمين
ليان : مافيه شي بيفرحني
فيصل : حتى لو قلت لك هالخبر اللي بيفرحك يخص جدي
ليان بفرحه : سمح الدكتور ازوره؟
فيصل : ايه ياعيون فيصل سمح بس مو الحين يقول قبل ماينام والحين تعالي بنروح لمكان يعجبك
اخذها فيصل للمدينه القديمه في فرايبورغ وكان لازم يتمشون على ارجلهم لانها ممنوع فيها السيارات بسبب شوارعها الضيقه وقنوات الماء اللي تتخلل المدينه
فيصل وهو يمشي عند وحده من قنوات الماء : اذا صدق متنازله عني وسامحه اني اتزوج غيرك ارميني فــ الماء
ليان : ليه ماتروح تتزوج بدون ماارميك؟
فيصل : لانهم يقولون ان اي شخص سوا بنت او ولد يسقط في قنوات الماء هذي يكون مصيره او مصيرها الزواج من سكان فرايبورغ الاصليين
ليان ببتسامه وعدم تصديق : والله
فيصل مسوي نفسه معصب : وش فيك متشققه من الفرحه لتكونين ناويه ترمين نفسك على بالك بتزوجين من واحد منهم
ليان : ههههههههههههههههههههههههههههههههههههههههه لا مو قصدي
فيصل بحنيه : دوم هالضحكه ياروحي

انهو يومهم بزيارة الجد وبعدها راحو للبيت يرتاحون ويستعدون للرجعه بكره

~~~~~~~~~~~~~~~~~~~~~

اليوم الثاني العصر


اول ماهبطت الطياره في مطار الملك خالد الدولي فكت ليان يدها من يد فيصل بعد مااجبرها الخوف انها تتمسك فيها لان جدها اعطاه الممرض ابره تريحه وتنومه طول الرحله .. قامت فيصل وساعد الممرض انهم يحطون جدها على المقعد المتحرك ويطلعونها من الطياره
كانت تتوقع ليان ان الكل بيكون في استقبال جدها بس اللي صدمها ان مااستقبلهم غير شخص ماتعرفه يشبه لــ فيصل كثير وترحيب جدها فيه رغم تعبه الا انه كان سلام حار يدل على حب جدها للانسان هذا وحبه له

وصلو البيتهم اللي كانت في عمته نوره وندى وحرمه كبيره اخذتها بحظنها بكل حنيه وهي تذكر الله عرفت بعدين انها ام طلال اللي قالها عنه فيصل واللي استقبلهم في المطار

ام ماجد بخجل وهي مصدومه من ان مافيه احد من خوانها جاء: يبه ترى اخواني كانو بيجون بس انا رفضت قلت يرتاح اليوم وبكره نزوره بس انا خنتهم وجيت
ابو عبدالعزيز : الى الان تدافعين عنهم يانوره .. وبعدين ماله داعي الكذب انا اللي طلبت من فيصل مايقولهم وقت الرحله لاني ماابي اشوفهم اليوم
ندى تحاول تطلعهم من جوهم : الا جدي ماقلت لي الممرض الطخمه اللي معك مسلم او لا
ابوعبدالعزيز : لا مهو مسلم ليه ؟
ندى : يعني اقول اتزوجه كود ربي يفتح على بصيرته ويسلم واكون كسبت اجره
ابو عبدالعزيز : ياخوفي ينهبل مو يسلم ومن شفحتك على العرس رضيتي بهالبرص
ندى : الشكوى لله ياجدي العوض ولا القطيعه
ابو عبدالعزيز : الله يخلف على مويمتك والا انتي منتهيه مافيك طب (وهو ينظر بفيصل ) فيصل دخلني غرفتي وخل طلال يجيني وماابي احد يزعجنا
فيصل : حتى انا ؟
ابوعبدالعزيز : ايه حتى انت

جلس فيصل على اعصابه يبي يعرف وش هالسر اللي مخبيه جده علي ومايبي يقوله غير لطلال
فيصل بعد ماشاف طلال طالع من عند جده : هاا بشر وش يبي فيك
طلال : ابد يسالني عن اخباري بس
فيصل : لا صدقتك اقولك اخلص وقول وش عند جدي
طلال : فيصل لا تطلب مني شي لو انطلب منك ماسويته
استسلم فيصل لانه يعرف طلال مثل مايعرف نفسه انه مستحيل يقول ومصير الايام تخليه يعرف كافي عليه هم الحين ان اعمامه بيقتحمون بيته بحجت انهم يشفون جده من غير ليان اللي الى الان مايدري اشلون يكفر عن ذنبه تجاها




نهاية الجزء السادس


هل سيغير وجود الجد علاقة ليان بفيصل؟؟ وماهي اول الاشياء التى ستتنازل عنها مقابل سعادة جدها؟؟؟
وجود الجد في بيت فيصل هل سيخدم خطط منال الشريره ام سيوقفها عند حدها؟؟
استطاعت ليان ان تخترق حصون واسوار قلب فيصل لكن من هي التي سوف تقتحم قلب طلال ؟؟



اختكم معزوفه حزينه



فراغ عاطفي غير متواجد حالياً   رد مع اقتباس
قديم 12-19-2008   #9 (permalink)
عضو ألماسي
 
♣ تسجيليْ » Dec 2008
♣ عضويتيْ » 45039
♣ مشارگاتيْ » 637
♣ نقآطيْ » 792
فراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to behold
افتراضي رد: رواية ابوس راسك يا زمن ماعاد فيني للجراح رواية سعودية مشوقه كاملة

ابوس راسك يازمن ماعاد فيني للجراح

الجـــــــــــزء السابــــــــــــــــــــــع


أيظن اني لعبت بيديه .. ؟
انا لا أفكر في الرجوع اليه ..
اليوم عاد .. كأن شيئا لم يكن .. !
و براءة الاطفال في عينيه ..
لـ يقول لي .. اني رفيقة دربه ..
و بـ انني الحب الوحيد لديه .. !

حمل الزهور الي .. كيف ارده .. ؟
وصباي مرسوم .. على شفتيه ..
ما عدت أذكر و الحرائق في دمي ..
كيف التجأت انا الى زنديه ..
خبأت.. راسي عنده ..
وكأنني طفل اعادوه الى أبويه ..

حتى فساتيني التي اهملتها .. فرحت به .. رقصت على قدميه ..
سامحته .. و سالت عن اخباره .. و بكيت ساعات على كتفيه ..
و بدون ان ادري تركت له يدي .. لتنام كـ العصفور بين يديه ..
و نسيت حقدي كله في لحظة .. من قال اني قد حقدت عليه .. ؟
كم قلت اني غير عائدة له .. و رجعت .. ما احلى الرجوع اليه ..


لين بصراخ : طالعه يعني طالعه ولا احد بيمنعني عن زيارة جدي
ام راكان بعصبيه : لو يبي زيارتنا كان خلى زوج العله يكلمنا
لين بقهر : عله ؟؟ عله هذا قدرها عندك ياليتك تسمعين دعاها لك وكلامها عنك
ام راكان : ماابي دعاها تفكني من شرها وبس واذا تبين تروحين هذا الباب باللي مايحفظك
لين : الكلام في هالبيت ضايع انا طالعه
طلعت وركبت السياره
لين : جميل اطلع على بيت فيصل
جميل (السواق) : مين بابا فيصل انا مافيه معلوم
لين : يعني انا اللي فيه معلوم
طلعت جوالها واتصلت على ليان لانها ماتعرف وين البيت وتبيها توصفه لها لكن ليان ماردت دقت مره

ثانيه ومافيه رد تذكرت ان اخر مره كلمتها فيها ليان كان من رقم البيت طلعت الرقم واتصلت
.......الووو
لين : هلا فيصل لو سمحت عطني ليان ابيها توصف لي مكان البيت
....: اسف مقدر
لين بعصبيه : وليش ان شاء الله ماتقدر جدي حرمتنا من استقباله بعد ناوي تحرمني من اختي
طلال : والله ومن الاخلاق .. لاني طلال مو فيصل مااقدر انادي لك اختك
لين عصبته منه من هو علشان ينتقد اخلاقها : والله من قلة الادب ان ترد على تلفون مو لك
طلال : والله من قلة الحياء انك ترادين بالكلام مع رجل ماتعرفينه (وبعصبيه تخوف) عطيني سواقك
لين كانت عارفه ان تصرفها غلط لكن هالحقير زود قهرها قهر وقمة القهر انها محتاجه تخليه يوصف

لها البيت مو ناقصه ان ترجع بدون ماتشوف جدها وانواع الشماته من امها ولمى .. رمت الجوال

بعصبيه على السواق
قال طلال وصف البيت للسواق وقفل اول مره تستفزه بنت تمنى انها قدامه علشان يعلمها الادب من

اول وجديد
اما لين نزلت دموعها من القهر من تصرف اهلها ومن كلام امها عن ليان الكل ينظر للين انها البنت

القويه اللي محد يقدر يأثر فيها وهي اللي زادة هالاعتقاد عندهم لانها ماتحب تبين ضعفها قدام احد واذا

اختلت بنفسها تستسلم لدموعها من ابسط موقف يمر فيها
وصلت للبيت واول مانزلت من السياره راحت للحديقه علشان تمسح دموعها وتعدل مكياجها قبل لا احد

يشوفها لانها ماتقدر تسوي كذا بالسياره قدام السواق مسحت دموعها وعدلت مكياجها وهي غافله عن

العيون اللي تراقبها ... تغطت واول ماتحركت متجهه للبيت
طلال بسخريه : ماالومك على البكاء لو انا منك وامتلك هالاخلاق كان اقلها قتلت عمري
تصنمت لين بمكانها من كلامه ومن صدمة ان هالحقير اللي كرهت بدون ماتشوفه هو اللي شاف دموعها

من بين كل الناس .. ومن بين اسنانها وبدون ماتلتفت له : حقيرررررررررر
طلال بعصبيه : الظاهر انك ماتربيتي وانا ماعندي مانع اربيك من اول وجديد
كملت لين طريقها للبيت وهي تتمنى لو ترجع وتقطعه بأسنانها
اول مادخلت للصاله ماكان موجود فيها غير عمتها وحرمه كبيره
لين : السلام عليكم (وراحت تسلم على عمتها)
ام ماجد : هلا والله بنتي هاا يمي بشري جاء ابوك معك
لين بأحراج : لا والله ياعمتي لان انا من عرفت من ليان جيت على طول بدون مااقول لااحد
ام ماجد عارفه ان لين تكذب واكيد ماجت غير بعد حرب معهم : انتي نوارتهم وتسدين عنهم
ابتسمت لعمتها وقربت من الحرمه الكبيره تسلم عليها
لين : هلا خالتي شلونك
ام طلال : هلابك يمي الحمدلله بخير
ام ماجد : هذي خالتك ام طلال مرة خال فيصل توها واصله من السفر
لين حافظت على ابتسامتها برغم صدمتها لكن وش ذنب هالانسانه الطيبه اذا كان ولدها احقر من عرفت
لين : الحمدلله على السلامه نورت الرياض بقدومك
ام طلال : منوره بأهلها يالغاليه
لين : عمتي وين جدي وليان؟؟
ام ماجد : جدك عطاه الممرض ادويته ونام وليان مع زوجها فوق .. اجلسي يمي وانا بقوم ادور

على قطوة المطابخ
لين : هههههههههههههههههههههههههه هي الى الان مهمتها غزو اي مطبخ ماتعرفه
ندى وهي جايه من جهة المطبخ وبيدها صحن فطاير وعصير: والله اني عارفه من قامت اذني تصفر

ان فيه احد يحش فيني
لين : تعالي سلمي ولايكبر راسك على بالك مهمه ترى ندور عليك بس علشان نتطمن انك منتي

مسويه مصيبه جديده
ام ماجد : انا اضم صوتي لصوت لين
ندى : ونعم الام .. انا ادري محد يحبني غير كناري الحب اللي فوق بروح لهم احسن من مقابلتكم
ام ماجد بتهديد : اقضبي ارضك وياويلك لو اشوفكم طالعه لهم
ندى : صار لهم نص ساعه فوق يمديهم شبعو مغازل
لين : ايه ندو روحي ناديها وربي مشتاقه لها
ام ماجد : لا يعني لا
ام طلال :ام ماجد معها حق خلوهم براحتهم متى ماحبو ينزلون

~~~~~~~~~~~~~~~~~~~~

في غرفة ليان

ليان برجاء : مااقدر اللي تطلبه صعب اسويه
فيصل : ادري انه صعب عليك وصار لي ساعه اقولك تحملي علشان جدي
ليان : ماراح يدري جدي وين انام فيه
فيصل : لا بيدري واذا كل هذا كره لي اوعدك ماالمس منك شعره برغم انك زوجتي ومن حقي
ليان : مالك عندي غير الطاعه والاحترام واني احافظ على بيتك وسمعتك غير كذا مالك حقوق عندي
فيصل بعصبيه : لا لي حقوقي كزوج وانا تنازلت عنها علشانك وانتي مو قادره تنازلين عن شي بسيط

علشان جدي
ليان بأحباط : خلاص انـ .. انام بغرفتي
فيصل : وليه انام بغرفتك وجناحنا موجود على بالك بتمشي على جدي
ليان والدموع بعيونها : اشلون تبيني ادخل مكان شاهدت عند بابه موتي
فيصل بحنيه : عسى يومي قبل يومك (وبرجاء ) ليان ادري اني جرحتك وعذبتك لكن كانت لي

مبرراتي انسي واوعدك..
فتحت فمها تبي تعترض الا وعودها ماعاد تقدر تصدقها لكن كانت يد فيصل اسرع وهو يحطها على

فمها علشان يمنعها تقول شي
فيصل : اشششششش واسمعيني ادري انك ماصرتي تصدقين اوعودي لكن اوعدك ياليان ويشهد علي

ربي لو عطيتيني فرصه نبداء من جديد لا انسيك كل القسوه اللي شفتيها بحياتك وماتشوفين مني غير

كل حب واحترام ولو ادفع عمري مقابل انك تكونين سعيده ماراح اتردد لحظه وحده
ليان وهي تشيل يده عن فمها وتبعد عنه : انا راح اخذ ملابسي على الجناح وراح انام فيه وبس

.. وياليت تفهم وبس وتتقيد فيها
فيصل : مالك الا اللي يرضيك تعالي ننزل تحت نجلس معهم ودارين راح تأخذ ملابسك وترتبها لك في

الجناح
خلص كلامه ومد يده لها بس هي تجاهلتها وطلعت من الغرفه .. اول مانزلت من الدرج كان فيصل

بجنبها ومسك يدها غصب حاولت تسحبها بس غيرت رايها لما شافت العيون تراقبهم
ندى : واعذاب قلبك ياندوش يمه زوجيني والا اقتليني مااقدر اتحمل اشوف هالمشاهد الرومانسيه
ام ماجد : لا يمي اقتلك
ندى : هو انتي الخير مامن خير وبالشر اسرع منك مافيه
ام ماجد : صدق انك ماتستحين انا مامن خير
ندى وهي تبوس راس امها : سامحيني يالغلا بس قلبي مايتحمل يشوف هالمشاهد
ام ماجد وهي تغمز لفيصل : فيصل يمي بنتي ماتحمل هالمواقف خفو عليها شوي
فيصل فهم من غمزة امه وعرف انه تبيه يشب على ندى : خلاص يالغلا هذا انا فكيت يدها ..(

وقبل لايترك يدها سحبها وطبع بوسه على خدها بسرعه) ليان انصدمت من الحركه وحمر وجهها وتمنت

تنشق الارض وتبلعها
ندى بصراخ : لا انا احتج يمه لحقي علي (وحطت يدها على قلبها ) قلبي قلبي .. واغمى عليها
ام ماجد : قديمه جربي غيرها .. لين يمي ارفسيها والا كبي عليها العصير كود تصحي
لين ماردت من الاحراج بعد الموقف اللي صار قدامها
اما فيصل حاول يخفي احراجها لانه ماانتبه انها موجوده الا بعد كلام امه تركهم وطلع عن طلال وهو

يفكر اشلون عرفت البيت ومن جابها
طلال : نحن هنا اللي اخذ عقلك يتهنابه
فيصل بشرود : لا اخذ عقلي ولا شي بس افكر اشلون بنت عمي دلت طريق البيت وليه جت ومن

جابها
طلال : اللي وصفلها البيت انا وجت مع سواقها وليه جت عاد مدري بس الظاهر علشان تشوف جدها

واختها
فيصل بصدمه : وانت وش عرفك واشلون وصفت لها البيت
طلال : اتصلت على البيت وانا رديت وهي على بالها ان اللي رد هو انت فاوصفت لها البيت
فيصل تذكر التهمه اللي نسبوها لليان ورقم الجوال اللي ماتعرفه غير لين معقوله هي اللي وراء هذا كله

.. اكيد هي من بيكون غيرها وملابسها اللي عطتها لليان علشان تغطي فعلتها ومحد يشك فيها ..

وهي الوحيده اللي تكلم ليان اكيد علشان تعرف منها كل شي يصير بينا بس وش هدفها من وراى هذا

كله .. معقوله تكون فيه وحده بالحقاره هذي وتتهم اختها واخوها بتهمه مثل هذي
طلال : فيصل وش فيك وين سرحت
فيصل : ماادري ياطلال بس هالانسانه ان مو مرتاح لها ولولا ليان والا كان طردتها من بيتي
طلال : ول كل هذا ليه اكيد فيه سبب
فيصل : جتني مكالمه كانت بتدمر زواجي بس اكتشفت ان كل الكلام اللي وصلني كذب وعندي احساس

ان كل هذا من وراى راس هالانسانه
طلال (يعني ماكذبت لما قلت عليها ماتربت): فيصل ممكن تقول لي كل السالفه
فيصل : مو مهم اقولك السالفه المهم ان هالانسانه مو مرتاح لها واحس انها ممكن تجيب لي مصيبه

جديده لكن ماني عارف اشلون ابعدها
طلال : وليه كل هالخوف على هالزواج اللي كان مفروض عليك وماتبيه
فيصل : صح كان مفروض علي وكنت كارها بس بعد ماشفتها وشفت طيبتها اكذب عليك لو ماقلت

حبيتها بس بعد المكالمه قلبت عليها وعاملتها بقسوه ووحشيه ولما اكتشفت ان كل شي كذب حاولت

اصلح غلطتي بس بعد فوات الاوان جتني بقابا انسانه انهكها القسوه والظلم اللي شافته في بيت اهلها

كله لانها حبيبة جدها وانا كنت السياف اللي انهى بداخلها كل شي
طلال : ماتخيلت انك في يوم ممكن تحب
فيصل : ولا انا واتوقع الا متأكد مستحيل احب غيرها واتمنى بس فرصه اعوضها عن اللي شافته مني

ومن اهلها لو كان الثمن عمري وحتى لو ماحبتني
سكتو وكل واحد سارح بافكاره .. فيصل يفكر اشلون ممكن يعوض ليان عن اللي شافته وهل بتعطيه

فرصه او لا
اما طلال كان كل تفكيره اشلون يبعد هالانسانه عن اخوه وتؤام روحه قبل لاتدمر علاقته بزوجته وتنتزع

الفرحه من قلب فيصل اللي اغلقه سنين عن كل الناس لدرجة انه ماتوقع ولا تخيل في يوم ان فيصل

ممكن يفتح قلبه من جديد ويحب

~~~~~~~~~~~~~~~~~~~~~~~~~~

منال بقهر : ابي اروح اليوم يعني ابي اروح
لمى : اشلون تروحين ومااحد راح له وبعدين اشلون بتدلين بيته
منال : مو تقولين ان العله لين راحت اجل اتصلي عليها وخذي الوصف
لمى : وعلى بالك بترد علي حاولت امي قبل شوي تتصل عليها وماردت ارسلت لها رساله تقول لها

ان عند جدي وراجعه بعد العشاء
منال : يعني شلون؟؟
لمى : يعني اجلسي الى بكره ونروح كلنا اليوم لاتحلمين بالروحه وبعدين الحين المغرب والناس توهم

جايين من سفر يعني صعبه نروح الحين
منال : وليه ماقلتي هالكلام للين لما راحت
لمى : قلته بس ماسمعت لي وبعدين لاتنسين ان كل اللي هناك يحبونها ويرحبون بزيارتها في اي وقت

سوا جدي او عمتي وبنتها وليان اللي ماتحب في الدنيا كثرها مو انتي مافيهم احد يحبك
منال بعصبيه : الله لايحبهم ماهموني حبوني او لا اهم ماعلي ان فيصل يحبني
لمى : منال انتي تكذبين الكذبه وتصدقينها متى فيصل حبك والا درى عن هوا دارك مستعده احلف انه

مايعرف ان عند عمه بنت اسمها منال
انقهرت منال من كلام لمى وسكرت التلفون بدون ماترد عليها


~~~~~~~~~~~~~~~~~~~~~~~~~

ندى : شوفو ترى خيرتكم بين امرين ياتزوجوني ياسويت اعلان في كل وسائل الاعلام المسموعه

والمرئيه والمقرواءه ندى بنت صالح بن محمد ال ... تبحث عن زوج
ام ماجد : والاسم الرباعي بعد
ليان : بتقدم على وظيفه مو طلب زوج
لين : يالله لك الحمد ان اسمها مو نفس اسم عايلتنا والا كان انفضحنا
ندى : وليه عمري ماكملة لكم صيغة الاعلان فـ على الراغب في الزواج التقدم لوالدتها المدعوه نوره

عبدالرحمن ال....
ام ماجد : وبنفس الجريده بيكتبون قد قامت المدعوه بقتل ابنتها قليلة الحياء الفاهره اللي ماتستحي
ام طلال : اقولك ارضي بطلال وتفتكين من العنوسه بس انتي راسك يابس
ندى :آآآآآآآآهــ ياخالتي القهر انه بالنسبه لي مثل فيصل والا كان ماوفرته ومن زمان معرستن عليه

وبدون شورك
ام طلال : اجل يمي مالك الا الصبر
لين : الصبر والله محتاجته عمتي قبل لاتذبحها هالبنت
ندى : ايه ماجربتو معاناة العنوسه والا ماكان هذا كلامكم
ليان : حسبي الله عليك اي عنوسه وانتي عمرك 20
ندى : انتي بالذات لااسمع صوتك اصغر مني ومتزوجه آآآآآآآآآآآهــ يالقهررر
ام ماجد : بقوم اشوف ابوي قبل لا اذبحها
ام طلال : وانا قايمه اشوف وين طلال
ام ماجد : زين اجل انتي يالين وليان اذبحوها دام مافيه شهود وانا بسوي نفسي مدري عن شي
ندى بعد ماراحت امها : ياربي اللي يشوفني يقول مرت زوجها مو بنتها
ام ماجد بصراخ : سمعتك
ندى بصوت واطي : مشاء الله عليها رادار
لين : يله انا لازم اروح وبجي ان شاء الله بكره مع اهلي
ليان : لا خليك عندنا الليله
ندى : لاتسمعين كلامها بتنام بحظن فيصل وتسحب على ام جابتك
ليان : صدق انك وقحه
لين : ليه صار الصدق وقاحه عندك
ليان بعصبيه : لين حتى انتي؟؟
لين : لاياعمري بس قومي شوفيلي الطريق لازم امشي
قامت معها ليان وراحت اخذت عبايتها ولبستها وقبل لاتطلع مسكت ليان
لين : ليان ليه هالحزن الى الان فيصل يعاملك بقسوه
ليان بصدق : لا بالعكس تغير
لين : اجل ليه هالذبول وهالحزن
ليان : اخاف اسلمه قلبي ويرجع يقسى علي من جديد
لين : ليان انا صدق ماادري شنو اللي بينكم لكن ماتعودتك تكونين قاسيه وماتغفرين حتى لو ماله عذر

بقسوته
قطع عليهم كلامهم صوت مسج جوال ليان
فتحتها وقرتها وانرسم الحزن على وجهها حبته من اول ليله شافته فيه بس هو قتل هالحب وزرع مكانه

خوف وجراح من الصعب تندمل
لين لما شافت وجه اختها تغير : من مين المسج؟؟
ليان بحزن : من فيصل
لين : ممكن اشوفها؟؟
ماردت ليان ومدت لها الجوال محتاجه احد ينصحها ويوجها صحيح تتمنى اللي يقوم بكذا امها بس للاسف

ان امها ماتبي تسمع حتى صوتها وماتقدر تقول لعمتها وندى شي تخاف يوصل الكلام لجدها وهي مؤامنه

ان عقل لين كبير ودايم يكون تفكيرها وقراراتها صحيحه ومتأكده انها تحبها من كل قلبها وتتمنى لها كل

خير
اخذت لين الجوال وقرت رسالة فيصل

ساااااااااري ، وأصوت لك أبيــك
النظرة في عيوني تبيك
والرعشة في قلبي تبيك

شعوري ذا الليلة غريب
كيف الحبيب يشكي حبيب
أنا ملكتك وأنا فقدتك
آه ليتني لما عرفتك ما تركتك !

لما عيوني عانقوك
في غمضة وحدة ضيعوك
أسأل زماني و المكان
واجمع سواليف الحنان

قلبي وليلي به سرى
واللي جرى لي ما جرى
أمشي وأدور في الوجوه
تايه عيونك توّهوه
ادري ان خطاي كبير بس متاكد ان قلبك اكبر
سامحيني ياغلاي

لين بعد مارجعت لها الجوال : ليان ان بنصحك وسامحيني لو كلامي جرحك ماراح ازيف الحقايق

عشان ارضيك فيصل محتاج حبك وبس لكن انتي محتاجه حبه ووجوده شي مهم في حياتك لانه هو كل

اللي باقيلك لا ابوي يبيك مو عيب فيك بس لان طول عمره ماهمه غير الفلوس واكيد مازوجك بسرعه

وسكات الا لانه قبض ثمن بيعتك وعتبرك صفقه اخذ ارباحها وانتهت من حياته وامي ماشفتي منها الحنان

بصغرك فلا تطمحين تشوفينه الحين وانا وراكان مصير كل واحد فينا يتزوج ويعيش حياته يعني ماباقيلك

غير فيصل ضحى بالدنيا كلها الا هو تمسكي فيها بكل قوتك وسامحيه وحتى لو اخطى دوريله العذر

طلعت لين وتركت اختها وهي عارفه انها جرحتها لكن لو ماتبي مصلحتها ماكان قست عليها

فيصل : انتي الحين ليه راسك يابس
ام طلال : لا يابس ولا شي بس قلت لك مقدر انام هنا اغراضي كلها بالفندق يعني لازم ارجع

وبكره بيجون كل عمامك واهلهم فـ ان شاء الله اجي بعدي بكره وبقعد على قلبك الين ماطلال يجهز

البيت
فيصل : يعني هذا اخر قرار عندك مافيه امل تغيرين رايك
طلال : فيصل امي معها حق ان شاء بعد بكره نجيكم ونسكن عندكم كم يوم الين مايجهز البيت
فيصل : على راحتكم بس ان ماجيتم بعد بكره ان يصير شي مايرضيكم
طلال : يمه ماتحسين انه يهدد
ام طلال : انت قول ايه وبس


في الصاله

ندى : وش عنده جدي اليوم فالها وماغير يشاخر
ام ماجد : حسبي الله على بليسك من بنت اللي حتى جدك المريض ماسلم منك
ندى : وانا صادقه من جاء قعد ساعه وبعدها نام
ام ماجد : الممرض الطخمه الكافر اللي تبين تعرسين عليها علشان يسلم على قولتك عاطيه منوم يقول

لازم ينام لان السفر تعبه عسى فهمتي والا اجيب صبوره اشرحلتس
ندى : وهـ وبس ياملحه لا دام الطخمه بالسالفه اكيد فهمت
ام ماجد : ليان يمي وش فيك؟؟
ليان كانت سرحانه بعالم ثاني والحزن مرسوم على وجهها كانت تتمنى تنفرد بنفسها وتبكي الحزن اللي

بداخلها صحيح انها كانت عارفه انها ماتعني شي لا ابوها وامها بس دايم تكذب هالشي بينها وبين نفسها

تكذب هالاحساس وتنكر هالحقيقه لكن كلام لين مثل الصفعه اللي صحتها واكدت لها الحقيقه اللي تنكرها
ام ماجد : ليااااااااان
ليان فزة : هلا عمتي
ام ماجد : وش فيك ضايق صدرك وسرحانه
فيصل : سرحانه اكيد فيني بس ليه ضايق صدرها مدري اكيد العله بنتك مزعلتها
ندى : ايه عشاني ماتزوجت صرت لكم الحيطه الهبيطه الكل يرمي بلاه علي
فيصل : مافيه عرس الين تقولين وش مزعل ليان
ندى : تحمد ربها ليان على النعم اللي هي فيها مو انا اللي مثل البيت الواقف
كانت كلمة ندى مثل القشه اللي كسرت ظهره البعير كانت سبب في ان كل الدموع اللي ليان تقاوم بكل

قوتها ماتنزل تتفجر من عيونها مثل سيل جارف ماتحملت تكون قدامهم بالضعف هذا قامت وهي تركض

لغرفتها
فيصل بتهديد بعد ماراحت ليان : ندى قولي شفيها ليان قايله لها شي
ام ماجد : والله ثم والله ان ماقلتي وش فيها لا اذبحتس
ندى : وربي ماقلت لها شي كنا نضحك وقامت توصل اختها وطولت معها ورجعت وهي على هالحاله

وربي ماقلت لها شي
تركهم فيصل وطلع فوق بسرعه وهو يتمنى لو لين قدامه علشان يقتلها ويشرب من دمها دخل الجناح

وماحصلها وراح لغرفتها قرب من الباب وهو يسمع صوت شهقاتها المكتومه.. اخذ نفس وفتح الباب

ودخل
كانت ليان راميه نفسها على السرير ودافنه وجهها في المخده وتبكي بكاء يقطع القلب .. قرب منها

فيصل وجلس على طرف السرير
فيصل : ليان ليه هالبكاء وش اللي صاير
ليان : ...........
فيصل : عمري لاتقطعين قلبي بصياحك وقولي وش فيك
ليان : ..............
فيصل وهو يمسكها يجلسها علشان تواجهه : بتقولين وش فيك او اقسم بالله لا اروح ارتكب فيها

جريمه ماعندي استعداد اخسرك
ليان توقعت انه يقصد ندى وخافت انه يروح يقولها شي يزعلها (وبصوت كله بكاء): وربي ماسوت

لي شي ومو زعلانه منها
فيصل : اجل ليه تبكين
ليان : مافيني شي (وقامت من السرير بتهرب منه ومن ضعفها ومن الحقيقه اللي اكدتها لها لين

بتهرب من كل العالم وتوقف بين ايدين ارحم الراحمين )
وقف فيصل ومسك يدها قبل لاتمشي وبكل حنيه : ليان لاتتركيني بعذابي وريحيني وقولي وش فيك
ناظرت فيه ودموعها تغسل خدها : فيصل
فيصل : ياعـــــيــــــــونــــــــه
ليان (وبصوت يكسر الخاطر ) : لاتتركني حتى لو ماكنت الانسانه اللي تتمناه عيش حياتك مع غيري

مثل ماتبي بس لاتتخلى عني
سحبها فيصل لصدره وضمها توقعها ترفض بس الغريب انها استسلم لدموعها على صدره وهي تردد كلمة

لاتتخلى عني
فيصل وهو يضمها لصدره اكثر ويبوس راسها : الله لايخليني لو تخليت عنك .. ليان والله ثم والله

ماقدر هالقلب يحب غيرك ومستحيل يحب غيرك عطيني فرصه اكفر عن خطاي بحقك.. غلاي انا

عشت يتيم رغم كل اللي يحبوني لكن كان شعوري باليتم موجود ومايفارقني وانتي جربتي اليتم برغم

وجود امك وابوك فـ كفايه نقسى على انفسنا وخلينا نعيش الباقي من عمرنا بسعاده
كان رد ليان مجرد بكاء وفيصل سكت وتركها تبكي وتفرغ كل الحزن اللي بداخلها


في الصاله

ندى : يمه بطلع لها يعني بطلع
ام ماجد : صدق انك ماتستحين وين تطلعين؟
ندى : اجل بروح لجدي
ام ماجد : لا مضمنك دام هالممرض فيه انا بروح اشوفه
ندى : اول مره احس انك ذكيه
ام ماجد : الله لايغضب علينا هذا كلام تقولينه لاامك
ندى : بس من زود الحب
ام ماجد وهي تقوم : لا عاد من حب لاتحبيني دام هذا حبك
ندى : ابشري
راحت ام ماجد وتركتها وهي تفرك يديها بنصر انها صرفة امها وبكل سرعتها ركضت فوق وراحت

لجناحهم بس مالقت احد صارت تمشى على ابواب الغرف وتفتح حتى طاحت على غرفة ليان بس وجهها

صار اشارة مرور من اللي شافته ولما حست انه موقف برئ ليان تبكي وفيصل ضامها يهديها بدون اي

نوايا اخرى هان عندها الامر شوي
ندى بأحراج : اسفه بس كنت بتطمنى على ليان
بعد فيصل ليان عن صدره شوي باحراج اما ليان كانت صدمتها مضاعفه اولآ اشلون خانت وعدها

لنفسها انها ماتسمح لفيصل يلمسها فما بالك انها ترتمي على صدره وتبكي بين يديه والمصيبه الثانيه ان

ام لسانين شافتها
فيصل بقهر : تطمنتي وتفرجتي يله انقلعي
ندى : لو اقول آآآآآهــ ياقلبي بتزعل
فيصل : لا مو بزعل الا بذبحك
ندى : يعني اطلع
فيصل بعصبيه : ضفي وجهك
طلعت ندى وعلشان تقهره تركت الباب مفتوح ونزلت تركض مع الدرج وبصراخ : يمه لحقي علي
.. يمه لحقي علي
ماوصلت للصاله الا امها جايه تركض
ام ماجد بخوف: وش فيه ليان صار لها شي؟
ندى : قلت لحقي علي ماقلت لحقي على ليان والا ليه تهتمين.. قلبي على امي انفطر وقلب امي

علي حجر
ام ماجد : حسبي الله عليك اللي حتى الامثال ماسلمت منك هذاني لحقت عليك هااه وش فيك
ندى : زوجينـــــــــــــــــــــــــــــــــــي ياعالم ياناس ارحموني وزوجونــــــــــــــــــــــــــــــــــي
ام ماجد : انتي طالعه فوق ؟؟؟
ندى : ايه
ام ماجد : وجعيه وليه ومنك تعصين كلامي وتطلعين
ندى : آآآآآآآآهــ يمه ليتني سمعت كلامك وماطلعت
ام ماجد : حالتك مستعصيه مير خلينا نمشي لاتفضحينا زودن على فضايحك
تركت بنتها وراحت تبي تطلع فوق علشان تقول لفيصل انها بتمشي
ندى لما شافت امها بتطلع : يمه انصحك لاتطلعين ترى بيتعب قلبك وتنشبين بحلوقنا تبين العرس من

الحين اقولك زواج مافيه غير عقب مااموت
ام ماجد وهي تطلع الدرج : عسى تموتين وارتاح منك
اول ماطلعت الدرج شافت فيصل طالع من الغرفه
فيصل : هلا بالغلا ليه ماطلعتي بالاسانسير اريحلك
ام ماجد : ليه شايفني عجزت
فيصل : هههههههه لا شباب يالغاليه ماناقصك غير العرس
ام ماجد : لا تحطونها براسي ترى اعرس من بكره
فيصل : هههههههههههههههههههههههههههههههههههههههههه وانا اقول ندى على مين طالعه
ام ماجد : لايكثر .. وطمني عن ليان
فيصل : الحمدلله بخير بتصلي وتنزل
ام ماجد : الله يتقبل منها المهم انا بروح لبيتي وبجي بكره العصر ان شاء الله
فيصل : مافيه روحه نامو الليله هنا
ام ماجد : لو معنا لبس ماقلت لا بس لازم نرجع للبيت
فيصل : اجل تروحون بعد العشاء
ام ماجد : لو ابي عشاء قعدت بدون ماتقول بس مالي نفس فيه وبروح للبيت تعبانه وفيني النوم من

صحيت مارتحت
فيصل : اللي يريحك يالغاليه

~~~~~~~~~~~~~~~~~~~~~~~~~

الساعه 11 في غرفة الجد عبدالرحمن

جلست ليان تناظر في جدها النايم بحب بعد ماخلصت من قراءة القرآن له قطع عليها تأملها صوت

فيصل
فيصل : ترى اغار
ليان : من شنو تغار
فيصل : من حبك لجدي
ليان بجديه : مستحيل احب احد كثره
فيصل يتصنع الصدمه : حتى انا
ليان : حتى امي وابوي كل اللي احبهم مستحيل احبهم كثر او اكثر من جدي
فيصل : وليه ماقلتي احبه اكثر من نفسي
ليان وهي تطلع من الغرفه : لاني مااحب نفسي
فيصل وهو يمشي بجنبها : بس انا احبك ويله نطلع انام مانهديتي من التعب
ليان بنفسها (مو هذا اللي متعبني اكثر شي اشلون بمشي برجلي للمكان اللي انقتلت فيه روحي )
وصلت للجناح بخطوات متردده وبخوف .. اول مافتح فيصل باب الغرفه غمضت عيونها حيل

وكلماتفيصل اللي قاله لها في نفس هالمكان تتردد بذهنها .. حست بيدين ترفعها عن الارض واطلقت

صرخة خوف
فيصل : اشششششششش لاتصحين كل اللي في البيت
ليان بخوف : نزلني
فيصل : دام غلاي رافضه تدخل برجلها ماقدامي غير ادخلها وانا شايله بين ايدي وبعدين تبغين انزلك

فتحي عيونك اول
ليان : نزلني وافتحهم
فيصل وهو ينزلها على الارض : يله فتحي
فتحت عيونها وناظرت حولها كان الجناح فخم بما تعنيه الكلمه عباره عن صالة جلوس وغرفة نوم ملكيه

بسريرها الواسع اللي عليه ستاير بيضاء خفيفه مجموعه بطريقه روعه ومثبته على الاعمده بشرايط ذهبيه

وبابين مقفلين توقعت ان واحد الحمام (عزكم الله )وواحد اكيد غرفة تبديل ملابس
ليان : ممكن اروح اخذ شور
فيصل : خذي راحتك ياقلبي هذا الحمام وهذي غرفة تبديل الملابس
تركته ليان ودخلت تاخذ شور اول ماخلصت دخلت غرفة الملابس من الباب الفاصل بينهم وقفت تناظر

بملابسها محتاره شنو تلبس بالاخير استقر رايها على قميص للين وهو استر شي قطني ناعم الى الركبه

بدون اكمام لونه بنفسجي فاتح مره (موف) وعليه رسمت لولو كاتي على الصدر
طلعت من غرفة تبدل الملابس وهي تدعي ربها ان هاللي تعدي على خير
كان فيصل جالس يتفرج على التلفزيون او ماحس انها طلعت التفت عليها وابتسم
ليان بخوف : فيه شي
فيصل : لا ياغلاي بس صدق ان الشمس مايغطيها غربال
ليان : شنو تقصد؟؟؟
فيصل وهو يوقف ويقرب منها : اللي اقصده ياقلبي انك سويتي استنفار بالدولاب الين لقيتي استر

واشين شي ولبستيه ومع كذا مازادك الا جمال على جمالك
ليان : مطول تفرج على التلفزيون
فيصل بخبث : ليه حابه نروح على غرفة النوم على طول
ليان بأحراج وقهر : اقصد اني تعبانه وبنام وبما اني بنام على الكنبه سألت بعرف اذا بتطول او لا
فيصل : نوم على الكنبه لا وربي ماتنامين غير على السرير واذا كارهه وجودي الى هالدرجه الله

يعيني انا اللي بنام على الكنب ويكون في معلومك مو انا اللي افرض نفسي في الاموار هذا على

انسانه كارهه قربي
ماردت عليه ليان وراحت تنام على السرير كل مره تتجادل معاه كلامه هو اللي يمشي فا ليه تتعب

عمرها
فيصل : هاا وين انام
ليان بقهر : بالمكان اللي يريحك
فيصل ببتسامة انتصار : يابعد عمري والله ادري قلبك الطيب مايتحمل اني اتعذب من نومة الكنب
طفت الانوار ونامت على حافة السرير من كثر ماهي على الحافه تحس انها لو تنفست بعمق بتطيح من

السرير
فيصل وهي يتمدد على السرير : والله ياانتي اخذه راحتك بالمره ومستحله كل السرير
ليان : فيصل ممكن تسكت ابي انام
فيصل : ان شاء الله عمتي بس ياليت تنامين زين ووالله ماالمسك بستثناء ان هذي يدي ممدوه لك لو

حبيتي تحطين راسك على صدري
ليان من بين اسنانها : شكرآآآ ماابي
فيصل : انتي الخسرانه
ليان تسكته : ادري
فيصل : دامك تدرين انك خسرانه ليه ماتعوضين خسارتك دام الدعوه مازالت قائمه
ليان بعصبيه : فيصصصصصصصصصصصصصل
فيصل بقهر : خلاص سكت

~~~~~~~~~~~~~~~~~~~~~~~~~~~~


في بيت ام ماجد الساعه 3 العصر

ندى : يمه متى بنروح
ام ماجد : على الساعه 5 ليه
ندى : يعني اقول دام فيه وقت واذا ممكن طبعآ واذا مايزعلك ولا يعصبك ولا ينرفزك ولا ..
ام ماجد تقاطعها : اذا زواج لا مافيه
ندى : آآآهــ ياقلبي يعني لازم تذكريني لا هذي عارفه الاجابه عليها مسبقآ انا اقصد اقدر افتح النت

شوي
ام ماجد كانت بترفض بس لما تذكرت انها مكلمه راكان يجيها تبي تأخذ راحتها بالسوالف معه بدون

خبال بنتها غيرت رايها : زين مايخالف والوقت غير محدد اليوم المهم تكونين جاهزه الساعه 5
ندى بصدمه : وش هالرضى ليتني استغليت الكرم الحاتمي اللي نزل عليك فجاءه وقلت زوجيني
ام ماجد : بتقومين والا اغير رايئي
ندى وهي تركض لغرفتها : لا واللي يرحم والديك
دخلت غرفتها وفتحت المسن كانت تؤامها في الخبال اريج اون لاين
عندما ارى عيناهـ اخق خقتن ماهي بصاحيه<<<ندى
اذا عندك عريس لنا ردي واذا ماعندك ضفي وجهك بروح افرفر بالمنتدى
الصديق الصدوق هو من يساعدك على رفع الصندوق<<<اريج
ماعندي غير عريس عبير وش رايك نتامر عليه ونخطفه منها
عندما ارى عيناهـ اخق خقتن ماهي بصاحيه<<<ندى
مايخالف مو يقولون الحرب خدعه
الصديق الصدوق هو من يساعدك على رفع الصندوق<<<اريج
وش دخل هالمثل .. ماعلينا بغيت اموت اليوم وهي تقولي وش سوو فيها
عندما ارى عيناهـ اخق خقتن ماهي بصاحيه<<<ندى
انتي ناويه تجلطيني قولي غردي وش سوا فيها
الصديق الصدوق هو من يساعدك على رفع الصندوق<<<اريج
انا قلت سووا جمع ماقلت سوا اقصد مركز التجميل اللي يجهزونها للزواج
عندما ارى عيناهـ اخق خقتن ماهي بصاحيه<<<ندى
يعني وش بيكنون سوو لها
الصديق الصدوق هو من يساعدك على رفع الصندوق<<<اريج
تقولك سوولها جلسة طحالب بحريه خلتها تنحف كيلووين وصار جسمها ناعم ويلق لق <<<والله من النصب
عندما ارى عيناهـ اخق خقتن ماهي بصاحيه<<<ندى
وش هي هالطحالب البحريه بروح اسويها
الصديق الصدوق هو من يساعدك على رفع الصندوق<<<اريج
مايبيلها شي يجبون طين ويغطونها فيه كله ماعدا راسها
عندما ارى عيناهـ اخق خقتن ماهي بصاحيه<<<ندى
بس يعني الواحد يقدر يسويها في البيت؟؟
الصديق الصدوق هو من يساعدك على رفع الصندوق<<<اريج
ايه انا لولا اخواني كان سويتها في الحوش
عندما ارى عيناهـ اخق خقتن ماهي بصاحيه<<<ندى
ادعيلي بالتوفيق يله باي
وطلعت من المسن بدون ماتنتظر ردها وراحت تركض للحديقه لقت مكان طين جاف مافيه زرع وجلست تحفر فيه وترشه بالماء حتى تحول لطين لزج رتبت مكان تنام فيه وطين يكفي انه يغطيها
ندى تكلم نفسها (بس ماقالت لي اغطي نفسي بالطن بملابس والا بدون ملابس لا اكيد بدون والا ماقالت بالحوش اكيد مستحيل تفصخ وممكن احد يشوفها استعنا بالله يانحفت كيلوين والا مامن ضرر وناسه وراس مالها ترويشه) جلست وغطت كل جزئها السفلي بالطين وبعدها تمددت وغطت باقي جسمها بالطين

ام ماجد بعد مادخلت راكان
ام ماجد : حياالله ولدي اللي مايجي غير بعزيمه
راكان : لا والله يالغاليه انا من غير شي كنت بجي اليوم علشان تشوفين لي طريقه اشوف جدي
رواية ابوس راسك يا زمن ماعاد فيني للجراح رواية سعودية مشوقه كاملة
ام ماجد : ادري يمه وعلشان كذا انا اتصلت عليك روح للحديقه علشان ناخذ راحتنا بالسوالف على مااجيب شي نشربه
راح راكان للحديقه مثل ماطلبت منه عمته
ندى سمعت صوت خطوات وتوقعتها امها خافت لاتشوفها امها فجاءه ويصير لها شي فقررت تعلن عن وجودها : يمه لاتضحكين ادري فيك بس ترى مانهبلت ان جالسه اسوي جلست طحالب بحريه
انتبه راكان لمصدر الصوت وانصدم ماشاف غير راس على الارض الوجه والشعر ملطخه بالطين بس الجسم مايشوفه بس اللي هو متأكد منه انها الخبله راعيت الصابون .. صد وهو يحاول يكتم ضحكته بس غصب عنه فلتت وكانت مدويه
الضحكه سمرت ندى من الخوف وهي تدعي ربها ان اللي سمعته مجرد هلوسه من كثر ماتفكر بالعرس لكن صوت امها حطم كل احلامه
ام ماجد : عسى هالضحكه دوم ياولدي بس وش مناسبتها
راكان وهو يحاول يتمالك نفسه : و..احم احم ولاشي انا راح للمجلس
ام ماجد : وراها تروح للمجلس خلنا نقعد هنا
راكان بضحكه : ماعليه يمه ابروح للمجلس شوي وراجع .. وترك عمته وراح
ندى ببكى : يمه لحقي علي
ام ماجد بروعه : بسم الله يمه ندى وينك (حطت يدها على قلبها لما شافت بنتها) يمي وش مسوي فيك كذا
ندى من بين دموعها : اسوي جلسة طحالب بحريه
ام ماجد : ومن اللي شارك عليك هالمشوره؟؟
ندى : الحيوانه اريج
ام ماجد وهي ترفع يديها للسماء : يالله انك تلطف بحالي انا وام الخبله الثانيه وتعوضنا فيهن بالجنه
ندى ونوبة البكاء عندها تزيد : يمه شافني كذا يعني مافيه امل يتزوجني
ام ماجد : الله يرحم حالتس وانا امتس اللي انا اتعوض الله بعقلك اللي طار وانتي ماهمك غير العرس
ندى وهي تحاول تبعد الطين عنها تبي تقوم: ياربي ليه كل ماشافني يكون شكلي غلط
ام ماجد : هذي عقوبه من الله علشان حلفك المره اللي فاتت انه بيشوفك متكشخه (وتناظر في بنتها من فوق لتحت ) امحق كشخه .. سلينا سلينا
ندى : ليه تنادينها تبين حتى الخدم يتشمتون فيني
سلينا : يس ماما
ام ماجد : جيبي خرطوم الماء ورشيها فيه الين تنظف
ندى : يمه لو اني بسجن ابوغريب ماسوو فيني كذا
ام ماجد بعصبيه: لايكثر لا اذبحتس
وتركت سلينا تسبحها بخرطوم الماء وهي راحت لــ راكان
ام ماجد : السموحه ياولدي
راكان : ماصار غير كل خير يالغاليه
ام ماجد : تراها كانت تزرع في الحديقه (ولما شافت وجه راكان اللي تغير من كثر ماهو حابس ضحكته) حسبي الله عليها من بنت اللي ماخلت لي ولاكذبه تنصدق

~~~~~~~~~~~~~~~

في الفندق

طلال : يمه وش رايك نروح لبيت فيصل
ام طلال : لا اليوم مافيه روحه بكره ان شاء الله
طلال : حتى لو قلت بخطب
ام طلال بفرحه : تقوله صادق
طلال : ايه يالغاليه ويله قومي علشان تتعرفين على العروسه وامها
ام طلال : ومن ناوي تخطب
طلال : انتي قومي وبالسياره اقولك كل شي
ام طلال : ايه بس قلنا لـ فيصل ماراح نجي اليوم
طلال : لا انا اتصلت وقلت له
ام طلال : ماراح اتحرك الا لما تقول من اللي نويت تخطبها






نهاية الجزء السابع

من هي التي قرر طلال الزواج منها ؟؟
من هي الشخصيه التي سوف تحوز على احترام فيصل واعجابه ويرشحها كزوجه لــ طلال؟؟؟
ماذا سيحدث في الزياره لــ منزل فيصل وهل ستنجح منال في تنفيذ خطتها ؟؟


(البارت القادم يوم الخميس ان شاء الله <<< واوعدكم يكون طوووووووووووووويل واعذروني على التأخير بس ظروف الشغل هي السبب)


اختكم معزوفه حزينه



فراغ عاطفي غير متواجد حالياً   رد مع اقتباس
قديم 12-19-2008   #10 (permalink)
عضو ألماسي
 
♣ تسجيليْ » Dec 2008
♣ عضويتيْ » 45039
♣ مشارگاتيْ » 637
♣ نقآطيْ » 792
فراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to beholdفراغ عاطفي is a splendid one to behold
افتراضي رد: رواية ابوس راسك يا زمن ماعاد فيني للجراح رواية سعودية مشوقه كاملة

ابوس راسك يازمن ماعاد فيني للجراح


الجـــــــزء الثامــــــن


قولي احبك
كي تزيد وسامتي
فبغير حبك لا اكون جميلا

قولي احبك كي تصير اصابعي
ذهبا وتصبح جبهتي قنديلا
الان قوليها ولا تترددي بعض الهوى
لا يقبل التاجيل

ساغير التقويم لو احببتني
امحو فصولا او اضيف فصولا
وسينتهي العصر القديم على يدي
واقيم عاصمه النساء بديلا

ملك انا لو تصبحين حبيبتي
اغزو الشموس مراكبا وخيولا
لا تخجلي مني فهذي فرصتي
لاكون بين العاشقين رسولا


ابو عبدالعزيز بعصبيه : اقولك نزلني لا اقطع هالعقال على ظهرك
ليان : فيصل بلا وقاحه ونزل جدي
فيصل وهو يجلس جده على الكنب : والله وعندك محاميه مايستهان فيها
ابو عبدالعزيز : احمد ربك لو هالمحاميه مهي فيه والا لسبتك بهالعقال
فيصل بعد ماضبط شماغ جده : تمون على رقبتي يالغالي .. والحين انا بطلع البس قبل لا يوصلون
خلص كلامه ومسك يد ليان واخذها معاه فوق
ليان بعصبيه : ممكن تترك يدي والا بزر تبيني البسك
فيصل : لا ابشرك اعرف البس بروحي بس ممكن اعرف ليش قلتي علي وقح
ليان : اسأل نفسك اجل تصرفك مع جدي وش تسميه
فيصل : وش التصرف الوقح اللي سويته مع جدي غير اني طلعته من الغرفه وجلسته بالصاله
ليان : كان تقدر تأخذه بالكرسي المتحرك حقه وماله داعي تشيله والا بس حاب ترفع ضغطه

وتستعرض قوتك
فيصل يناظرها بحتقار : الله يعينك على تفكيرك اولآ مو محتاج استعرض قوتي وخصوصآ مع جدي

وثانيآ انا جلسته في الصاله ابيهم لما يجون يشوفونه بكامل قوته مثل ماكان على طول ماابيهم ينظرون له

بشفقه او شماته واذا تصرفي رفع ضغط جدي عندي اهون من انهم يشوفون ضعفه بعد قوته
خلص كلامه ودخل الجناح .. وقفت ليان مكانها تفكر بالكلام اللي قاله فيصل فعلا معاه حق لما قال

الله يعيني على تفكير كل همه كان بجدي وبنظرتهم له وانا اللي على بالي بس انه يستهبل ويستعرض

قوته

بعد نص ساعه في الصاله

ابو عبدالعزيز : وين راكان ياخالد ماشوفه جاء
ابو راكان : وش تبي فيه خله باللي مايحفظه
ابوعبدالعزيز : الظاهر اني سألت خالد ماسألتك
خالد : عنده شغل بس يخلصه بيجي ان شاء الله
ابو راكان : لا اشوف رقعة وجهه ان جاء ذبحته
ابو عبدالعزيز : اذا صار هالبيت بيتك تشرط من يدخله ومن مايدخله
ابو تركي : وش فيك يبه من جيت انا وابراهيم وانت شاب علينا
ابو عبدالعزيز : خالد اتصل على راكان قوله اني انتظره بعد المغرب لازم يجي
خالد : ابشر ان شاء الله بتصل عليه واقوله
ابو تركي بزعل : الحين اكلمك وتسفهني وتكلم خالد وبعدين وش هالاهتمام براكان حتى تركي ماجاء

ليه ماسألت عنه
ابو عبدالعزيز : مايحتاج اسأل عن تركي عندي النسخه الثانيه منه
فيصل وهو يحاول يمسك ضحكته لانه عارف وش يقصد جده : جدي طلال جاء ادخله هنا والا نطلع

له في المجلس
ابو عبدالعزيز : لا روحو له انا بسلم على البنات قول لـ نوره تناديهم
فيصل : ابشر..عمي ابو تركي وابو راكان خلونا نروح للمجلس
راحو كلهم على المجلس وفيصل نادى ليان وقالها تنادي البنات جده يبي يسلم عليهم

في المجلس بعد ماسلمو على طلال

ابو تركي : وش عندك في الرياض خابرك مستقر بلندن
طلال : اكتفيت من الغربه وقلت اجي امسك شركتنا اللي هنا واريح فيصل كافي عليه شركته هو

وجده
ابو تركي : الحين ابوك ليه سجلها شراكه بينك وبين فيصل
طلال : الشركه لجدي الله يرحمه ومن بعده استلمها ابوي وفيصل اخذ نصيب امه منها
ابو تركي : ايه بس على كلام ابوي ان نص شركته لفيصل لان ابوك الله يرحمه عطاه ورث اخته

يستثمره لفيصل
طلال : ابو عطا عمي ابو عبدالعزيز جزء من نصيب ام فيصل من ورث ابوها ونصيبها من الشركه

تركه مثل ماهو وقبل لايموت سجله بأسم فيصل
ابو راكان : وانت ماعارضت ان فيصل يشاركك في حلال ابوك
طلال : وليه اعارض فيصل مااخذ الا نصيبه
ابو تركي : والله اللي اشوفه محد استفاد غيره اخذ نص حلال ابونا ونص حلال ابوك
طلال : فيصل مااخذ غير ورثه من امه وابوه ولو واحد غيره كان مارضى يشتغل بالشركه ويتحمل

التعب كله بدون مايكون له جزء من الارباح مقابل شغله
ابو تركي : كلنا نشتغل ونتعب فيها بدون مانطالب بشي
طلال : اللي اعرفه ان لك شركتك الخاصه وهي اللي تشتغل فيها ومع كذا تاخذ ارباح من شركة

عمى ابو عبدالعزيز
ابو راكان : والله مدري وش مسويلكم كلن يدافع عنه
طلال : ماندافع عنه نقول الحق
ابو راكان : وين ناوي تسكن؟؟
طلال : بيت جدي مازال موجود ومن شهرين كلفت شركه بتجديده وترميمه وان شاء الله كلها كم يوم

ويكون جاهز
ابو تركي : ومنت ناوي تزوج ؟؟
طلال : لا ناوي وعن قريب بس ان شاء الله الاقي القبول
ابو تركي : ومن المهبول اللي بيرفضك مشاء الله ماعليك قاصر
طلال : اجل اتقدم ياعم ابو راكان وانا متطمن
ابو راكان بستغراب : وليه من ناوي تخطب
طلال : والله المفروض اقول هالكلام وانا في بيتك بس دام فتحنا هالسالفه وهالبيت بيت ولدك فأنا

يشرفني اطلب القرب منك
ابو تركي بقهر من اخوه اللي اغنى ثنين عرفهم وكلهم اتزوجو بناته : بس منال ان ابيها لولدي تركي

او خالد واظن عيال عمها احق
طلال : الله يتمم لهم على خير بس انا طالب لين .. هاا وش قلت ياعم
ابو راكان لو كان فيه عيد ثالث كان بالنسبه له بيكون اليوم وانقهر من اخوه اللي كان بيخرب عليه

: والله مااقول يولدي غير اللي قاله اخوي من المهبول اللي يرفضك مشاء الله ماعليك قاصر
طلال : الله يبارك فيك ياعم بس متى بعرف بالرد
ابو راكان : ردي وصلك
طلال : اقصد متى بتشاور الاهل والبنت وترد لي بالموافقه
ابو راكان : الكلمه هي كلمتي ودامني موافق خلاص حياك الله عندي في البيت ونتفق علي كل شي
طلال ببتسامة خبث لان هذا اللي كان يتمناه يعرف لو شاورها بترفض : اجل اذا ماعندك بكره شي

بتشرف بزيارتك
ابو راكان : حياك الله ياولدي البيت بيتك
كان ابو تركي يسمع وهو ساكت وقهر الدنيا كله فيه ليان وتزوجت فيصل ولين تزوجت طلال وبناته

طايحات بكبده محد خطبهن ولو انخطبن ماراح احد يتقدم لهن يكون افضل من فيصل وطلال

~~~~~~~~~~~~~~~~~

في الصاله

منال بهمس : شوفي شيبة النار يسولف ويضحك معهم وانا وانتي ماينظر حتى فوجيهنا
لمى بقهر : وربي شي يقهر بس الشرهه مو عليه الشرهه علينا اللي جايات نسلم عليه
منال بنفس الهمس : لا ياماما ولا همني وماجيت غير علشان اسوي اللي براسي
لمي : ماتقولين لي اشلون نسوي اللي قلتيه وهالعله لين غير عينها علينا احسها شاكه فينا
منال : ملاحظتها الله ياخذها وصدقيني هذا انسب وقت دامهم لاهين مع جدك العله
قاطعهم صوت ام ماجد : بنات يله اهلكم بيمشون
منال بصدمه : وين يمشون لسه بدري
ام ماجد : والله مدري عنهم اللي اعرفه انهم ينتظرونكم
منال برجاء : عمتي طلبتك قولي لهم بدري او بجلس وبعدين ارجع انا ولمى مع السواق
ام ماجد : على راحتك ماتبين تروحين قولي لهم
قامو البنات يلبسون عبياتهم الا منال ولمى راحو بيقولون انهم بيجلسون
منال : يمه وربي طفش خلينا شوي وبعدين نرجع مع السواق
ام تركي : بكيفك يله يارنيم والا بتجلسين انتي بعد
رنيم : لا انا بروح
منال : خالتي واللي يعافيك خلي لمى تجلس معي وبعدين انا اوصلها
ام راكان : اللي يريحك يمي بس لاتأخرون وانتي يالين؟؟
لين كان عندها احساس ان جلستهم مو لله وانهم ناوين يسوون شي : لا بجلس وارجع معهم
طلعو كلهم ماعدا منال ولمى يناظرون لين بحقد وخوف انها تكون شاكه فيهم
ليان : تعالو نجلس فوق اكيد فيصل بيدخل دام طلال راح
لين : يكون افضل
ام راكان وهي راجعه لهم : لين يله البسي عبايتك ابوك رفض تجلسين
لين : وليه يرفض اني اجلس ويسمح لـ لمى
ام راكان : يقول يبيك بموضوع بسرعه قبل لايعصب
طلعت لين مع امها بقهر وهي خايفه على ليان منهم وتفكر بشنو الموضوع اللي ابوها يبغاها علشانه
منال بخبث : ليان روحي شوفي جدي قبل لانطلع فوق ليكون محتاج شي
ليان : معك حق ارتاحو دقايق وجايه او اطلعو فوق البيت بيتكم
منال بعد ماراحت ليان : يله بسرعه قبل لاتجي
لمى : والله مدري وش بتوصلنا خططك له يله مشينا
راحو للمجلس القريب من المدخل ووقفت منال تراقب مع الشباك علشان تشوف متى بيجي فيصل وتبدا

بخطتها


في سيارة ابو تركي

ام تركي : الحين ممكن تقولي ليه معصب وبس تصارخ
ابو تركي : بعذري اعصب منك انتي وبناتك
ام تركي : وش ذنبنا اذا فيصل وطلال خطبو بناته وش بيدنا نسوي
رنيم : الله يهنيهم ويسعدهم هذا اللي مفروض نقوله
ابو تركي : كلي تراب ولا اسمع صوتك قال الله يهنيهم قال.. الله لايهنيهم
رنيم بقهر : ليه كنت تبينا نستعرض قدامهم علشان يخطبونا والا نترجاهم
ابو تركي بعصبيه : والله ان ماسكتي لا انزلك وتوطاك بالسياره يالحيوانه
سكتت رنيم وهي تغلي من القهر عمرها ماكانت حسوده وتكره الحسد والله بلاه بأخت وام واب

مايرضيهم غير اللي بيدين غيرهم

~~~~~~~~~~~~~

منال لما شافت فيصل جاي بيدخل : يله جاي بسرعه مثل ماوصيتك وخلي صوتك عالي
جلست على الكنب وحطت يديها على وجهها وهي تمثل انها تبكي
لمى : الحين ممكن اعرف ليه تبكين
انتبه فيصل ان فيه احد وكان بيرجع بس وقفه كلام منال
منال وهي تبكي : جدي جدي يالمى ماشفتي شلون يعاملنا ..مستعده ادفع كل عمري بس يغير

معاملته معي
لمي : مو بس معك مع الكل وبعدين دامه مايحبنا ليه نفرض نفسنا عليه
منال : ماالومه على معاملته كلها من ابوي وابوك
لمى : وليه ماتقولين ان فيصل هو السبب بكره جدي لنا
منال : فيصل ماله اي ذنب قولي طمع ابوي وابوك وحسدهم هو اللي كره جدي فيهم وفينا ولاتلومين

جدي على حبه لــ فيصل مافيه احد اهتم في جدي طول مرضه ويحبه كثره
لمى : اشوفك قلبتي علينا علشان فيصل
منال : انا اقول كلمة الحق اللي كلنا ننكرها ابوي وعمي عمرهم ماحبو غير الفلوس وكرهو فيصل لانه

اخذ نصيبه مع ان المفروض يحبونه ويعوضونه عن ابوه
اكتفى فيصل باللي اسمعه وطلع وهو مو مصدق ان عمه سلطان عنده هالجوهره توقع ان كل عياله مثله

واكبر مثال تركي لكن اللي اكتشفه ان عنده بنت تنوزن بالذهب وتقول كلمة الحق لو انها ضد ابوها
اتصل على ام ماجد علشان تشوف له الطريق بيروح لجده ماحب يدخل ويحرجها انه سمع كلامها اللي

قالته
لمى بهمس : اتوقع انه راح والحين ممكن تقولين لي وش استفدتي من هالتمثليه
منال : تتوقعين سمع اللي قلته
لمى : اكيد سمع هذا اذا البيت كله ماسمع كلامك
منال : ياغبيه لازم ابين لفيصل ان انا ضد الكل وغير عن اهلي علشان يعجب فيني وبعدين لكل

حادث حديث
لمى : طيب اسكتي احس احد جاي
ام ماجد وهي تدخل عليهم : وش مجلسكم هنا فيصل بيدخل .. (ولما انتبهت لمنال) منال اشفيك
رواية ابوس راسك يا زمن ماعاد فيني للجراح رواية سعودية مشوقه كاملة

ليه وجهك كذا كنتي تبكين ؟؟
منال بحزن : لا عمتي ماابكي وبعدين عن اذنك ان طالعه وبوصل لمى معي سلميلي على جدي

واعتذري لليان مني
لبست عباتها هي ولمى وطلعو


ليان : عمتي وين راحو البنات؟
ام ماجد : والله مدري عنهم دخلت عليهم في المجلس كانت منال تبكي ولما سالتها وش فيها قالت

مافيني شي سلمي على جدي واعتذري لي من ليان وطلعت هي ولمى
ليان : وليه تبكي ماعرفتي
فيصل : يمكن بعض الناس مااستقبلوهم زين
ام ماجد : بسم الله من متى وانت هنا
فيصل : توى داخل الا وين جدي
ام ماجد : بغرفته وعنده ندى
فيصل : سنايدي والله وعسى الممرض الطخمه على قولتها عنده بعد يعني ماتعرفين بنتك
ام ماجد : يؤؤؤؤؤؤؤ تصدق اني نسيت .. بقوم الحق عليها لاتسوي لنا فضيحه
ليان : هههههههههههههههههههههههههه مسويه لكم رعب هالبنت
فيصل : فديت هالضحكه
ليان : وش تقصد بكلامك ان بعض الناس مستقبلوها زين
فيصل : ماادري بس اقول يمكن جدي ماستقبلها زين وهي تحسست من الموضوع
ليان : ماادري والله لاني ماكنت عندهم كنت اجهز غرفة خالتي ام طلال
فيصل : لا اوصيك عليها تراها الغاليه اللي ماشفت منها غير كل خير
ليان : لاتوصيني عليها هذي مثل امي .. فيصل
فيصل : ياعيونه
ليان : انا اسفه على اللي صار اليوم سامحني على تفكيري الغلط فيك
فيصل كان ناسي ودام انها هي فاكره حب يستغل الموقف : جرحتيني بكلامك وربي ماتوقعت ان

تفكيرك فيني كذا
ليان بندم : ماالومك لما فهمت منك ليه سويت كذا وربي استصغرت نفسي وتفكيري فيصل ارجوك

سامحني
فيصل بخبث : مستعد اسامحك وانسى كل اللي صار بـ بوسه منك
ليان بخجل : لااااااااااااا
فيصل : ترى ماطلبت شي كلها بوسه صغيره على خدي ماراح تنقص منك شي
ليان : لااااااا
فيصل : اجل الله لايسامحك وانتي انسانه تخافين ربك وتعرفيني اني زوجك جنتك ونارك واذا ضميرك

يسمحلك بكيفك
ليان بصدمه : فيصل واللي يرحم والديك لاتقول كذا واطلب اي شي ثاني اسويه
فيصل : اختاري يابوسه ياضمه (وبخبث) واذا الثنتين كلهم ماعندي مانع انتي كريمه وانا استاهل
ندى تغني بنشاز : اني خيرتكي فختاري مابين الموت على صدري او فوقا دفاتر اشعاري .. يختي

بوسيه لايطق فيه عرق والا اقولك خليه ان ابوسه عنك
فيصل بقهر : جت هادمة اللذات حسبي الله عليك من بنت
ليان كانت ميته من الخجل وتتمنى لو تذبح ندى
ندى : شوف لاتدعي علي ترى ماابوسك
فيصل بأستهزاء : لا واللي يرحم والديك بوسيني لا اموت .. انقلعي اصلآ لو بستيني لا اقطع خدي

ورميه للكلاب
ندى : ايه ناس ترفس النعمه وناس تتمناها بروح ادور الممرض الطخمه اواسيه بكم كلمه وبوسه اطرد

عنه شبح الغربه
ليان : ههههههههههههههههههههههههههههههههههههههه
فيصل : تصدقين ياندى كل ليله قبل لا انام افكر بخطه اشلون اذبحك بس من تضحكين هالقمر اتعوذ

من الشيطان وغير رايئي
ندى : يعني موافق ابوسك؟
ليان : نصيحه لا تغير رائيك واذبحها على مااروح اشوف خالتي ام طلال
طلعت ليان فوق وتركتهم
ندى : تصدق زوجتك فيها عرق نذاله هذا وانا صديقتها وحفرة اسرارها
فيصل : الله يخلف على ام جابتك الناس تقول بئر اسراري وانتي تقولين حفره
ندى : ايه اضحك الشرهه علي اللي كنت ابيها تبوسك قبل لا تموت علينا
فيصل : خليك من هالهذره وتعالي معاي للحديقه دامك حفرة اسرارها


~~~~~~~~~~~~~~~~~~~~~

..... لاااااااااا يعني لااااااااااااااا لو اموت ماتزوجته
ابو راكان : بتزوجينه ورجلك فوق ارقبتك فاهمه
لين بصراخ : وربي مااتزوجه لو اقتل عمري انا مو ليان المسكينه اللي تنفذ كل اللي تبونه انا لين

وماراح اسكت لكم تمشوني على كيفكم
ابو راكان بصراخ : والله ان تزوجينه ولو سمعت حرف واحد انا اللي بذبحك
لين بتهديد : حاول تجبرني وشوفو وش بسوي والله لا اخليكم تتمنون انكم قتلتوني ولا غصبتوني على

هالزواج
ابو راكان وهو يسحبها من شعرها وياخذها لغرفتها : ان ماعلمتك اشلون الادب ياللي ماتستحين وزوج

بتزوجين غصب عنك
دخلها غرفتها ورماها على الارض وطلع وسكر الباب عليها بعد مااخذ جوالها وقطع سلك التلفون اللي

بغرفتها
ابو راكان بصراخ : هالحيوانه لو احد فتح لها الباب قتلته الين تطس لبيت زوجها
ام راكان : يعني مو كافي ولدي طردته مدري وينه ناوي تذبح بنتك ياخي عمرها ماتزوجت
ابو راكان : ولدك لاتجبين لي طاريه وبدال ماتقولين هالكلام عقلي بنتك لو تلف الدنيا كلها مو لاقيه

احسن من طلال زوج لها
ام راكان : وش فيه زود غير فلوسه
ابو راكان : هذا انتي قلتيها فلوسه اللي بتعيش بنتك ملكه لما فيصل تزوج ليان زعلتي وكنتي تبين

خيره لبناتك هذا هو جاء اللي مثل فيصل يعني اسكتي وحمدي ربك وعقلي بنتك
طلع جواله واتصل على طلال
طلال : نعم
ابو راكان : هلا طلال الظاهر ماعرفتني
طلال : السموحه منك الصوت مو غريب علي بس ماعرفتك
ابو راكان : انا عمك ابو راكان الظاهر ماسجلت رقمي لما عطيتك
طلال : هلالالا والله السموحه منك يالغالي نسيت لا اسجله
ابو راكان : مسموح ياولدي لتكون مشغول
طلال : لا ابد امرني
ابو راكان : مايامر عليك عدو بس كنت بقولك دامك جاي بكره جيب الملاك معك علشان تتفقون على

كل شي براحتكم لاني احتمال بعد بكره اسافر
طلال هذا اللي كان يتمناه لو عليه ملك اليوم : ان شاء الله يالغالي انت تامر وتروح وترجع بالسلامه

ان شاء الله
ابو راكان : خلاص اجل انتظرك بكره بعد العصر وعذرني مانقدر نسوي حفله ولا شي تعرف صعبه

بالظروف اللي فيها الوالد
طلال : معك حق ومالومك وحتى انا افضل مايكون فيها احتفال ولا شي

ام راكان بعد ماشافته قفل من طلال : خاف ربك في بنتك الحين وش بيقول مستعجلين على الفكه من

بنتهم والا ماصدقو اني تقدمت لها
ابو راكان : خليه يقول اللي يقوله اهم شي تصير زوجته قبل لاتجيب لنا مصيبه ماعندي استعداد افرط

فعريس مثله لو شفتي اخوي سلطان اليوم لما قال طلال انه بيتزوج حسيته انه بيموت حتى حاول

يعترض ويقول ان لمى بتكون لو احد من عياله بس طلال قال يبي لين وماترك له حجه ولو عليه

زوجه بنته

~~~~~~~~~~~~~~

ندى : يله تكلم مافيه شي يردك الماء والخضره(وهي تشر على وجهها) والوجه الحسن
فيصل بشمئزاز : وين اتكلم لاعت كبدي
ندى : وااااااااااااااااااااااااااااااي وناسه بصير عمه
فيصل بستغراب : ليان وابصم لك بالمليون انها مو حامل غير اذا ماجد متزوج وانتي تدرين عنه هذا

شي ثاني
ندى : لا بس انتي مو تقول لايعه كبدك اكيد حامل
فيصل وهو يشد شعرها : الله يخلف على ام جابتك والشرهه مو عليك الشرهه على اللي يبي

مشورتك انقلعي من قدامي ولاتحلمين بالعرس دامي حي
ندى : لا لا وربي خلاص التوبه كلي اذان صاغيه ..امر .. قول ..تدلل ..غرد ..اطربني
فيصل : ايه خليك عاقله واسمعيني .. ليان زعلانه مني وماادري شلون اراضيها يعني بجيب لها

هديه بس ماادري وش يعجبها
ندى : ههههههههههههههههههههههههه بتراضي ليان بهديه .. فيصل ليان مو مثل ماتظن بترضى بطقم

والا بسفره والا باي شي مادي حتى لو كتبت كل حلالك بسمها
فيصل : اجل اشلون اراضيها
ندى : ليان تبيع لك عمرها مو بس ترضي بكلمه حلوه منك وبحنانك تقدر تكسب قلبها
فيصل : طيب هذا اللي انا اسويه ومازالت زعلانه
ندى : فيصل انا مدري وش اللي صاير بينكم لكن ليان ماتعرف تزعل ولا تحقد ممكن انت جرحتها

واللي هي فيه خوف من انها تسلمك قلبها وتجرحها مره ثانيه
فيصل : تصدقين احيانا احس انك ذكيه
ندى : تصدق احس بضيقه واكتئاب لما اكون عاقله
ناظر فيصل بندى اللي واقفه وعاطيه المسبح ظهرها
فيصل بخبث : ندى تذكرين مقاطعتك لنا قبل شوي
ندى : هههههههههههههههههههه ايه قصدك لما خربت عليك البوسه ولا يهمـ...
لااااااااااااااااااااااااااااا كان اخر كلمه قالتها ندى قبل لايدفها فيصل في المسبح .. وقف يناظر فيها وهي

تتخبط في الماء ولما شافها بدت تستعيد توازنها وتحاول تطلع تركها وراح للبيت
اول مادخل تفاجاء بوجود راكان وتذكر ان جده طلب انه يجيه بعد المغرب انتبه على نظرات الرجاء

بعيون عمته ابتسم وقرب من راكان وسلم عليه
راكان : اعذرني يافيصل على جيتي هالوقت بس ..
فيصل يقاطعه : البيت بيتك ياراكان وحياك في اي وقت
راكان : الله يسلمك هــ...
قطع كلامهم صراخ ندى
كانت داخله مثل الاعصار بملابس مبلوله ولاصقه على جسمها والكحل سايح ومسوي خريطه بوجها :

شوفي ولدك هذا ذابحته يعني ذابحته وخليكم كلكم شاهديـ.. (وبصدمه لما شافت راكان) لااااااااااااااا
انتبه راكان للموقف ونزل راسه للارض ومستغرب من حظه المنحوس ثلاث مرات يشوفها ولافيهن

ولامره شكلها كان يسر
اما ندى صنمت مكانها من الصدمه وماحست بأمها وليان اللي يسحبونها للمجلس وهي تتحرك معهم مثل

الرجل الالي
ام ماجد : وش مسوي فيك كذا بزر انتي تسبحين بملابسك
ندى بصدمه : الثالثه ثابته
ليان : ندى وش ثالثته ؟
فيصل هو داخل عليهم : ماعندك عقل انتي ماتفكرين ان ممكن يكون فيه احد جايه مدرعمه على طول
ندى بحقد : انت تسكت لا اذبحك
ام ماجد : فيصل خل التحقيق الحين وخلني اعرف وش مسوي فيها كذا
فيصل : كنت امشي معها وزلت رجلها وطاحت في المسبح
ندى بصراخ : كذاب هو اللي دفني (وبصوت اخنقته العبره) يمه الثالثه ثابته
ام ماجد : حسبي الله على عدوك يافيصل اللي خليتها تستخف
ليان : الله يهديك يافيصل راميها في المسبح على حزة هالمغرب ماخفت يجيها شي من الخوف بسم

الله عليها
فيصل : هذي الجني اللي بيدخل فيها بايعن عمره
ندى : كل تراب .. عطوني مرايه
ام ماجد : ياحسرتي على بنتي .. وش تبين فيها
ليان : انا بطلع اجيب لها من ملابسي وانت يافيصل روح اجلس عند جدي وراكان
فيصل بخبث : ماينفع اطلع معك
ندى : ضيعت مستقبلي وتغازل زوجتك قدامي
فيصل وهو يمسك يد ليان : والله من المستقبل ..(وهوياخذ ليان معه برا الغرفه) يله ياعمري

مشينا اخاف ماتنامين من الخوف اذا شفتي هالاشكال
ندى بحزن : يمه هذي ثالث مره بس اتوقع منظري هالمره افضل من اللي راحو صح
ام ماجد : شفتي وجهك يمه
ندى : لا
ام ماجد : اجل اذا شفتيه احكمي

~~~~~~~~~~~~~~~~~~~~~~~

الساعه 12 في جناح فيصل وليان

ليان : فيصل نمت
فيصل : لا مانمت ليه؟
ليان : فيصل سامحني
فيصل (ياربي هل البنت تعذبني على كل اللي سويته فيها تعتذر على كلمه عاديه): قلت لك ماراح

اسامحك الا بـ بوسه او ضمه
ليان : فيصل يهون عليك الملائكه تلعني حتى اصبح
فيصل بستغراب : وليه تلعنك؟
ليان : ماادري سمعت انه اذا المراءه نامت وزوجها غضبان عليها تلعنها الملائكه حتى تصبح
فيصل : دامك عارفه ليه ماتراضيني
ليان : يعني ماراح تسامحني
فيصل : نوب
قربت منه ليان وهي تتمنى لو قصت لسانها هاللي ورطها وطبعت على خده اسرع بوسه ورجعت مكانها
فيصل : ههههههههههههه تسمين هذي بوسه
ليان بأحراج :مافيه غيرها
فيصل : الله يصبرني لا راضي اي شي منك حلو
ليان : يعني سامحتني انام وانا مرتاحه
فيصل : مازعلت منك علشان اسامحك وبعدين الملائكه تلعن المراءه حتى تصبح اذا دعاها زوجها الى

الفراش ورفضت مو علشانه زعلان عليها زعله عاديه
انقرت ليان من نفسها صدق انها مخفه وغبيه كل شي تصدقه لعب عليها فيصل الين نفذ اللي براسه
فيصل : ليان سامحيني .. اخاف اموت وتحمل ذنب ظلمي لك
انقبض قلب ليان من كلمته ونزلت دموعها بصمت برغم كل اللي سواها لكنها مسامحته من كل قلبها

وخوفها منه هو من كثر حبها له اللي يزيد يوم عن يوم واي جرح منه ممكن يقتلها


~~~~~~~~~~~~~~~~~~~~

الساعه 3ونص العصر في بيت العمه نوره

ام ماجد : حسبي الله عليك من بنت خليني اسمع ام طلال وش تقول وانتي من البارح مزعجتني

بهاللي يتبكبك
ام طلال : ان لله وانا اليه راجعون مابعد خفت حالتها
ام ماجد : وين تخف وهي طول ليلها مشغلتن ابكي على ماجرالي ياهلي وتناشق
ام طلال : ههههههههههههههههههههههههههههه حفظتيها
ام ماجد :وين ماحفظها وانا من البارح مااسمع غيرها.. خليك منها وقوليلي وش سالفة طلال
ام طلال : لاسالفه ولا شي كل الموضوع انه خطب لين وامس اتصل عليه ابو راكان يقوله يجي

اليوم العصر ويجيب الملاك معه واتصلت عليك ابيك تروحين معي
ام ماجد : الف مبروك ونعم من اختار والله يتمم لهم على خير
ام طلال : الله يبارك فيك هاا بتجين والا لا
ام ماجد : لا ان شاء الله بجي بس بشوف هالعله وشلون اوصل لها الخبر

ام ماجد بعد ماقفلت من ام طلال : ندى
ندى بحزن : لا تقولين اطفيه .. ابكي على ما جرا لي ياهلي..قلبي انا بالعنوسه مبتلي
ام ماجد : لاتكرهيني فيها زودن على كرهي لها من زين الصوت بعد محرفه فيها
ندى : مدري شلون قلبك يطاوعك تضحكين وانا حالي كذا الثالثه ثابته
ام ماجد : والله هذا في الحالات العاديه انت من الاولى وهي ثابته
ندى : كل ماتذكر وجهي والكحل مسوي فيه شوارع اتمنى اموت
ام ماجد : كله يهون عند سعبولتك
ندى : لاااااااااااااااا وسعبوله بعد
ام ماجد : دامني خففت عليك شوي اجل بقولك عن خطبت لين وطلال
ندى : اي خففتي انت مثل اللي يرش الملح على الجرح وشوووووووووو .. خطبت مين
ام ماجد : انا ماحبيت اصدمك بالخبر فقلت خطبه والا هي ملكه وبعد ساعه يله اجهزي بنروح
ماردت عليها ندى وطاحت على الارض مغمى عليها
ام ماجد : ان صحيتي بعد نص ساعه الحقيني على السياره


في بيت ابو راكان


كانت محبوسه بغرفتها من امس المغرب مانفتح الباب غير مره وحده لما حطو الاكل كانت تحس انها

بسجن او معتقل كل كرها لـ طلال قبل مايجي نقطه في بحر كرهها له الحين لكن مع كذا ماراح

تستسلم وهالزواج ماراح يتم لو على موتها .. قطع تفكيرها صوت الباب وهو يفتح
ابو راكان بعد مادخل : يله وقعي
لين بصدمه : وش اوقع عليه
ابو راكان : وقعي على ملكتك يعني وش ابوقعك عليه
لين الصدمه كانت اكبر منها اكيد ان ابوها هو اللي استعجل على الملكه ووين الملاك ليه مايسالها اذا

هي موافقه او لا
ابو راكان بصراخ : ترى مو فاضيلك يله وقعي
لين : توقيع ماراح اوقع ولاتعب عمرك وتضيع وقتك
ابو راكان بعصبيه : بتوقعين يعني بتوقعين لو اقص اصبعك وابصم فيه
لين : قلت ماراح اوقع اذا انت بعتني انا ماراح ابيع نفسي
عرف ان الكلام ماراح يجيب معها نتيجه سحبها من شعرها وقام يضرب فيها الين استسلمت وقعت

رماها علي الارض
ابوراكان بصراخ : ترى مابعد شفتي شي وخليني ارجع بعد نص ساعه وماتكونين جاهزه والله ثم والله

لااخليك تمنين لموت واسحبك له وانتي كذا
اول ماطلع من الغرفه الا ندى بوجهه
ابو راكان : وش عندك واقفه هنا
ندى : هااا .. ايه ك.. كنت ابي اشوف لين
ابو راكان : اذا يهمك امرها ادخلي عندها وعقليها ولا اجي بعد نص ساعه الا وهي جاهزه
ندى : هااه .. ايه ان شاء الله ابشر
دخلت على لين بعد مانزل خالها وصدمها شكل لين طول عمرها تشوف لين قويه ومافيه شي يأثر فيها

وشكلها بالمره مبهذل وهي اللي كانت اكثر وحده تهتم بشكلها ومظهرها حتى لو في البيت
ندى : لين وش اللي مسوي فيك كذا وهذا اليوم يوم ملكتك
لين ببكى : قولي يوم موتي اسواء يوم بعمري قولي اليوم اللي باعني ابوي فيه كااني بهيمه مو

انسانه بس لا تقولين يوم ملكتي
ندى : ياربي ان ماادري شنو هالحاله المستعصيه فيكم انتم ياهالتؤام تزوجتو بالطريقه اللي احلم فيها

وشعاركم يوم الملكه البكاء حتى الموت .. يااختى احمدو ربكم غيركم يعزرون فيهم الين مايزوجونها

ماتزوج الا وهي ناشف حلقها من كثر مايماطلون فيها
لين : ندىىىىىىىى اطلعي ماابي اسمع صوتك
ندى : لا مو طالعه واسمعيني وخذيها مني نصيحه ترى حالات العقل ماتزورني الا نادرآ فستغليها ..

اللي بوصله لك هو اني عارفه انك مجبره على الزواج وخلاص تم مابيدك تسوين شي وابوك بيجي

ياخذك تنزلين له بعد نص ساعه امامك خيارين ياتنسحبين له مثل البهيمه على قولتك بشكلك هذا وبكل

ضعف او تنزلين بكل شموخ وكبرياء وتبينين للكل انك لين اللي طول عمرها قويه وماترضى بالضعف

لين كانت تفكر بكلام ندى فعلآ معاها حق هالبنت على كل اهبالها بس ميزتها تشغل عقلها بالمواقف

الحرجه
ندى وهي رافعه يديها للسماء : يارب حنن قلب امي واخوي وخلهم يزوجون بنفس طريقة جاحدات

النعمه لين وليان
لين : بديت الشك ان الكلام اللي من شوي صدر من خبله مثلك .. يله نقلعي خليني البس
ندى : البسي على مااروح اندب حظي وحط حرتي بالاكل
لين : مدري وين يروح هالاكل لو وحده تأكل اكلك بتصير ماتدخل مع الباب
ندى : ايه احسدوني مابقالي غير الاكل وبتحرموني منه

~~~~~~~~~~~~~~~~~~~~

طلعت من الحمام (عزكم الله ) بعد مااخذت لها شور لبست وقعدت تحط ميك آب وماكانت تدري

عن اللي تمر فيه اختها وفي بالها شي واحد انها ناويه تفتح صفحه جديده مع فيصل بس ماتدري شلون

تحس بخجل من مجرد انها تحاول خلصت مكياجها ووقفت تتأمل وجهها .. حست بيد تلف خصرها

حاولت تبعد بس هو شدها على صدرها (كان ظهرها هو اللي ملامس صدر فيصل )
فيصل وهو يقرب شفايفه من اذنها : كافي عذاب وسامحيني
ليان بخجل واحراج : ممكن تتركني بنزل اشوف جدي
فيصل وهو مازال يهمس بأذنها : قولي انك سامحتيني وخلينا نفتح صفحه جديده وكافي عذاب لي ولك
ليان : فيصل مو وقت هالكلام ممكن تتركني
فيصل بقهر ويأس : اموت واسمع كلمة احبك منك
تركها وطلع من الغرفه مصدمه من كلمة الموت اللي قالها من البارح وهو يكرر هالكلمه عليها حست

بضيقه وتسللت الدموع من عيونها
طلعت من غرفتها تبي تلحقه وتقوله احبك ولا اتخيل حياتي بدونك ومهما جرحتني مسامحتك بس خلك

معي على طول .. نزلت تحت بس مالقت احد راحت لغرفة جدها بس كان نايم .. جلست بالصاله

مهمومه وتلوم نفسها انها مانفذت اللي كانت تفكر فيه وتعطي حياتهم فرصه ثانيه

~~~~~~~~~~~~~~~

بعد ماتطمنت ان شكلها حلو ومرتب جلست تنتظر ابوها وهي مستغربه من ليان اشلون ماكرهت ابوي

على كل اللي سواه فيها من صغرها وهي تحس انها كرهته بس من تصرف واحد .. استغفر الله

العظيم اكيد اني انجنيت اشلون اقول كذا
... بووووووووووووووو وش تسووين
لين بخوف : حسبي الله عليك يالفقمه خلصتي اكل وجيتي تغثيني
ندى : لا بعد ماخلصت بس خالي مشغلني خدامه عنده ومرسلني اناديك
لين وهي تحس شجاعتها تبخرت : لا ندى واللي يخليك خايفه ماابي انزل
ندى : كيفك خليه يجي يسحبك مثل العنز نووو بروبلم
لين : كلي تبن مو انا اللي انسحب
ندى : اجل يله وريني شجاعتك ونزلي ولا بس كلام
لين وهي تدفها عن طريقها : وخرري عن طريقي لا اخليك تعرفين من لين
بعدت ندى وعلى فمها ابتسامه خبيثه هذا اللي كانت تبيه
نزلت لين بكل ثقه مرت على عمتها وام طلال وسلمت عليهم وراحت لاابوها
ابوراكان بعد ماشافها : زين اللي عقلتي وعرفتي مصلحتك
لين بقهر : اذا خلصت محاضرتك قولي علشان ادخل
ابو راكان : لسانك هذا يبيله قص بس الحين مو وقته ادخلي وبعدين يصير خير
دخلها واول ماجلست طلع وتركهم
كان طلال يناظر فيها من دخلت بكل ثقه وجلست وحطت رجل على رجل بدون ماتسلم
طلال بستهزاء : السلام سنه
لين وهي تناظره بحتقار : والمطلوب ؟؟
طلال بنفس الاحتقار : من الادب اذا دخلتي على احد تسلمين .. اووو اسف نسيت انك ماتعرفين

شنو الادب ومحتاجه تربيه من اول وجديد
لين بقهر : ودام انا في نظرك وحده مو متربيه ليه اموت عمرك على الزواج مني
طلال بحتقار : هههههههههههههههههههههه حلوه اموت نفسي على الزواج منك وليه ماتقولين ابوك هو

اللي ميت بس يتخلص منك يكون في معلومك هو اللي حدد كل شي وانا ماحبيت احرجه
لين ميته من القهر وهي متاكده ان اللي يقوله صدق : حقير
طلال وهو يوقف ويقرب منها : الحقير هو اللي بيربيك من اول وجديد ولاتنغرين على بالك اني

تزوجتك حبآ فيك لا اصحي انا تزوجتك علشان اكسر خشمك واحمي الناس اللي احبهم من شرك
لين بحقد : اشلون ترضى تعيش مع انسانه ماتبيك انت مو رجال والا ماترضاها على نفسك
طلال وهو يقرب منها وبتهديد: مو حاب امد يدي عليك وانا في بيت ابوك لكن اذا رحنا لبيتي ذيك

الحظه اعلمك الادب ومن اللي مو رجال
رمى عليها شبكتها وطلع.... واتصل على امه وطلب منها تطلع


ام طلال بعد ماركبت السياره : اشفيك يمي استعجلت
طلال وهو يحاول مايبين القهر اللي بداخله : عندي شغل يالغاليه
طلع جواله وهو مو عارف اشلون يقول لــ فيصل اللي صار
فيصل بضيقه : هلا طلال
طلال : هلابك وش فيها الاخلاق قافله
فيصل : لاتشغل بالك وينك حتى امي اخذها معك
طلال وهو يحاول يبين انه سعيد : ليه مابشرتك اني خطبت
فيصل : نــــــــــعـــــــــــم وانا اخر من يعلم
طلال : لا يالغالي بس والله كل شي جاء بسرعه
فيصل : ومن هالمقروده اللي بترضى فيك
طلال : الله يسلمك لين بنت عمك ابراهيم
فيصل بصدمه : ومالقيت غيرها .. اسمعني تفركش كل شي فاهم واذا بتناسب احد من اعمامي

اخطب منال بنت عمي سلطان وربي انها ملاك وحرام يكون عند عمي بنت مثلها
طلال : فيصل خلاص عمك سوا الملكه
فيصل بعصبيه : لاتقول انكم ملكتو....... (انتبه متأخر على السياره اللي قاطعه الاشاره ومتجهه

له بكل سرعتها) لااااااااااااااااااااااااااااا طلعت هالكلمه من فمه وهو عارف انها ماراح تمنع القدر وشريط

حياته يمر قدام عيونه ولا شغل فكره هاللحظه السريعه غير شنو بيكون مصير جده وليان من بعده

كان طلال يحس بالموت والالم يقطعه وهو يسمع صرخة اخوه وهو مو قادر يوصله ويساعده كان

يصارخ ويناديه لكن ماكان فيه اي صوووووووووت .. رجعت فيه الذاكر 18 سنه ورى تذكر لما

كانو يلعبون مع ابوه وهم اعمارهم 11 سنه
ابو طلال : خلاص رجال مشاء الله عليكم .. الا كم عمرك ياطلال؟
طلال : عمري 70 سنه
ابو طلال : هههههههههههههههههههه مشاء الله عليك وانت يافيصل كم عمرك؟؟
فيصل بهدوءه المعتاد في صغره : عمري 30 سنه
ابو طلال بدون شعور ضم فيصل وهو يسمي عليه ودموعه على خده
استغرب طلال تصرف ابوه وقتها بس بعد ماسمع حوار امه وابوه زال استغرابه
ام طلال : ليه تأثرت لما فيصل قال عمره 30
ابو طلال : والله مدري يمكن لو اقولك اللي خطر في بالي بتقولين مجنون .. لما قال طلال كم

عمره خطر في بالي بعيش الين يصير عمره سبعين بس لما قال طلال عمره 30 خطر في بالي انه

بيموت وعمره 30
صح من افكاره على يد امه وهي تهزه وتساله وش اللي صار
طلال بحرقه ودموعه بدت تسيل على خده : فيصــااااااااااااااااااااااااااااااااااااااال



انتهى الجزء الثامن

وش اللي بيصير لليان وش بتكون ردت فعلها؟؟
وش مصير طلال ولين هل بيستمر زواجهم او بيكون الطلاق هو الحل؟؟
وش بتكون ردت فعل راس الشر ليان؟؟؟


اتمنى ان يحوز ولو على القليل من اعجابكم ورضاكم


اختكم مــعــزوفــة حــــــــــــــــــــــــــــــزن



فراغ عاطفي غير متواجد حالياً   رد مع اقتباس
إضافة رد

الكلمات الدلالية (Tags)
للجراح, ماعاد, مشوقه, ابوس, راسك, رواية, سعودية, فيني, كاملة

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


رواية ابوس راسك يا زمن ماعاد فيني للجراح رواية سعودية مشوقه كاملة
المواضيع المتشابهه
الموضوع كاتب الموضوع المنتدى مشاركات آخر مشاركة
رواية عشاق من احفاد الشيطان كاملة لتحميل رواية سعودية فراغ عاطفي روايات طويلة - قصص - روايات الاعضاء 526 04-12-2014 01:15 AM
رواية احلى صدفة في حياتي رواية سعودية كاملة لتحميل فراغ عاطفي روايات طويلة - قصص - روايات الاعضاء 989 02-12-2013 12:24 AM
رواية والله احبك يشهد الله علي رواية كاملة سعودية تحميل مباشر فراغ عاطفي روايات طويلة - قصص - روايات الاعضاء 363 08-20-2012 07:43 PM
رواية بنات السفير رواية سعودية كاملة مشوقة ورومنسية فراغ عاطفي روايات طويلة - قصص - روايات الاعضاء 197 08-19-2012 03:26 AM
رواية لعيونك يا جود كل شي يهون رواية سعودية كاملة لتحميل رومنسية حزينة فراغ عاطفي روايات طويلة - قصص - روايات الاعضاء 70 05-07-2009 09:29 PM


الساعة الآن 04:22 AM.


Powered by vBulletin® Version 3.8.3, Copyright ©2000 - 2014, Jelsoft Enterprises Ltd.
SEO by vBSEO
 
 
يمنع منعاً باتاً اضافة الكراك او الكيجن او السيريل للبرامج لحفظ الحقوق الخاصة بالبرامج يمنع اي موضوع يهدف الى الأثارة الجنسيه أو لا يتناسب جميع افراد الأسرة ويمنع اي موضوع يدعو للعنف او يرعض مقاطع تدعو للعنف او صور تدعو للعنف